Sipanyas 1:18 - Hanunuu

¹⁸ Dayu makaparibri sa kanda ti manga pilak ag gintu sa sirang ipakakit niku kang pangagalit parihu sa apuy umirub sa buu kalibutan. Dahil kadaka niku papasun ti tanan mag-ulian sa daga.”

Sipanyas 1:18 Iomraidhean Croise

Gimpuunan 6:7

nakan magkun siya, “Rurisun niku ti tanan linalang niku pag tawu, hanggan ti tanan hayup sa daga kaibahan ti manga hayup maglayang. Magsisi aku nu hayga linalang waya niku sida.”

1 Hari 14:22

Nagbuwat kadautan ti manga nasakupan Huda sa magbantay Panginuun, ag mas subra waya ti galit Panginuun sa kanda kaysa kanda manga ginurang, dahil subra gid kanda manga kasalanan.

Hub 21:30

pirmi mag-iribri ti daut pag tawu sa sirang pagras-ug kaparusahan Diyus.

Hub 3:15

Magpahari yi waydi mana aku kaibahan ti manga takinan kay ulian punu manga gintu ag pilak.

Kanta 78:58

Pinaimun ag pinaisug nida ti Diyus dahil sa kanda manga diyus-diyusan sa manga simbahan sa abwat pag manga rugar.

Kanta 79:5

Panginuun, tugka waya lugud kapira kanmu pangagalit sa kanmi? Tugka aw sa unman may katapusan? Lumabdab yi lang aw lugud parihu sa apuy kanmu imun?

Kabagawan 11:4

Ti kasiyunan balaw makaawat sa sirang pagsintinsiya Diyus, dapat ti matadlung kay buhi imaw ti maribri sa kamatayan.

Kabagawan 18:11

Ti isip mayaman kay kayamanan imaw makadipinsa sa kay sadili parihu sa abwat pag alad batu masangputan sa banwa.

Isayas 1:24

Nakan magkun ti Panginuun, ti Makamaskihan pag Diyus Israil, “Gumaan kang tagipusuun nu maparusahan yi niku kamu pag manga taga Hirusalim kang manga kalaban.

Isayas 10:17

Ti Panginuun ti pinagkasulu ag banal pag Diyus Israil bumaliw ga maglabdaban apuy umirub sa manga dugihan niya pag halamanan sa sulud lang usa ka sirang.

Isayas 10:3

Hintay ti buwatun niyu sa sirang pagsintinsiya sa kanyu? Hintay ti buwatun niyu nu rumas-ug ti kadamhakan ginan sa arayu? Sa kantapu kamu pag manhagad awat? Ag naan niyu pag-itagu kanyu kayamanan?

Hirimyas 7:20

Nakan aku, ti Panginuun Diyus, magsabi, “Ipaagum niku sa inda pag rugar ti masyadu pag pangagalit niku — sa manga tawu, sa manga hayup, sa manga puun kayu, hanggan sa manga tanum. Kang pangagalit ga apuy unman magkapsa.

Hirimyas 7:34

Amparahun yi niku ti kasulungan ag kabayaan sa manga baklayan Hirusalim. Ag udyi madnugan sa manga banwa Huda ti manga masulung pag busis manga bag-u ipinaasawa. Dahil bumaliw mapung-aw inda pag daga.”

Hirimyas 9:11

Dahil magsabi ti Panginuun, “Wasakun niku ti Hirusalim, bumaliw inda ulian manga talun idu. Buwatun niku ga pangawakawaan ti manga banwa Huda tugka sa unman yi may mangulian siyun.”

Isikil 16:38

Parusahan niku kawu sa kanmu pagpanguragin ag pagpanmatay. Ag sa kang masyadu pag pangagalit ag imun, matyun niku kawu.

Isikil 23:25

Sa kang masyadu pag pangagalit sa kanmu, paparusahan niku kawu sa kanda. Ag sa kanda pangagalit puldun nida kanmu irung ag manga tuli. Bihagun nida kanmu manga anak, ag ti masawad panmatyun nida baladaw ngatay sunugun.

Isikil 7:11

Kanda kahigpitan bumalik sa kanda bilang parusa sa kanda kadautan. Unman may masawad sa kanda, ag ti tanan nida kayamanan malyam.

Isikil 7:19

Ipanyamut nida kanda manga pilak ag manga gintu sa manga baklayan parihu sa usa ka mauring pag bagay. Balaw inda makaribri sa kanda sa sirang ipakakit niku kang pangagalit. Balaw inda makabusug sa kanda dahil imaw inda kay dahilan nida pagkakasala.

Isikil 7:5

“Aku, ti Panginuun Diyus, magbagaw magkun waya gid: Rumas-ug ti sunud-sunud pag kadamhakan.

Sipanyas 1:11

Paglulumian kamu, kamu pag manga mag-ulian sa ababa bahagi banwa Hirusalim dahil mamatay ti tanan niyu manga manugnigusyu.

Sipanyas 1:15

Sa ati pag sirang, ipakakit Diyus kay pangagalit. Bumaliw sirang karukuan ag kakurian, sirang pagkarangga hanggan pagkawayak. Bumaliw marurum ag madulum ati pag sirang,

Sipanyas 2:2

bag-u rumas-ug ti itinagka pag sirang palayasun kamu ag ipayag parihu sa upa. Pag-ampu yi kamu bag-u rumas-ug ti sirang ibuhus Panginuun kay masyadu pag pangagalit.

Sipanyas 3:8

“ ‘Nakan kamu pag manga matinupadun pag taga Hirusalim, alagda niyu ti sirang unu-unuhun niku ti manga nasyun. Dahil nagpasya yi aku tipunun ti manga nasyun hanggan ti manga kaharian hampay ibuhus niku sa kanda ti mahigpit niku pag pangagalit parihu sa apuy mag-irub sa buu kalibutan.

Matiyu 16:26

Hintay lugud ti makinabangan tawu una maapu niya ti bilug kalibutan, nu kay kinabuhi ti kabaydanan? Hintay ti ibayad tawu hampay bawiun maan niya kay buhi?

1 Kurintu 10:22

Gustu aw lugud nita masubukan kay irang Panginuun, kita aw lugud lalu mabisug man sa kanya?

Diyuturunumiyu 31:17

Sa ati pag sirang, mangisug aku sa kanda ag bugyahan niku sida. Patlikudan niku sida bag-u maruris sida. Mayamu pag kadamhakan ag kakurian ti rumas-ug sa kanda, bag-u sa tunda pag udas mamaingana sida, ‘Nagras-ug aw sa kanta inda pag kadamhakan dahil balaw kita pag-ibahan Panginuun?’