Sipanyas 2:3 - Hanunuu

³ Kamu waydi pag manga mapinakumbabaun ag masurundun sa manga sugu Panginuun, pagpakarani kamu sa kanya. Pagparargu kamu sa pagbuwat matadlung ag pagpakumbaba kamu. Barang abi alagaan kamu Panginuun sa sirang ibuhus niya kay pangagalit.”

Sipanyas 2:3 Iomraidhean Croise

2 Samwil 12:22

Sinmagut si Dabid, “Hu, magpa-uray aku ag nanlumi katpung buhi waya ti anak dahil mag-isip aku barang kaawaan aku Panginuun ag balaw niya pahintulutan mamatay ti anak.

Kanta 105:4

Pagsarig kamu sa Panginuun ag sa kay kabisugan. Pagpakarani kamu pirmi sa kanya.

Kanta 149:4

Dahil magbaya ti Panginuun sa kay nasakupan; pag-alalahanun niya sida pag manga makuri sa panab-anan pagpanalu sa kanda.

Kanta 22:26

Mangaun ti manga pugri ag mabsug sida. Dayawun kawu manga magdangup sa kanmu. Pagsa kanda ti kaayadan hanggan ti malawig pag buhi.

Kanta 31:20

Pag-itagu nimu sida sa rugar nu naan asan kanmu kadayawan, ag ati ribri sida sa maglibak hanggan sa magsurug manga tawu.

Kanta 45:4

Pakakitan kanmu kadayawan, paggira kawu marapanalu para sa katutuuhanan ag sa katadlungan manga pag-apihun. Sa panab-anan nimu kapangyarihan pagbuwat kawu makadululaw pag manga buwat.

Kanta 57:1

Diyus, kaawai aku dahil sa kanmu aku magdangup parihu sa butu manuk magpatagu sa sirung manga pakpak niya ina. Manhagad aku awat sa kanmu tugka sa lumawuy ti manga kadamhakan.

Kanta 76:9

igu kawu, Diyus, nansintinsiya sa pagribri sa tanan pag-apihun sa kalibutan.

Kanta 91:1

Una si unu ti magpangulian sa arani Kaabwat-abwatan pag Diyus Makapangyarihan alagaan siya.

Pag-ighit 12:27

kanyu isagut: ‘Inda Pista Pag-alaala sa Karibrihan bilang pagkilala sa Panginuun, dahil linawyan lang niya ti manga balay Israilita sa Ihiptu katpung minatay niya ti panganay anak lalaki manga Ihipsiyu.’ ” Pagkatapus bagaw ni Muysis, linmuhud ti manga Israilita ag nagsamba sa Panginuun.

Kabagawan 18:10

Ti Panginuun parihu sa marig-un pag bantayaw, darangpan manga matadlung sa udas kakurian.

Isayas 1:17

Pagpaanad kamu sa magbuwat mayad ag ilantag ti katadlungan. Sungyawa niyu ti manga mag-api ag apinan niyu ti karampatan manga ulila hanggan manga buranday.”

Isayas 11:4

Pakan-an niya katadlungan ti manga pugri ag apinan niya kanda karampatan. Sa hampak niya arup, parusahan niya ti manga tawu sa kalibutan ag magkaramatay ti manga daut pag tawu.

Isayas 61:1

Ti Ispiritu Panginuun Diyus sa kangku. Dahil pinili niya aku hampay manudlu mayad pag barita sa manga makuri. Sinugu niya aku hampay libangun ti manga nabiyagan kay tagipusuun ag para ibarita sa manga bihag hanggan sa manga pirisu sida malaya yi.

Hirimyas 39:18

Iribri niku kawu. Balaw kawu mamatay sa girahan. Maribri di kawu dahil magsarig kawu sa kangku. Aku, ti Panginuun, ti magsabi inda.’ ”

Hirimyas 45:5

Danga yi kawu maghingbut waya manga may kadayawan pag bagay. Dahil paras-ugun niku ti kadamhakan sa tanan tawu, dapat kawu iribri di niku una naan kawu pag umatag. Aku, ti Panginuun, ti magbagaw inda.’ ”

Isikil 13:5

Unman nida pagpaandaman ti manga tawu. Ga parihu lang sa unman nida pagkaayadun ti nadaut pag manga alad batu Israil hampay tumibay inda pagras-ug girahan, sa sirang pumarusa ti Panginuun.

Husyas 10:12

Sinabi niku sa kanyu, ‘Palug-uda kanyu tagipusuun parihu sa daga inaradu. Pagtanum kamu katadlungan ag pag-ani pagmahal. Dahil udas yi inda hampay dumangup kamu sa kangku tugka sa kang pagras-ug, bag-u padarahan niku kamu karibrihan parihu sa uran.’

Husyas 7:10

Kanda magpadayaw-dayaw ti magpatutuu dapat sida parusahan. Lang madi nangyari inda tanan sa kanda, unman gid sida nagbalik ag nagdangup sa kangku, ti Panginuun kanda Diyus.

Hunas 3:9

Barang bumag-u waya ti naisipan Diyus ag maparaw kay masyadu pag pangagalit sa kanta ag balaw yi niya kita rurisun.”

Matiyu 5:5

Papaladan Diyus ti magpanagunsirung, dahil maapu nida ti kalibutan.

1 Tisalunika 4:1

Usa sa siyun, manga patar-ari, magpaalam waya mana kami kanmi paanyu sa kanyu dahil sa kanta pakiusa sa Panginuun Hisus. Kailangan kanyu ugali pag-angay sa kanyu nataw-an ginan sa kanmi hampay lalu waya sa ikabaya Diyus. Imaw yi kanyu ugali dapat paglalu waya gid sa ikabaya Diyus.

1 Tisalunika 4:10

Inda ngani kanyu yi pagbuwatun sa tanan manga patar-ari kabuuhan daga sa Masidunya. Madi katida, kanmi waya pagsabihun sa kanyu padakaa waya gid niyu kanyu pagmahal.

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.

1 Pidru 3:4

Lalu ngap isipun niyu mahalaga ti rinu mataguan sa basad niyu tagipusuun. Tunda pag rinu unman magpud-as, ginan sa mahuway ag maalumanay pag naisipan, ungud lubus mahalaga sa kay magbantay Diyus.

2 Pidru 3:18

Pagparargu kamu, pagdaka sa kanyu kay kaayadan Diyus hanggan kanyu pagkilala sa kanta Panginuun Manugribri imaw yi ngani si Hisu-Kiristu. Sa kanya ti kadayawan taynguna una hanggan aban. Amin.