Sipanyas 3:15 - Hanunuu

¹⁵ Dahil balaw yi kamu parusahan Panginuun. Palayasun niya kanyu manga kalaban. Kaibahan niyu ti Panginuun, ti Hari Israil, nakan udyi kamu may kakurian dapat kadalaan.

Sipanyas 3:15 Iomraidhean Croise

Gimpuunan 30:23

Namuduy siya ag nanganak lalaki. Magkun siya, “Bin-ul Diyus kang kakay-ahan.”

Kanta 149:2

Pagbaya ti manga taga Israil dahil sa kanda Manuglalang. Pagbaya ti nasakupan Siun dahil sa kanda Hari.

Kanta 19:9

Mayad ti maggalang sa Panginuun, pumirmaminti inda hanggan aban. Ti sintinsiya Panginuun tutuu ag matadlung.

Kanta 85:3

Dinura nimu kanmu masyadu pag pangagalit sa kanmi.

Isayas 12:6

Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Isayas 25:8

Bul-un diman Panginuun Diyus ti kamatayan ag payidun niya ti manga luwa tanan tawu. Bul-un niya ti kakay-ahan niya manga nasakupan sa buu kalibutan. Mangyari gid inda dahil binagaw Panginuun.

Isayas 33:22

Buwatun inda Panginuun dahil siya kanta talaghusay, manugbuwat batas, ag hari. Siya ti rumibri sa kanta.

Isayas 35:10

Tunda pag manga irinibri Panginuun bumalik magkarantahan sa Siun. Madura yi kanda karukuan hanggan maghimanglaw, matulsan yi tunda unman may katapusan pag kasulungan.

Isayas 51:22

Inda ti pagsabihun Panginuun niyu Diyus ti mag-apin sa kanyu: “Pagpatingi kamu! Bin-ul yi niku kang pangagalit ga intus makapalangu sa kanyu. Balaw yi niku kamu painmun utru inda.

Isayas 52:9

Manringgit sa kabayaan, ti guba Hirusalim, dahil pasulungun ag pabisugun yi Panginuun kay nasakupan. Iribri niya ti Hirusalim!

Isayas 54:14

Bumaliw marig-un kawu dahil mamuhi matadlung kanmu manga nasakupan. Malagiw kanmu manga kalaban, nakan unman kawu may kadalaan. Udyi makapakarani sa kanmu ti manga kalaban nimu hampay padalaun kawu.

Isayas 60:18

Unman yi may mabaritaan kahigpitan sa kanmu daga. Unman diman may rumas-ug kadamhakan sa kanmu. Palibutan kawu karibrihan ga alad batu, ag dumayaw sa kangku ti manga magsulud sa kanmu sabian.

Isayas 65:19

Makabaya aku sa Hirusalim hanggan sa kay manga nasakupan. Balaw yi ati may masaydan lulumian ngatay maghagad awat hanggan magpakabitay.

Hirimyas 8:19

Patingihi niyu ti lulumian manga kasimanwa niku kuntay mag-adnugan inda sa buu daga. Magkun sida, “Unman yi aw lugud ti Panginuun sa Hirusalim? Unman yi aw lugud ati ti Diyus, ti Hari sa Hirusalim?” Sinmagut ti Panginuun, “Hayga niyu aku ginalit sa panab-anan niyu pagsamba sa manga diyus-diyusan unman may pulus?”

Isikil 35:10

“Magkun kamu ti Huda ag Israil bumaliw kanyu, bag-u apuun niyu inda una aku, ti Panginuun, kaibahan nida.

Isikil 36:15

Balaw yi niku pahintulutan puyaan kamu ngatay pakay-ahun iba manga nasyun. Ag balaw yi niku pahintulutan midamhak kanyu nasyun. Aku, ti Panginuun Diyus, ti may sabi inda.”

Isikil 39:29

Balaw yi gid niku sida pabay-anan dahil ipadara niku kang Ispiritu sa kanda. Aku, ti Panginuun Diyus, ti magsabi inda.”

Isikil 48:35

nakan kay kabuuhan sukat alad batu 9,000 mitrus. Ag ginan sa inda pag udas ti banwa pag-ingarnan, “Ati Ti Panginuun!”

Huwil 3:17

“Maalaman niyu manga taga Huda kuntay aku, ti Panginuun niyu Diyus, mag-uli sa Siun, sa kang banal pag bantud. Bag-u bumaliw maan banal ti Hirusalim; udyi umanun girahun taga iba nasyun.

