Sipanyas 3:2 - Hanunuu

² Unman sida magpatingi una sa kantapu, ag dayu sida magpatudlu. Unman sida magsarig sa Panginuun kanda Diyus, unman magdangup sa kanya.

Sipanyas 3:2 Iomraidhean Croise

Nihimyas 9:26

“Dapat madi katida, naglabag sida ag naglaban sa kanmu. Pinatlikudan nida kanmu Kasuguan, minatay nida kanmu manga purupita nagbutung sa kanda sa pagbalik-nalub-anan sa kanmu. Masyadu gid kanda paglapastangan sa kanmu!

Kanta 10:4

Dahil sa kayabangan manga daut pag tawu, unman sida magdangup sa kanmu. Unman gid sida mag-isip tungkul sa kanmu.

Kanta 50:17

Pagkadat-an niyu kang magtamyaw sa kanyu; unman niyu pagpansinun kang manga pagbagawun.

Kanta 73:28

Diyus, dapat para sa kangku, mayad ti magpakarani sa kanmu. Kawu Panginuun Diyus kang binwat manug-alaga, hampay mitultul niku ti tanan nimu binuwat.

Kanta 78:22

Dahil unman sida may pagsarig sa kanya, ag balaw sida magsarig kuntay iribri niya sida.

Kabagawan 1:7

Nu ti usa ka tawu magkaibug dumunung kailangan paggalang siya sa Panginuun. Ti tawu kurang kay intindi unman magkaibug kadunungan ag balaw niya gustu tumadlung kay ugali.

Kabagawan 5:12

Ag sumabi kamu, “Malu ngani dahil unman niku binati ti manga pagtadlung sa kang sadili.

Isayas 1:5

Manga taga Israil, hayga parargu kanyu maglaban? Magkaibug aw waya lugud kamu parusahan? Ga tawu kamu lunsay biyag kay ulu ag punu kakurian kay tagipusuun.

Isayas 29:13

Magkun ti Panginuun, “Inda pag manga tawu magdayaw ag nagdayaw sa kangku sa panab-anan lang nida manga bibig, dapat kanda tagipusuun arayu sa kangku. Ag kanda manga pagsamba sa kangku angay lang sa surundanun tawu.

Isayas 31:1

Kaawaawa kamu pag manga maghagad awat sa Ihiptu. Magsarig kamu sa kanda manga marabisug pag kabayu, sa mayamu nida kalisa, ag sa manga marabisug pag sundalu manugkabayu. Dapat unman kamu magpaniwala sa Panginuun, sa Banal pag Diyus Israil, balaw kamu maghagad awat sa kanya.

Isayas 43:22

“Dapat unman kawu naghagad awat sa kangku, Israil, nagbugya yi ngap kawu sa kangku.

Isayas 9:12

Ti Israil wayakun manga taga Aram baliwa sa butlakan, hanggan manga Pilistiyu baliwa sa isalpan, parihu sa maisug pag hayup ti mankub sa kanda. Dapat balaw waya madura ti pangagalit Panginuun, nakan alistu di siya pumarusa sa kanda.

Hirimyas 2:30

Pinarusahan niku kanyu manga anak, dapat unman sida nagbag-u. Dayu sida magpatudlu. Kamu diman ti nagmatay sa kanyu manga purupita parihu sa pagmatay maisug ag magkalun-us pag liyun sa kay tinkub.

Hirimyas 22:21

Pinakan-an niku kamu pasandam kaybi sa mayad waya kanyu kahamtangan, dapat unman kamu namatingi. Ungud katunda ti ugali niyu ginan kaybi sa anak waya kamu; unman gid kamu magsunud sa kangku.

Hirimyas 32:33

Nagpakarayu sida sa kangku una pirmi niku sida pagtudluan. Dayu sida mamatingi ag dayu sida magpatudlu.

Hirimyas 35:17

Nakan aku, ti Panginuun Diyus Makamaskihan, ti Diyus Israil, magsabi: ‘Pagpatingi kamu! Kamu pag manga taga Huda ag Hirusalim. Paras-ugun niku sa kanyu ti pagsabihun niku pag kadamhakan laban sa kanyu. Nagpakihampang aku sa kanyu dapat unman kamu namatingi, nagtawag aku sa kanyu dapat unman kamu sinmagut.’ ”

Hirimyas 5:3

Bag-u magkun aku, “Panginuun, magligaw duy kawu tawu matinupadun. Pinakurian nimu duy kanmu manga nasakupan dapat balaw mahalaga inda sa kanda. Pinarusahan nimu sida dapat dayu sida magpatudlu. Pinaganit nida kanda manga tagipusuun, dayu sida mag-ampu.

Isikil 22:24

“Anak tawu, sabihi ti manga Israilita dahil unman sida magpasnu linisun niku sida unman gid niku sida kaawaan sa sirang ipakakit niku sa kanda kang pangagalit.

Isikil 24:13

“Hirusalim, kanmu binwat kahalayan ti nagpauring sa kanmu. Sinikap niku linisun kawu, dapat dayu kawu magpalinis. Nakan pumirmaminti kawu mauring tugka sa unman madura kang pangagalit sa kanmu.

Sipanyas 1:6

Papasun niku ti manga magpatlikud ag unman magdangup sa kangku.

2 Timutiyu 3:16

Ti tanan Banal Kasuratan ginan sa udyuk Diyus pag nisurat nakan magamit diman sa pagtudlu katutuuhanan, sa pagpakilala sa salan pag manga tudlu, sa pagpatadlung sa manga maliku pag buwat hanggan sa pagbutung tabug sa mayad pag ugali,

Hibriyu 10:22

Nakan ngani pagpakarani kita sa Diyus may buu pag kagustuhan hanggan marig-un pag sarig sa kanya. Danga yi may mag-asaydan daut kanta naisipan, dahil ngani linumpiyu yi kanta tagipusuun sa manga buwat unman may kabuluhan, ag inugasan kanta manga bilug sa malinis pag danum.