Sipanyas 3:13 - Hanunuu

¹³ Inda pag manga nasawad Israilita balaw sida mamuwat daut. Dayi sida mamudil ngatay mandaya. Mangaun ag maturug sida udyi may pagkadalaan.’ ”

Sipanyas 3:13 Iomraidhean Croise

2 Krunika 20:30

Nakan may kahusayan ti kaharian ni Husapat dahil pinakan-an siya niya Diyus kahusayan sa kay palibut.

Hub 11:19

Maturug kawu unman may pumadala sa kanmu, ag mayamu ti manhagad awat sa kanmu.

Kanta 119:3

Unman sida magbuwat daut nu unman magsunud sida sa manga kagustuhan Diyus.

Kanta 120:2

Panginuun, ribrihan aku sa manga pudilun ag manga maradaya.

Kanta 120:3

Kamu pag manga pudilun, unu nguna ti iparusa Diyus sa kanyu?

Kanta 23:2

Parihu aku sa karanidu pagpaharyun nimu sa may abunda pag paraharaban ag pag-ibahan sa malindag pag danum.

Isayas 17:2

Udyi may mangulian sa banwa Aruwir. Bumaliw pasturan wadi inda manga hayup, ag balaw may mamalag sa kanda ati.

Isayas 35:8

Magkaimaw laun pag baklayan sa pangawakawaan ag tida ingarnan, “Banal pag Baklayan.” Unman may makasalanan ngatay unman may namuangan ti makalakaw siti. Nu ud ti manga magsunud lang sa Panginuun.

Isayas 54:14

Bumaliw marig-un kawu dahil mamuhi matadlung kanmu manga nasakupan. Malagiw kanmu manga kalaban, nakan unman kawu may kadalaan. Udyi makapakarani sa kanmu ti manga kalaban nimu hampay padalaun kawu.

Isayas 6:13

Una matayak waya ti ikasampulu pag bahagi manga Israilita sa daga Israil, ipadamhak diman niku sida. Parihu sida sa tuud puun insina pinlud. Dapat may pinili aku masawad sa kanda, ti marinu pag salingsing.”

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Isayas 63:8

Magkun ti Panginuun, “Tutuu gid sida ngani kang nasakupan; manga anak niku sida balaw mamudil sa kangku.” Nakan ngani, kay irinibri sida.

Isayas 65:10

Papaladan niku sida ti manga magpakarani sa kangku. Ti manga karatagan Sarun hanggan Akur buwatun paraharaban nida manga hayup.

Hirimyas 23:4

Pakan-an niku sida manga takinan imaw ti mangalaga sa kanda; balaw yi sida madala hanggan mataranta. Udyi may tumalang sa kanda. Aku, ti Panginuun, ti magsabi inda.”

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hirimyas 31:33

Magkun waya ti Panginuun, “Inda ti bag-u pag kasunduan kang buwatun sa manga taga Israil sa aratubangun pag udas: Ipauli niku ti manga kasuguan niku sa kanda manga naisipan ag isurat niku inda sa kanda manga tagipusuun. Aku bumaliw Diyus nida ag sida bumaliw manga nasakupan niku.

Isikil 39:26

Nu mangulian yi sida sa kanda tahimik pag daga ag unman may pagkadalaan, kalimtan yi nida kanda kakay-ahan hanggan kanda magpudil sa kangku.

Huwil 3:17

“Maalaman niyu manga taga Huda kuntay aku, ti Panginuun niyu Diyus, mag-uli sa Siun, sa kang banal pag bantud. Bag-u bumaliw maan banal ti Hirusalim; udyi umanun girahun taga iba nasyun.

Huwil 3:21

Ibalus niku kang manga nasakupan minatay. Parusahan niku ti manga nagbuwat daut sa kanda. Aku ti Panginuun mag-uli sa Siun.”

