Sipanyas 3:20 - Hanunuu

²⁰ Hu, tipunun niku kamu sa ati pag sirang, ag pauliun sa kanyu nasyun. Parangalan niku kamu ag buwatun bantug sa buu kalibutan. Mangyari inda sa sirang paabundahun niku kanyu mayad pag kahamtangan. Makitan gid ngap niyu inda. Aku, ti Panginuun, ti magsabi inda.’ ”

Sipanyas 3:20 Iomraidhean Croise

Kanta 35:6

Mana bumaliw madlum ag maganuy kanda lakawan habang pagbukadun sida nimu anghil.

Isayas 56:5

Pahintulutan niku sida makasaka sa kang Balay ag kilalan-un niku sida subra man sa pagkilala kang ipakaun nu sida nanhinganak. Ag balaw sida malimtan manga tawu hanggan aban.

Isayas 56:8

Magkun waya ti Panginuun Diyus ti nagtipun sa manga Israilita nabihag, “Tipunun waya niku ti iba, purya sa manga natipun yi.”

Isayas 60:15

Una pagdayuun kawu ag pag-unuunuhun, ag unman may magpahalga sa kanmu, buwatun niku kawu may kadayawan hanggan aban ag ikabaya inda tanan sinulput.

Isayas 61:9

Kanda linahi mibantug sa manga nasyun. Ti tanan makakit sa kanda sumabi sida pag manga tawu pinapaladan Panginuun.”

Isayas 62:12

Ingarnan sida ‘Banal’ ag ‘Irinibri Panginuun.’ Bag-u ti Hirusalim waydi ingarnan, ‘Banwa Pagkaibgan’ ag ‘Banwa balaw Pinabay-anan.’ ”

Isayas 62:7

Danga niyu siya pag-apasi tugka sa maipatindug uman niya ti Hirusalim ag buwatun rugar kadayaw-dayaw sa buu kalibutan.

Isayas 66:22

Magkun waya ti Panginuun, “Nu kabitay ti bag-u pag langit ag ti bag-u pag daga kang buwatun pumirmaminti hanggan aban, kanyu linahi pumirmaminti diman hanggan aban, ag balaw niku kamu malimtan.

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 29:14

Hu, awatan niku kamu ag ibalik di niku ginan sa pagkabihag. Tipunun niku kamu ginan sa tuhay-tuhay pag manga nasyun nu naan pag winayak niku kamu, ag ibalik sa kanyu sadili daga. Aku, ti Panginuun, ti magsabi inda.

Hirimyas 30:3

Dahil rumas-ug ti sirang ipabalik maan niku kang nasakupan Israil ag Huda ginan sa pagkabihag. Ipabalik niku sida sa daga ipinakaun niku sa kanda manga ginurang kuntay magkaapu nida. Aku, ti Panginuun, ti magsabi inda.”

Hirimyas 33:9

Nu mangyari yi inda, ti banwa Hirusalim makapakaun kadayawan sa kangku, hanggan kabayaan, ag kagalangan. Ti kada nasyun sa kalibutan takigan sa dala nu mabaritaan nida ti manga kaayadan, kaalwanan ag kahusayan itinunghul niku sa inda pag banwa.”

Isikil 16:53

Dapat rumas-ug ti udas ibalik niku ti mayad pag kahamtangan Suduma ag Samarya, hanggan kanda manga anak babayi. Ibalik diman niku kanmu mayad pag kahamtangan, dapat kaibahan nida,

Isikil 28:25

Magkun waya gid ti Panginuun Diyus, “Tipunun yi niku ti nasakupan Israil ginan sa manga nasyun nu naan pag nawayak sida. Sa panab-anan niku buwatun sa kanda, maipakakit niku kang kabanalan sa manga nasyun. Mangulian ti manga Israilita sa kanda sadili daga, ti daga ipinakaun niku sa kang suruguun si Hakub.

