Sipanyas 3:17 - Hanunuu

¹⁷ Dahil kaibahan niyu ti Panginuun niyu Diyus. Parihu siya sa usa ka makamaskihan pag sundalu manribri sa kanyu. Makabaya gid siya sa kanyu, ag sa panab-anan niya pagmahal bag-uhun niya kanyu buhi. Manganta siya ag manhuyaw may kabayaan dahil sa kanyu,

Sipanyas 3:17 Iomraidhean Croise

Gimpuunan 1:31

Nakitan Diyus ti tanan niya linalang ag nakabaya gid siya. Linmawuy ti yabi ag rinmas-ug ti surip. Tunda ti ikan-um pag sirang.

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Gimpuunan 18:14

May bagay aw lugud balaw mabuwat Panginuun? Parihu sa kang sinabi, bumalik aku sitaay sa sunud pag timpu sa ga kainda diman pag udas, ag si Sara may imaw yi anak lalaki.”

Gimpuunan 2:2

Kinamhan niya linalang inda sa sulud unum ka sirang, ag sa ikapitu pag sirang nagpahari siya sa tanan niya buruwatun.

Kanta 147:11

kay kabayaan sa manga maggalang di sa kanya ag magsarig sa kay pagmahal.

Kanta 149:4

Dahil magbaya ti Panginuun sa kay nasakupan; pag-alalahanun niya sida pag manga makuri sa panab-anan pagpanalu sa kanda.

Kanta 78:65

Bag-u ga nimata ti Panginuun; parihu siya sa usa ka mabisug pag tawu sinaladan pag irimnun makalangu.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 12:6

Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Isayas 18:4

Dahil inda ti pagsabihun sa kangku Panginuun, “Ginan sa kang tukawan, maariwaya aku magbantay ga magrayaw init sa karaw-an sirang, ga sa magkabuu anitay sa maaringahut panahun tig-arani.”

Isayas 63:1

Si unu tunda tig patangad ginan sa Busra sa sakup Idum, kay marinu pag rutay nadagtaan maragang? Magras-ug siya may dara kapangyarihan. Siya ti Panginuun magpaburayhaw kapanaluhan niya manga nasakupan ag may kamaskihan magribri.

Isayas 63:12

Naan yi ti Panginuun nagpakaun kay kapangyarihan sa kan Muysis, ag nagtunga dagat sa kanta atubangan, hampay mibantug siya hanggan aban?

Isayas 65:19

Makabaya aku sa Hirusalim hanggan sa kay manga nasakupan. Balaw yi ati may masaydan lulumian ngatay maghagad awat hanggan magpakabitay.

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Hirimyas 32:41

Kabayaan niku ti buwatan sida mayad ag buu tagipusuun niku sida patahanun sa inda pag daga.”

Husyas 14:4

Magkun ti Panginuun, “Paayadun niku kang nasakupan sa kanda pagkamalinabagun, ag buluntad sa kang tagipusuun mahalun niku sida. Dahil nadura yi kang galit sa kanda.

Huwil 2:21

Danga magkadala ti taga daga Huda, bagkus ngap ikabaya gid inda dahil makadululaw ti binwat Panginuun.

Sipanyas 3:15

Dahil balaw yi kamu parusahan Panginuun. Palayasun niya kanyu manga kalaban. Kaibahan niyu ti Panginuun, ti Hari Israil, nakan udyi kamu may kakurian dapat kadalaan.

Sipanyas 3:5

Dapat asan di ti kadayawan Panginuun sa karaw-an nida banwa. Pagbuwatun Panginuun ti mayad ag balaw ti daut. Sirang-sirang pag-ipakakit niya kay kaayadan, ag unman niya inda pag-apasan. Dapat ti daut parargu sa pagbuwat daut ag unman sida magkay-a.

Bilang 14:8

Nu magbaya ti Panginuun sa kanta, ibahan niya kita atabug sa tunda pag daga — marinu ag abunda sa ani, ag iayaw niya inda sa kanta.

Lukas 15:32

Dapat kailangan kita magbaya gid ag masulung lubus, dahil sitay tigbak kanmu ari ag taynguna buhi yi maan. Sitay nadura ag kainda nakitan maan.’ ”

Huwan 13:1

Ati katpung bag-u Kapistahan sa Pag-alaala sa Karibrihan, alam yi ni Hisus inda yi ngani pag kaudasan siya umighit ginan sa kalibutan atag sa Ama. Daan minayad gid niya ti manga napasakup sa kanya sitay sa babaw daga, ag kay minayad niya sida hanggan sa katapusan niya buhi.

Huwan 15:11

“Inda tanan duy kang itinultul sa kanyu hampay magbaya kamu parihu sa kang magbaya ag hampay lubus yi lang gid magbaya kanyu tagipusuun.

Diyuturunumiyu 23:15

“Nu ti usa ka suruguun nalagiw ginan sa kay amu ag namaawat sa kanyu, danga siya pagpilita bumalik sa kay amu.

Diyuturunumiyu 30:9

Paalwanun gid kamu Panginuun niyu Diyus sa tanan niyu pagbuwatun. Payamuun niya kanyu manga anak, manga hayup, hanggan kanyu manga ani, dahil magbaya ti Panginuun magpapalad sa kanyu parihu sa kay magpapalad niya sa kanyu manga ginurang.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.