Sipanyas 2:15 - Hanunuu

¹⁵ Katunda ti mangyari sa banwa Ninibi, magpadayaw-dayaw kuntay unman may man-gira sa kanda ag unman may pumarihu sa kanda. Dapat lubusan yi madaut ti banwa ag ulianan wadi inda talun hayup. Ag ti kada maglawuy ati magkasari-sari magsurug sa kanda kahamtangan.”

Sipanyas 2:15 Iomraidhean Croise

Hub 16:4

Nu kamu ti sa kang kahamtangan, makabagaw diman aku parihu sa kanyu pagsabihun sa kangku. Bulwatan diman niku kamu aduk bagaw ag man-il-ilung sa kanyu.

Hub 27:23

May magpalakpak ag magpanitsit magpuya sa kanya dahil nadura siya sa kay pag-ulian.”

Isayas 22:2

Magkalaguluhan ag magriringgitan ti manga tawu sa banwa. Ti manga namatay sa kanyu balaw man sa gira pag namatay.

Isayas 32:11

Dugay yi kamu masalimpayaan, unman may pag-isipun. Taynguna takigan yi kamu sa dala. Lukasa niyu kanyu manga rutay ag paghawud kamu saku sa kanyu awak.

Isayas 32:14

Ti mayamu tawu pag banwa hanggan ti marig-un pag bahagi inda balaw yi maulianan. Ti tagudtud hanggan ti barantayan pag bantayaw bumaliw ga pangawakawaan tugka aban. Inda bumaliw ulian manga talun asnu ag pasturan manga karanidu.

Isayas 32:9

Kamu pag manga babayi masalimpayaan lang ud may pag-isipun, patingihi niyu kang sabihun sa kanyu! Bag-u matapus ti timpu, mataranta kamu dahil unman yi mamurak ti ubas ag udyi kamu may putihun.

Isayas 47:10

Magpaniwala kawu balaw midamhak sa kanmu magbuwat kadautan, dahil pag-isipun nimu balaw may maghiling sa kanmu. Pag-ipatalang kawu nimu kadunungan hanggan kaalaman, tunda diman kay dahilan nu hayga pagsabihun nimu kawu ti diyus udyi may iba waya.

Hirimyas 18:16

Bumaliw mapanglaw kanda daga ag puyaan hanggan aban. Ti tanan maglawuy mangil-ilung ag manhikrab.

Hirimyas 19:8

Wasakun niku inda pag banwa ag bumaliw puruyaun. Ti manga maglawuy manhikrab gid ag managutsut dahil sa nangyari sitay.

Hirimyas 50:13

Dahil sa galit niku, udyi may mangulian sa Babilunya ag bumaliw mapung-aw inda. Madiklahan gid ag manhikrab ti tanan lumawuy sitay dahil sa tanan nangyari sa inda pag nasyun.

Karukuan 1:1

Mapanglaw yi ti banwa Hirusalim, sa kabag-u mayamu tawu. Bantug inda kaybi sa buu kalibutan, dapat kainda parihu sa usa ka babayi buranday. Sa kabag-u imaw inda ti magpanguna pag banwa, dapat taynguna panawuhun yi.

Karukuan 2:1

Sa pangagalit Panginuun tinakluban niya madamul pag rurum ti Hirusalim. Pinabul-an niya halaga ti karinuan Israil bilang ga iyinamut niya sa daga ginan sa langit. Dahil sa kay pangagalit pinabay-anan niya una kay Balay.

Karukuan 2:15

Ti tanan maglawuy sa kanyu magpamalakpak, magsagutsut, ag mag-il-ilung sa puya sa Hirusalim. Magkun sida, “Imaw aw nguna inda ti daka pag banwa pag-ingarnan ‘Pinakamarinu’ ag ‘Kabayaan Buu Kalibutan?’ ”

Isikil 27:36

Magsagutsut ti manga manugnigusyu manga nasyun sa nadangtan nimu. Madala ti pinatabgan nimu, ag lubusan yi kawu madura tugka aban.” ’ ”

Isikil 28:2

“Anak tawu, sabihi ti takinan Tiru aku, ti Panginuun Diyus, magkun: Sa kanmu pagkamarapadayaw pagkun kawu, ‘Usa ka diyus aku, matukawan sa tukawan hari sa karaw-an kadagatan.’ Dapat kay tutuu, una mag-isip kawu madunung parihu sa usa ka diyus, balaw kawu diyus nu unman tawu lang.

Isikil 28:9

Malu, makasabi aw waya nimu, ‘Usa ka diyus aku,’ sa atubangan manga manmatay sa kanmu? Para sa kanda tawu lang kawu ag balaw usa ka diyus.

Isikil 29:3

Sabihi siya aku, ti Panginuun Diyus, magkun: Kalaban niku kawu, hari Ihiptu. Parihu kawu sa daka pag buaya malanguyan sa sapa. Magsabi kawu, ‘Ti Sapa Nilu, aku ti nagbuwat inda para sa kang sadili.’

Danyil 4:27

Nakan Mahal Hari, mana tanggapun nimu inda kang paanyu sa kanmu: Pagpakarayu kawu sa kasalanan ag pagbuwat mayad, ag pagmaawaun kawu sa manga pugri. Nu buwatun nimu inda barang pumirmaminti kawu abunda.”

Nahum 3:19

Bumaliw kawu parihu sa tawu nabiyagan balaw yi magkaayadan. Ti tanan makabarita sa kanmu nadangtan mamalakpak sa kabayaan, dahil sida tanan nakalakaw sa kanmu kahigpitan.

Habakuk 1:7

Pagkadalaan gid sida manga tawu. Pagbuwatun nida kanda pagkaibgan buwatun ag unman may makaampara sa kanda.

Matiyu 27:39

Ti manga maglawuy siyun nagmuransa diman waydi sa kan Hisus, nagtuknatukna kanda ulu,