Libitiku 26:6

Ipadara niku ti kahusayan sa kanyu rugar, nakan makaturug kamu balaw may pagkadalaan. Tabugun niku ti maisug pag manga hayup gin sa kanyu rugar, ag unman may manga kalaban man-gira sa kanyu.

Mikas 4:4

Ti kada tawu tumukaw sa sirung nida tanum ubas hanggan igus unman may pagkadalaan. Pihu gid matupad inda dahil sinabi mismu Panginuun Makamaskihan.

Mikas 7:14

Magdarangin ti manga Israilita magkun, “Panginuun, bantayan nimu kami kanmu manga nasakupan parihu sa magbantay manug-alaga sa kay manga karanidu. Ti manga daga sa kanmi palibut may marinu pag pasturan, dapat kami magkabuhi sa pangawakawaan kami-kami lang. Padakaa maan nimu kanmi magkaakupahan daga tugka sa Basan ag sa Gilyad parihu ga kaybi.

Sipanyas 2:7

Saklawun tunda manga nasawad taga Huda. Ati sida pag manpaharab kanda manga hayup ag nu rumas-ug ti yabi maturug sida sa manga balay sa Askalun. Kaawaan sida Panginuun nida Diyus ag paabundahun maan sida.”

Sipanyas 3:5

Dapat asan di ti kadayawan Panginuun sa karaw-an nida banwa. Pagbuwatun Panginuun ti mayad ag balaw ti daut. Sirang-sirang pag-ipakakit niya kay kaayadan, ag unman niya inda pag-apasan. Dapat ti daut parargu sa pagbuwat daut ag unman sida magkay-a.

Sakaryas 8:12

Makapananum kamu may kahusayan. Mamurakan ti manga ubas, manpatubas ti daga, ag magkaimaw maan tun-ug. Ipakaun niku inda tanan sa kanyu sa manga nasawad, ag pihu matanggap niyu inda.

Sakaryas 8:16

Inda ti dapat niyu buwatun: Pagsabi kamu kay tutuu sa usa kag usa. Paghusay kamu kay tutuu sa balay hurusayan para sa ikamayad tanan.

Sakaryas 8:3

Mamalik aku sa Siun, ti banwa Hirusalim, ag mangulian aku siyun. Nakan ingarnan ti Hirusalim Masurundun pag Daka Banwa ag kang bantud ingarnan Banal pag Bantud.

Matiyu 13:41

Suguun Anak Tawu kay manga anghil, agud tipunun nida sa luwas niya kaharian ti tanan magpaturun tabug sa kasalanan hanggan ti tanan magbuwat kadautan;

Huwan 1:47

Pagka nakitan ni Hisus si Natanail magpakarani sa kanya, sinabi niya tungkul sa kan Natanail magkun, “Tunda pag tawu tutuu gid Israilita. Unman gid siya maradaya.”

Kulusas 3:9

Danga kamu magpuludilan sa usa kag sa usa, dahil linukas yi niyu ti daan pagkatawu hanggan ti daan pag manga ugali.

1 Pidru 3:14

Dapat nu abi kamu mag-agwanta kakurian dahil ngani sa kanyu magbuwat mayad, papaladan di ngap kamu Diyus. “Danga lugud kamu magkadala sa kanda gayak. Danga waydi magkakulbaan kanyu naisipan.”

1 Huwan 5:18

Magkaalaman nita una si unu ti anak Diyus dayu pumadayun sa kasalanan, dahil pag-alagaan siya Anak Diyus ag dayu makagaraw sa kanya si Satanas.

Ipinakakit 14:5

Unman sida nagpudil kaybi ginan una di, unman may ikasabi tungkul sa kanda.

Ipinakakit 21:27

Dapat unman may makasulud ati una hintay pag manga bagay mayagting sa kay magbantay Diyus, una hintay tigbuwat kahalayan, una ti manga magpudil unman gid sumulud. Tunda lang pag manga tawu ti makasulud ati ti nakasurat kanda manga ngaran sa ribru kabuhian. Anak Karanidu kay apu tunda pag ribru.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”