Sipanyas 2:10 - Hanunuu

¹⁰ Magkun si Sipanyas, “Tunda ti balus sa kayabangan manga taga Muab ag taga Amun. Dahil pagpakay-ahun nida ag pagmuransahun ti nasakupan Panginuun Makamaskihan.

Sipanyas 2:10 Iomraidhean Croise

1 Krunika 16:21

Dapat unman ipinahintulut Diyus apihun sida. Agud maalagaan sida, pagtamyawun niya ti manga hari maglaban sa kanda.

Pag-ighit 10:3

Nakan nag-atag sida ni Muysis ni Aarun sa hari Ihiptu bag-u sinabi sa kanya, “Inda ti pagsabihun Panginuun, ti Diyus manga Hibriyu, ‘Tugka kapira kawu magpalabaw-labaw sa kangku? Paighita yi nimu kang nasakupan hampay makasamba sida sa kangku.

Pag-ighit 9:17

Dapat magpalabaw diman kawu sa kang nasakupan, ag unman waya nimu sida pagpasnuan umighit.

Isayas 16:6

Nabaritaan nimi masyadu marapadayaw ti manga taga Muab. Ti pagpalabaw ag kayabangan nida unman may pulus.

Hirimyas 12:14

Magkun waya ti Panginuun, “Inda ti buwatun niku sa tanan daut pag nasyun sa sangput Israil ti nagdaut daga ipinakaun niku sa kang nasakupan: Palayasun niku sida sa kanda daga parihu sa pagpalayas niku sa manga taga Huda sa inda ginan pag daga.

Hirimyas 48:14

Ipagpadayaw manga taga Muab kuntay maraisug ti sundalu nida sa paglaban.

Hirimyas 48:29

Palabi-labihun niyu. Nadnugan niku nu kabitay kamu magpalabi-labi ag marapadayaw.

Karukuan 1:9

Nakitan tanan kay kayagtingan. Unman niya inisip kay ras-ugan. Madala gid kay pagkadamhak, ag unman gid may nangawat sa kanya. Nakan nagsabi siya, “Panginuun, bantayi kang kakurian, dahil natalu aku kalaban.”

Isikil 25:6

“Aku, ti Panginuun Diyus, magkun, ‘Dahil namalakpak kamu ag linmuksu-luksu sa kabayaan sa pagpuya sa Israil,

Danyil 4:37

Nakan taynguna pagdayawun niku ag pagkilalan-un ti Hari langit, dahil hustu ag matadlung ti tanan niya pagbuwatun, ag pag-ipaababa niya ti una si unu ti magpadayaw-dayaw.”

Ubadyas 1:11

Pinabay-anan lang niyu ti Hirusalim pagka ginira iba nasyun. Pinabay-anan lang niyu bul-un kanda manga kasiyunan ag inayaw-ayaw sa panab-anan lunggungan. Kamu ga manga kalaban diman Israil.

Ubadyas 1:3

Magkumun kamu unman may tumalu sa kanyu dahil mag-uli kamu sa mabatu ag abwat pag rugar. Dapat ay sa inda pag magpayabang niyu, pagdayaun lang niyu kanyu manga sadili.

Sipanyas 2:8

Magkun ti Panginuun Makamaskihan, ti Diyus Israil, “Nadnugan niku ti magsurug ag magpuya manga taga Muab ag taga Amun sa kang manga nasakupan. Pag-ipadayaw waya nida kuntay kaya nida agawun ti daga niku nasakupan. Nakan sinaadan niku wayakun niku ti Muab hanggan ti Amun parihu sa Suduma ag Gumura. Ag kanda daga udyi mapakinabangan tugka aban, tubuan inda manga dugihan pag-ilamnun, ag mapnu manga kali buruwatan asin. Girahun inda niku manga nasawad pag nasakupan ag pamul-un nida ti tanan manga kasiyunan inda.”

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”