Amus 9:15

Ipatahan maan niku sida sa kanda daga, ag balaw yi sida paighitun uman sa daga ipinakaun niku sa kanda.” Inda ti sinabi Panginuun niyu Diyus.

Mikas 7:10

Makitan inda nita manga kalaban ag mangay-a sida. Dahil pagpuyaan nida kita kaybi. Magkun sida, ‘Naan yi ti Panginuun niyu Diyus?’ Udyi dugay makitan nita ti kadamhakan nida. Bumaliw sida ga lutuk tatatataan sa karsada.”

Habakuk 2:17

Binungul niyu ti manga kayu sa Libanun, ag dahil siyun nagkaramatay ti manga hayup ati. Nakan dautun diman kamu ag takigan sa kadalaan. Mangyari inda sa kanyu dahil sa pagmatay niyu sa manga tawu ag sa pagdaut niyu sa kanda manga daga hanggan manga banwa.

Habakuk 2:8

Dahil mayamu pag manga nasyun kanyu inagawan manga kasiyunan, kamu waydi ti agawan manga tawu nasawad sa inda pag manga nasyun. Mangyari inda sa kanyu dahil sa pagmatay niyu sa manga tawu ag dinaut niyu kanda manga daga hanggan manga banwa.

Sipanyas 3:17

Dahil kaibahan niyu ti Panginuun niyu Diyus. Parihu siya sa usa ka makamaskihan pag sundalu manribri sa kanyu. Makabaya gid siya sa kanyu, ag sa panab-anan niya pagmahal bag-uhun niya kanyu buhi. Manganta siya ag manhuyaw may kabayaan dahil sa kanyu,

Sipanyas 3:5

Dapat asan di ti kadayawan Panginuun sa karaw-an nida banwa. Pagbuwatun Panginuun ti mayad ag balaw ti daut. Sirang-sirang pag-ipakakit niya kay kaayadan, ag unman niya inda pag-apasan. Dapat ti daut parargu sa pagbuwat daut ag unman sida magkay-a.

Sakaryas 12:3

Sa tunda pag sirang, buwatun niku ga mabuyat pag batu ti Hirusalim, ag una si unu pag nasyun ti kumabyaw inda masaktan gid. Ti tanan nasyun sa buu kalibutan tumiripun hampay girahun ti Hirusalim.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Huwan 1:49

Magkun si Natanail, “Maisturu, kawu yi duy ti Anak Diyus, kawu yi ti Hari nasyun Israil.”

Huwan 12:15

“Danga kawu magkadala, Banwa Siun. Malu atay tag yi kanmu Hari nakasakay sa anak asnu.”

Huwan 19:19

May ipinasurat diman si Pilatu bag-u kanda ipinauli sa kurus. Inda ti nakasurat magkun, “Si Hisus taga Nasarit, ti Hari manga Hudiyu.”

Huwan 5:30

Sinabi ni Hisus magkun, “Unman aku may karampatan magbuwat una hintay nu ginan lang sa kang sadili. Angay lang sa kang nadnugan ginan sa Ama pag makapihu aku sa tawu nu daut nu mayad. Nakan aku balaw magsalan sa kang magpihu sa tawu, dahil aku unman magsunud sa kang sadili lang kagustuhan. Bagkus ngap kang pagsundan ti kagustuhan Ama, imaw ti nagsugu sa kangku.

Ipinakakit 12:10

Bag-u nadnugan niku may magbagaw daka sa langit magkun, “Taynguna niburayhaw yi kay pagribri nita Diyus sa manga tawu, hanggan kay kapangyarihan hanggan kay maghari. Niburayhaw yi waydi ti karampatan niya Pinili Manugribri pag Hari. Dahil iyinmut yi ginan sa langit ti manugsumbung, imaw tigpakasumbung sirang yabi sa kanta manga patar-ari sa atubangan nita Diyus.

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”

Ipinakakit 19:16

Nakapirma kay ngaran sa kay rutay ag sa kay balangbang magkun, “Hari manga hari, ag Panginuun manga panginuun.”

Ipinakakit 7:15

Nakan ngani sida sa atubangan tukawan Diyus ag magsirbi sa kanya sirang yabi sa kay balay. Ti nakatukaw sa tukawan hari tig-ukub sa kanda hampay udyi may mangyari sa kanda.