Sipanyas 2:8 - Hanunuu

^8-9 Magkun ti Panginuun Makamaskihan, ti Diyus Israil, “Nadnugan niku ti magsurug ag magpuya manga taga Muab ag taga Amun sa kang manga nasakupan. Pag-ipadayaw waya nida kuntay kaya nida agawun ti daga niku nasakupan. Nakan sinaadan niku wayakun niku ti Muab hanggan ti Amun parihu sa Suduma ag Gumura. Ag kanda daga udyi mapakinabangan tugka aban, tubuan inda manga dugihan pag-ilamnun, ag mapnu manga kali buruwatan asin. Girahun inda niku manga nasawad pag nasakupan ag pamul-un nida ti tanan manga kasiyunan inda.”

Sipanyas 2:8 Iomraidhean Croise

Gimpuunan 19:37

Rinmas-ug ti udas, nanganak lalaki ti panganay ag iningarnan niya Muab. Siya ti gimpuunan linahi Muabita.

Gimpuunan 19:38

Nanganak diman lalaki kay ari ag iningarnan niya Bin Ami. Siya ti gimpuunan linahi Amunita.

Isayas 15:1

Inda ti pagsabihun tungkul sa Muab: Sa sulud lang usa ka yabi nawayak ti banwa Ar hanggan ti Kir sakup Muab.

Isayas 16:6

Nabaritaan nimi masyadu marapadayaw ti manga taga Muab. Ti pagpalabaw ag kayabangan nida unman may pulus.

Hirimyas 12:14

Magkun waya ti Panginuun, “Inda ti buwatun niku sa tanan daut pag nasyun sa sangput Israil ti nagdaut daga ipinakaun niku sa kang nasakupan: Palayasun niku sida sa kanda daga parihu sa pagpalayas niku sa manga taga Huda sa inda ginan pag daga.

Hirimyas 48:1

Inda ti sinabi Panginuun Makamaskihan, ti Diyus Israil, tungkul sa Muab: “Kaawaawa ti Nibu dahil wayakun inda. Mangay-a ag bihagun ti Kiryataim bag-u mapugdak ti manga marig-un pag palalan-iban inda.

Hirimyas 49:1

Inda waydi ti sinabi Panginuun tungkul sa manga taga Amun: “Kamu pag manga magsamba sa diyus-diyusan si Muluk, hayga niyu pag-ulian ti manga banwa sa daga ni Gad? Unman aw may linahi si Israil manugmana sa inda pag daga?

Karukuan 3:61

Panginuun, nadnugan nimu ti pamuya nida sa kangku. Alam nimu ti tanan nida gayak laban sa kangku,

Isikil 21:28

“Kawu pag anak tawu, sabihi ti manga Amunita magpuya sa Israil aku, ti Panginuun Diyus, magbagaw sa kanda: Handa yi ti baladaw sa pagpanmatay. Pinakinis gid inda hampay kumislap parihu sa kilat.

Isikil 25:1

Magkun ti Panginuun sa kangku,

Isikil 35:12

Sa inda pag palakaw, maalaman diman niyu aku, ti Panginuun, magdungug sa tanan niyu binwat kadautan sa manga bantud Israil. Dahil magkun kamu, ‘Daut yi inda ag pinahintulutan kita agawun inda!’

Isikil 36:2

Inda ti pagsabihun Panginuun Diyus: Magkun kanyu manga kalaban sa kanda yi kunu kanyu manga bantud.’

Amus 1:13

Inda ti pagsabihun Panginuun tungkul sa Amun: “Dahil sa parargu pagbuwat kasalanan manga taga Amun, parusahan gid niku sida. Dahil rinirian nida ti tiyan manga babayi magburuduy sa Gilyad, agud lang dumaka kanda sakup pag daga.

Amus 2:1

Inda ti pagsabihun Panginuun tungkul sa Muab: “Dahil sa parargu pagbuwat kasalanan ti manga taga Muab, parusahan gid niku sida. Dahil sinunug nida ti manga but-ul hari Idum tugka sa nagbaliw dapug inda.

Sipanyas 2:10

Magkun si Sipanyas, “Tunda ti balus sa kayabangan manga taga Muab ag taga Amun. Dahil pagpakay-ahun nida ag pagmuransahun ti nasakupan Panginuun Makamaskihan.

Huswi 5:9

Bag-u magkun ti Panginuun sa kan Huswi, “Kainda bin-ul niku sa kanyu ti kakay-ahan bilang panawuhun sa Ihiptu.” Nakan ati pag rugar pag-ingarnan Gilgal kainda tugka.