Sipanyas 2:7 - Hanunuu

⁷ Saklawun tunda manga nasawad taga Huda. Ati sida pag manpaharab kanda manga hayup ag nu rumas-ug ti yabi maturug sida sa manga balay sa Askalun. Kaawaan sida Panginuun nida Diyus ag paabundahun maan sida.”

Sipanyas 2:7 Iomraidhean Croise

Gimpuunan 50:24

Taynguna, magkun si Husi sa kay manga patar-ari, “Arani yi aku mamatay, dapat balaw kamu pabay-anan Diyus. Bul-un niya kamu sitay ginan pag rugar ag darahun sa rugar itinaratu niya sa kan Abraham, sa kan Isaak ag sa kan Hakub.”

Kanta 80:14

Pagbalik yi duy kawu sa kanmi, Diyus Makamaskihan! Ginan sa langit, bantayi kami kaayad. Alalahana kami kanmu nasakupan

Kanta 85:1

Panginuun, pag mayadun nimu kanmu daga; ipinabalik nimu ti mayad pag kahamtangan sa manga linahi ni Hakub.

Pag-ighit 4:31

ag naniwala gid sida. Pagka naalaman nida magdumdum di maaw ti Panginuun sa kanda ag mag-akitan diman niya kanda manga kakurian, linmuhud sida ag sinmamba sa Panginuun.

Isayas 11:11

Sa ati pag sirang utru gamitun Panginuun kay kamaskihan hampay pauliun ti manga nasawad pag nasakupan niya dinara-bihag sa Asirya, sa Ihiptu, sa Patrus, sa Itiyupya, sa Ilam, sa Babilunya, sa Hamat ag sa iba waya rugar arayu.

Isayas 11:14

Mirinsan sida gumira sa manga Pilistiyu sa isalpan. Girahun diman nida ti manga nasyun sa butlakan ag agawun nida kay manga kasiyunan. Sakupun nida ti Idum ag Muab hanggan ti manga Amuriyu pumasakup diman sa kanda.

Isayas 11:16

Nu kabitay ti maluang pag dalan paglakawan nasakupan Israil katpung nighit sida ginan sa Ihiptu, may imaw diman maluang pag dalan para sa manga nasawad niya pag manga nasakupan sa Asirya.

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Isayas 32:14

Ti mayamu tawu pag banwa hanggan ti marig-un pag bahagi inda balaw yi maulianan. Ti tagudtud hanggan ti barantayan pag bantayaw bumaliw ga pangawakawaan tugka aban. Inda bumaliw ulian manga talun asnu ag pasturan manga karanidu.

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 29:10

Aku, ti Panginuun, magsabi pagkalawuy 70 ka timpu kay nagsakup Babilunya, balikan niku kamu ag tupadun niku kang taratu kuntay ibalik niku kamu sa kanyu daga.

Hirimyas 29:14

Hu, awatan niku kamu ag ibalik di niku ginan sa pagkabihag. Tipunun niku kamu ginan sa tuhay-tuhay pag manga nasyun nu naan pag winayak niku kamu, ag ibalik sa kanyu sadili daga. Aku, ti Panginuun, ti magsabi inda.

Hirimyas 3:18

Sa ati pag manga sirang, ti manga nasakupan Huda hanggan ti Israil mirinsanan bumalik ginan sa pagkabihag sa kanaway muli sa daga ipinakaun niku sa kanda manga ginurang bilang maranahun.

Hirimyas 30:3

Dahil rumas-ug ti sirang ipabalik maan niku kang nasakupan Israil ag Huda ginan sa pagkabihag. Ipabalik niku sida sa daga ipinakaun niku sa kanda manga ginurang kuntay magkaapu nida. Aku, ti Panginuun, ti magsabi inda.”

Hirimyas 31:7

Magkun ti Panginuun, “Pagkanta kamu, paghuyaw para sa Israil, ti nasyun pagdayawun sa tanan nasyun. Pagdayaw kamu, paghuyaw, ‘Panginuun, iribri nimu kanmu manga nasakupan, ti manga nasawad buhi sa manga taga Israil.’ ”

Hirimyas 32:44

“Manmililihan maan manga tanman may pirmahan, tatakan ag kastigusan ti manga kasuratan sa bilihan. Buwatun inda sa daga ni Binhamin, sa manga rugar sa kalibut Hirusalim, sa manga banwa Huda, sa manga banwa sa kabantudan, ag tagudtud sa isalpan, hanggan sa Nigib. Mangyari inda dahil pabalikun niku kang manga nasakupan sa kanda daga ginan sa pagkabihag. Aku, ti Panginuun, ti magbagaw inda.”

