Sipanyas 2:5 - Hanunuu

⁵ Kaawaawa kamu pag manga Pilistiyu magpangulian sa saruy dagat. Inda ti pagsabihun Panginuun laban sa kanyu: ‘Kamu pag manga Pilistiyu sa Kanaan, papasun niku ag unman may masawad sa kanyu.’

Sipanyas 2:5 Iomraidhean Croise

Isayas 14:29

Manga Pilistiyu, danga dapu kamu magbaya sa pagkamatay hari naggira sa kanyu. Dahil kay anak ti umilis sa kanya imaw ti humari mahigpit man sa kanya, ga usa ka ulay namatay dapat nanganak mas madalit man ag harus maglayang.

Isayas 14:30

Ti manga pugri niku pag nasakupan pakaunun niku ag pakan-an pahari balaw may pagkadalaan. Dapat pabay-anan niku mamatay sa lun-us kanmu manga linahi, ag ti masawad sa kanda matyun diman gid niku.

Hirimyas 47:7

Dapat kabitay inda maampara dahil sinugu yi niku inda kuntay giraha ti Askalun ag ti manga mag-uli sa saruy dagat?”

Isikil 25:16

Nakan aku, ti Panginuun Diyus, magkun parusahan niku ti manga Pilistiyu. Panmatyun niku ti manga Kirita ag ti iba waya pag manga mag-ulian sa arani dagat.

Amus 3:1

“Kamu pag manga taga Israil, kanyu manga ginurang ipinalwas Panginuun sa Ihiptu, patingihi niyu inda kay pagsabihun laban sa kanyu:

Amus 5:1

Nasakupan Israil, patingihi niyu inda pag hirinangbitun tungkul sa kanyu:

Sipanyas 1:11

Paglulumian kamu, kamu pag manga mag-ulian sa ababa bahagi banwa Hirusalim dahil mamatay ti tanan niyu manga manugnigusyu.

Sipanyas 3:6

“Magkun ti Panginuun, ‘Pinapas niku ti manga nasyun; ginuba niku kanda manga banwa hanggan kanda manga alad batu ag manga bantayaw. Unman may nasawad sa kanda manga nasakupan, nakan udyi may tawu maglakaw sa kanda manga karsada.

Sakaryas 1:6

Dapat nangyari sa kanyu manga ginurang kang manga sinabi ag manga pasandam ipinatultul niku sa kang manga suruguun manga purupita. Bag-u nansisi sida magkun, ‘Pinarusahan kita Panginuun Makamaskihan angay sa kanta manga binwat, parihu sa kay kagustuhan buwatun sa kanta.’ ”

Markus 12:12

Alam manga takinan Hudiyu kuntay sida yi ti pagpatamaan pahalimbawa ni Hisus. Nakan naghanap sida paraan hampay madakup siya dapat nadala sida sa kayamuan tawu. Nakan siya kanda yi lang pinatawasan.

Huswi 13:2

Inda waya ti manga nasawad: Ti tanan daga manga Pilistiyu ag Gisuriyu,

Huswi 13:3

sakup manga Kananiyu. Inda ginan sa sapa Sihur sa butlakan Ihiptu tugka sa kanaway Ikrun sa amihan, hanggan ti lima ka banwa manga Pilistiyu: ti Gasa, ti Asdud, ti Askalun, ti Gat ag ti Ikrun, bag-u ti manga daga manga Habiyu

Talaghusay 3:3

Inda ti manga nasakupan isinawad Panginuun: ti manga mag-ulian sa lima ka banwa manga Pilistiyu, ti tanan Kananiyu, ti manga Siduniyu, ag ti manga Hibiyu mag-uli sa manga bantud Libanun, ginan sa Bantud Baal Hirmun tugka sa Libu Hamat.

1 Samwil 30:14

Ginira duy nimi ti bahagi Nigib pag-ulianan manga Kiritiyu, sa sakup Huda, hanggan diman ti bahagi Nigib pag-ulian manga lahi ni Kalib, bag-u inirub nimi ti Siklag.”