Sipanyas 1:7 - Hanunuu

⁷ “Danga kamu mag-ingay sa atubangan niku, dahil arani yi ti sirang niku pagparusa. Inalistu yi niku kang manga nasakupan hampay matyun parihu sa hayup pag-isagda. Iinalistu diman niku ti manga kalaban kang binan-awan man-gira sa Huda.

Sipanyas 1:7 Iomraidhean Croise

Hub 24:1

“Hayga unman itinagka Makamaskihan pag Diyus kay udas magpihu sa daut pag manga tawu? Hayga unman mag-akitan manga magkilala sa kanya tunda pag udas sa magpihu?

Kanta 46:10

Magkun siya, “Apasi yi niyu ti paggira. Ag kilalan-a niyu aku ti Diyus. Kamu pag manga nasyun sa buu kalibutan dumayaw sa kangku.”

Isayas 13:3

Sinugu yi niku kang manga itinigana pag manga sundalu imaw ti pumarusa sa pagkagalitan niku pag manga tawu. Inda pag manga sundalu magbaya ag magsarig buwatun niku inda pag parusa.

Isayas 13:6

Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 2:12

Dahil nagtagka sirang ti Panginuun Makamaskihan nu kapira niya ipakababa ti manga marayabang hanggan ti marapadayaw, ag ti manga maghantup sida makapangyarihan.

Isayas 29:2

Dapat lusubun niku tunda, ag manlulumian ag manhirinangbitun kay manga nasakupan. Para sa kangku, ti buu banwa bumaliw ga harandugan punu dugu.

Isayas 34:5

Pagka natapus gamitun Panginuun kay baladaw sa langit, mitama maan inda sa Idum hampay parusahan ag rurisun.

Isayas 34:6

Ti baladaw Panginuun mapnu dugu ag taba, ga ginamit pan-iyaw manga handug kambing hanggan karanidu. Dahil matyun Panginuun ti manga taga Busra bilang handug. Mayamu kay matyun sa iba pag manga banwa Idum.

Isayas 6:5

Magkun aku, “Kaawaawa aku! Pihu gid midamhak aku, dahil makasalanan kang bibig ag mag-ulian aku minsan sa manga tawu makasalanan diman kay bibig. Kainda nakitan niku ti Hari, ti Panginuun Makamaskihan.”

Hirimyas 46:10

Dapat manalu ti Panginuun Diyus Makamaskihan sa inda pag girahan. Bumalus siya sa manga kalaban niya sa inda pag sirang. Ti baladaw niya ga lun-us pag hayup humalun sa kanda ag uminum sa dugu nida tugka sa mabsug. Ti manga bangkay nida ga manga handug sa Panginuun Diyus Makamaskihan ati sa daga sa kanaway arani sa Sapa Iyupratis.

Isikil 7:10

“Arani yi gid ti sirang kadamhakan! Masyadu yi gid ti kadautan hanggan ti magpadayaw manga tawu.

Isikil 7:7

kamu pag manga mag-uli sa daga Israil. Imaw yi inda kanyu kadamhakan. Arani yi gid ti udas magkaragulu kamu. Tapus yi ti masulung niyu pag sirang sa kabantudan.

Huwil 1:15

Malu, arani yi ti sirang pagparusa Panginuun Makamaskihan.

Huwil 2:11

Pagsuguun Panginuun kay manga sundalu, ti kagadhan ag makapangyarihan pag manga apan magsunud sida sa kay sugu. Madala ti sirang pagparusa Panginuun. Unman gid may umagwanta inda!

Huwil 2:31

Dumulum ti init ag rumagang ti bulan ga dugu. Matupad inda bag-u rumas-ug ti madala pag sirang pagparusa Panginuun.”

Amus 6:10

Ti namatay bul-un niya katawuhan kay bangkay hampay sunugun. Bag-u paingan-un niya ti mataguan sa sulud balay, “May kaibahan aw waya kawu asan?” Nu sumagut siya, “Unman” sumabi ti tawu nagpaingana, “Danga mag-ingay! Barang masampit waya nimu ti ngaran Panginuun ag maparusahan kita.”

Amus 8:3

Sa tunda pag sirang, ti masulung pag karantahan sa Balay Diyus bumaliw lulumian dahil mayamu manga namatay ti magkarawayak una naan. Bag-u unman yi gid may masaydan iringayan. Aku, ti Panginuun Diyus, ti magsabi inda.”

Habakuk 2:20

Dapat ti Panginuun ati sa kay banal pag ulian sa langit. Nakan ti tanan sa kalibutan pagpatingi sa kay atubangan.’ ”

Sipanyas 1:14

Arani yi ti pinakamadala pag sirang kay pagparusa Panginuun. Inda madali rumas-ug. Makuri masyadu ati katpung pag sirang, dahil una ti maisug pag sundalu manringgit manhagad awat.

Sakaryas 14:1

Rumas-ug ti sirang pagparusa Panginuun. Ayaw-ayawun niyu manga kalaban ti manga naagaw nida pag kasiyunan ginan sa kanyu manga taga Hirusalim ag kamu mamantay lang sa kanda.

Sakaryas 2:13

Dag-ingay kamu tanan pag manga tawu sa atubangan Panginuun, dahil rumas-ug siya ginan sa kay banal pag ulian.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Matiyu 22:4

Nagpasugu maan uman ti hari sa kay manga panawuhun magkun, ‘Sabiha niyu sa kang manga pinaalaman, malu ihinanda yi niku ti manga karan-unun, iniyaw yi niku kang manga tudu baka hanggan ti pinatabul pag manga ibun baka. Pagluwang yi kamu sitay sa pamasaruhan.’

Ruma 3:19

Alam yi nita una hintay ti pagsabihun sa Kasuguan, sinabi yi ngani sa manga napasakup sa Kasuguan, hampay una si unu pag tawu balaw yi may isingyanan ag ti tanan-tanan tawu may kapanagutan nu sa kaudasan sintinsiya Diyus.

Ruma 9:20

Dapat kawu duy tawu lang, si unu lugud kawu nakan nagsagut katida sa Diyus? Masabi aw lugud anglit sa nagpanday sa kanya magkun, “Hayga binwat nimu aku kainda?”

Pilipus 4:5

Kailangan pagmakilala gid tanan tawu kanyu kaalumanay. Udyi dugay aban rumas-ug yi ti Panginuun.

Kulusas 1:12

ag hampay kamu magbaya gid magpasalamat sa Diyus Ama, dahil binwat niya kamu kang-ud hampay may kahuray kamu sa kay kaharian hanggan karayawan, pinaminsan kamu sa manga nasakup sa kanya.

1 Samwil 16:5

Sinmagut si Samwil, “Hu, nag-ataytag aku hampay manhandug sa Panginuun. Lumpiyuha niyu kanyu sadili hampay umatubang sa kanya ag pagkuyug kamu sa kangku hampay minsan kita manhandug sa Panginuun.” Bag-u binwat ni Samwil ti buruwatun para sa paglumpiyu sa kan Isai kaibahan kay manga anak ag kinmuyug diman sida sa paghandug.

1 Samwil 20:26

Sa tunda pag sirang, unman namagaw si Saul tungkul sa kay pagkalyam ni Dabid dahil mag-isip siya barang may nabwat si Dabid ag imaw ti nakapa-uring sa kanya, nakan unman siya nakapakiusa.