Isikil 34:16

Hanapun niku tunda pag manga nagkaradura hanggan nagtaralalang. Bugkusan niku ti manga may biyag hanggan pabisugun niku ti manga malumuy. Dapat ipadamhak niku ti manga matabul hanggan mabaskug. Buwatun niku sa kanda nu unu ti matadlung.

Isikil 37:12

Nakan sabihi sida aku, ti Panginuun Diyus, magkun: Nasakupan niku, bukasan niku kanyu manga lulubngan ag buhiun niku kamu, bag-u ibalik sa daga Israil.

Isikil 37:21

ag sabihi sida, ‘Inda ti pagsabihun Panginuun Diyus: Tipunun niku ti manga Israilita ginan sa tanan nasyun kinalatan nida, bag-u daran-un sida pabalik sa kanda sadili daga.

Isikil 39:13

Ti tanan nasakupan mangawat sa paglubung. Ag inda pag sirang unman gid malimtan manga Israilita, dahil sa panab-anan inda madayaw aku. Aku, ti Panginuun Diyus, ti magsabi inda.

Isikil 39:28

Bag-u maalaman niku nasakupan aku ti Panginuun nida Diyus. Dahil una ipinabihag niku sida sa iba manga nasyun, ibinalik di maan niku sida tanan sa kanda daga unman gid may nasawad una di usa.

Huwil 3:1

Magkun ti Panginuun, “Sa ati katpung pag udas nu iuli yi niku ti mayad pag kahamtangan sa Huda hanggan sa Hirusalim,

Amus 9:14

Ipabalik niku kang nasakupan manga taga Israil sa kanda daga ginan sa pagkabihag. Ipatindug maan nida kanda nagkaradaut pag manga banwa ag ati sida pag mangulian. Mantanum sida ubas ag manginum kay intus inda. Mantanum sida sa kanda manga tanman ag kan-un nida kay burak.

Mikas 2:12

Magkun ti Panginuun, “Kamu pag manga nasawad nasakupan Israil ag Huda, tipunun gid niku kamu ga manga karanidu sa tudiran aw ngatay ga kaban hayup sa labuan. Mapunu manga tawu kanyu kadagaan.

Sipanyas 2:7

Saklawun tunda manga nasawad taga Huda. Ati sida pag manpaharab kanda manga hayup ag nu rumas-ug ti yabi maturug sida sa manga balay sa Askalun. Kaawaan sida Panginuun nida Diyus ag paabundahun maan sida.”

Sipanyas 3:19

Sa ati pag sirang, parusahan niku ti tanan mag-ihid sa kanyu. Kamu parihu sa manga karanidu napilay ag namululagan dapat iribri niku kamu ag tipunun di maan. Kaybi pinakay-a kamu, dapat parangalan niku kamu ag buwatun bantug sa buu kalibutan.

Sakaryas 8:13

Manga nasakupan Huda ag Israil, pagsaadan kamu iba manga nasyun. Dapat iribri niku kamu ag bumaliw papalad kamu sa kanda. Nakan danga kamu magkadala, pagpakarig-un kamu.”

Sakaryas 8:8

Daran-un maan niku sida pabalik sa Hirusalim ag ati sida pauliun. Ag kas-a waya bumaliw sida kang nasakupan ag aku bumaliw kanda matapat ag matadlung pag Diyus.”

Malakyas 3:12

Ingarnan kamu mapalad sa tanan pag nasyun, dahil mayad kanyu daga. Aku, ti Panginuun Makamaskihan, ti magbagaw inda.”

Diyuturunumiyu 26:18

Ipinasandam diman Panginuun kainda kamu kay ipinablag pag manga nasakupan angay sa kay itinaratu, kailangan sumunud kamu sa tanan niya manga sugu.

Diyuturunumiyu 26:19

Angay sa kay itinaratu, buwatun niya kamu higit man sa tanan pag nasyun, pagkilalan-un ag paggalangun kamu. Kamu ti manga pinili Panginuun niyu Diyus pag nasakupan, angay sa kay itinaratu.”