Hirimyas 33:12

Magkun waya ti Panginuun Makamaskihan, “Una mapung-aw inda pag daga taynguna unman may manga tawu ag manga hayup, rumas-ug ti sirang magkaimaw manga pasturan sa tanan banwa padarahan manga manug-alaga sa kanda manada.

Hirimyas 33:7

Pabalikun niku ti manga taga Israil ag taga Huda ginan sa pagkabihag, ipatindug niku utru kanda banwa parihu sa kaybi.

Hirimyas 47:5

Ti manga taga Gasa mamakidkid, puruyba sa paghimanglaw nida, ag ti manga taga Askalun unman mag-ingay sa karukuan. Kamu pag manga nasakupan sa karatagan, tugka kapira niyu biyagan kanyu sadili hampay ipakakit kanyu karukuan?

Isikil 39:25

Magkun waya gid ti Panginuun Diyus, “Dapat taynguna, kaawaan niku ti nasakupan Israil, ti manga linahi ni Hakub, bag-u ibalik niku kanda mayad pag kahamtangan, hampay maparangalan kang banal pag ngaran.

Husyas 6:11

Ag kamu pag manga taga Huda, nakatagka yi parusahan niku. “Gustu mana niku ibalik ti mayad pag kahamtangan niku nasakupan.”

Ubadyas 1:19

“Sakupun manga taga Nigib ti Bantud ni Isaw, ag sakupun manga mag-uli sa tagudtud sa isalpan ti manga Pilistiyu. Sakupun diman manga Israilita ti daga Ipraim hanggan Samarya, ag sakupun waydi Binhamin ti Gilyad.

Mikas 2:12

Magkun ti Panginuun, “Kamu pag manga nasawad nasakupan Israil ag Huda, tipunun gid niku kamu ga manga karanidu sa tudiran aw ngatay ga kaban hayup sa labuan. Mapunu manga tawu kanyu kadagaan.

Sipanyas 3:13

Inda pag manga nasawad Israilita balaw sida mamuwat daut. Dayi sida mamudil ngatay mandaya. Mangaun ag maturug sida udyi may pagkadalaan.’ ”

Sipanyas 3:20

Hu, tipunun niku kamu sa ati pag sirang, ag pauliun sa kanyu nasyun. Parangalan niku kamu ag buwatun bantug sa buu kalibutan. Mangyari inda sa sirang paabundahun niku kanyu mayad pag kahamtangan. Makitan gid ngap niyu inda. Aku, ti Panginuun, ti magsabi inda.’ ”

Hagay 1:12

Sinunud ngani nida ni Surubabil, ni Huswi, hanggan tanan Israilita nakabalik sa Israil ginan sa pagkabihag sa Babilunya ti sinabi Panginuun nida Diyus sa panab-anan ni Purupita Hagay kay suruguun. Sa panab-anan inda, ipinakakit nida kanda maggalang sa Panginuun.

Lukas 1:68

“Dayawun nita ti Panginuun ti Diyus Israil, dahil kay inawatan ag linkat niya kay nasyun.

Lukas 7:16

Nadala gid sida tanan. Dinayaw nida ti Diyus magkun, “Nagsitay sa kanta karaw-an ti mamaski pag purupita. Nagsitay ti Diyus hampay iribri niya kay nasyun.”

Binwat 8:26

Bag-u sinabi usa ka anghil Panginuun sa kan Pilipi magkun, “Paghiwat yi duy pag-ati kawu sa salatan baliwa. Nu rumas-ug kawu sa pagsalakan ginan sa Hirusalim tabug sa banwa Gasa, pagsunsun kawu siti pag dalan.” Sa pangawakawaan tunda pag dalan.

Binwat 8:40

Si Pilipi waydi napatangad sa banwa yi Asdud. Sa kay maglakaw ati, itinudlu niya ti Mayad pag Barita sa tanan manga banwa hanggan sa ud nakaras-ug sa Sisariya.

Ruma 11:5

Katunda diman una kainda may imaw diman nasawad manga pinili Diyus dahil sa kay pangaawa.

Rut 1:6

Pagka nabaritaan ni Nuymi kuntay pinapaladan Panginuun kay nasakupan sa panab-anan pagpakaun sa kanda mayad pag-ani, nag-alistu siya hanggan kay manga umagad niya hampay bumalik sa Huda.