Sipanyas 3:19 - Hanunuu

¹⁹ Sa ati pag sirang, parusahan niku ti tanan mag-ihid sa kanyu. Kamu parihu sa manga karanidu napilay ag namululagan dapat iribri niku kamu ag tipunun di maan. Kaybi pinakay-a kamu, dapat parangalan niku kamu ag buwatun bantug sa buu kalibutan.

Sipanyas 3:19 Iomraidhean Croise

Isayas 26:11

Panginuun, alistu yi duy kawu pumarusa sa kanda, pat-ay balaw nida alam. Paandami nimu sida, Panginuun. Pakay-aha sida. Ipakakit nimu sa kanda nu kabitay nimu kamahal kanmu manga nasakupan. Rurisun nimu sa panab-anan apuy kanmu manga kalaban.

Isayas 33:1

Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Isayas 60:14

Ti manga anak manga nag-api sa kanmu pumakarani sa kanmu ag gumalang. Manluhud sa kanmu atubangan ti manga magpuya sa kanmu, ag kawu ingarnan nida, ‘Banwa Panginuun’ ngatay ‘Siun, ti Banal pag Banwa Diyus Israil.’

Isayas 60:18

Unman yi may mabaritaan kahigpitan sa kanmu daga. Unman diman may rumas-ug kadamhakan sa kanmu. Palibutan kawu karibrihan ga alad batu, ag dumayaw sa kangku ti manga magsulud sa kanmu sabian.

Isayas 61:7

Sa halip kakay-ahan, dubli ngap ti matanggap niyu pag papalad sa kanyu daga ag makabaya gid kamu sa matanggap niyu. Magmasulung gid kamu hanggan aban.

Isayas 62:7

Danga niyu siya pag-apasi tugka sa maipatindug uman niya ti Hirusalim ag buwatun rugar kadayaw-dayaw sa buu kalibutan.

Hirimyas 30:16

“Dapat ipadamhak diman niku ti tanan pumadamhak sa kanyu, bag-u ti tanan kalaban niyu bihagun. Girahun diman ti tanan maggira ag mag-agaw kanyu manga kasiyunan, bag-u agawan diman manga kasiyunan sida.

Hirimyas 30:19

Bag-u kumanta sida manga pasalamat ag manhuyaw sa kasulungan. Payamuun ag pakan-an niku sida kadayawan.

Hirimyas 31:8

Magkun diman ti Panginuun, “Pagpatingi kamu! Aku ti bum-ul sa kanda, tipunun niku sida ginan sa kanaway una naan ginan pag bahagi kalibutan. Kaibahan ti manga buta, ti manga lunu, katida diman ti manga magbuduy hanggan ti manga arani yi manganak. Daka pag gurupu ti muli.

Hirimyas 33:9

Nu mangyari yi inda, ti banwa Hirusalim makapakaun kadayawan sa kangku, hanggan kabayaan, ag kagalangan. Ti kada nasyun sa kalibutan takigan sa dala nu mabaritaan nida ti manga kaayadan, kaalwanan ag kahusayan itinunghul niku sa inda pag banwa.”

Hirimyas 46:28

Nakan danga kamu magkadala, kamu pag manga linahi manugsirbi niku si Hakub, dahil kaibahan niyu aku. Wasakun yi niku lubus ti manga nasyun pinanwayakan niku sa kanyu, dapat ay balaw niku kamu tabuhun wasakun lubus. Parusahan niku kamu angay lang dapat sa kanyu. Balaw mahimu nu unman niku kamu parusahan. Aku, ti Panginuun, ti magsabi inda.”

Isikil 16:27

Nakan pinarusahan niku kawu ag pinadiit kanmu nasakupan. Ipinakaun niku kawu sa kanmu manga kalaban manga Pilistiyu, ag una sida nadulaw sa kanmu mahalay pag buruwatun.

Isikil 16:57

ag katpung unman waya niburayhaw kanmu kadautan. Dapat taynguna parihu yi kawu sa kanya; pagpuyaan diman kawu manga taga Idum hanggan manga rugar sa palibut, hanggan diman ti manga Pilistiya. Inda sida asan sa kanmu palibut magpuya sa kanmu.

Isikil 34:16

Hanapun niku tunda pag manga nagkaradura hanggan nagtaralalang. Bugkusan niku ti manga may biyag hanggan pabisugun niku ti manga malumuy. Dapat ipadamhak niku ti manga matabul hanggan mabaskug. Buwatun niku sa kanda nu unu ti matadlung.

Isikil 39:13

Ti tanan nasakupan mangawat sa paglubung. Ag inda pag sirang unman gid malimtan manga Israilita, dahil sa panab-anan inda madayaw aku. Aku, ti Panginuun Diyus, ti magsabi inda.

Isikil 39:26

Nu mangulian yi sida sa kanda tahimik pag daga ag unman may pagkadalaan, kalimtan yi nida kanda kakay-ahan hanggan kanda magpudil sa kangku.

Mikas 7:10

Makitan inda nita manga kalaban ag mangay-a sida. Dahil pagpuyaan nida kita kaybi. Magkun sida, ‘Naan yi ti Panginuun niyu Diyus?’ Udyi dugay makitan nita ti kadamhakan nida. Bumaliw sida ga lutuk tatatataan sa karsada.”

Sipanyas 3:15

Dahil balaw yi kamu parusahan Panginuun. Palayasun niya kanyu manga kalaban. Kaibahan niyu ti Panginuun, ti Hari Israil, nakan udyi kamu may kakurian dapat kadalaan.

Sakaryas 8:23

Ag sa ati pag sirang, sampulu ka day-uhan ginan sa tuhay-tuhay pag manga nasyun iba-iba kay pamagaw ti pumakarani sa usa ka Hudiyu ag sumabi, ‘Gustu gid nimi kumuyug sa kanyu, dahil nadnugan nimi ti Diyus kaibahan niyu.’ ”

Diyuturunumiyu 26:19

Angay sa kay itinaratu, buwatun niya kamu higit man sa tanan pag nasyun, pagkilalan-un ag paggalangun kamu. Kamu ti manga pinili Panginuun niyu Diyus pag nasakupan, angay sa kay itinaratu.”

Hibriyu 12:13

“Pagbuwat kamu matadlung pag dalan kanyu lakawan,” hampay dayu madayaan ti manga pilay, nu unman lalu ngap mahulian di gid sida.

Ipinakakit 20:9

Nangalat sida sa bilug kalibutan bag-u pinalibutan nida ti kampu manga tawu napasakup sa Diyus hanggan ti pagmahalun niya pag banwa. Dapat linmuwang ginan sa langit ti apuy bag-u naayum yi sida.

Talaghusay 1:7

Magkun si Aduni Bisik, “70 ka hari ti pinanpuldan niku ina-ina kamang ag lulud bag-u namunpun sida dabu sa kang sirung lamisa. Bag-u kainda binwat diman Diyus sa kangku ti binwat niku sa kanda.” Bag-u dinara nida si Aduni Bisik sa Hirusalim, ag ati siya namatay.