Sipanyas 1:17 - Hanunuu

¹⁷ Magkun ti Panginuun, “Ipalakaw niku ti kakurian sa manga tawu, ag lumakaw sida parihu sa buta dahil nagkasala sida sa kangku. Bumulus ga danum kanda dugu, ag mabuyuk ga ugat kanda bangkay.

Sipanyas 1:17 Iomraidhean Croise

Kanta 83:10

Nagkaramatay sida sa Indur, kanda manga bangkay nagkararunut ag nagbaliw abunu sa daga.

Isayas 29:10

Dahil pinaturug kamu Panginuun mahamuuk. Pinatakipan niya kanyu manga ulu hanggan manga mata balaw may iba nu unman kanyu manga purupita.

Isayas 50:1

Magkun ti Panginuun sa kay manga nasakupan, “Ipinurya aw lugud niku ti Hirusalim parihu sa usa ka lalaki nanayak sa kay asawa? Puruybahan niyu! Ipinabihag yi aw niku kamu parihu sa usa ka tawu ipinabili kay manga anak sa kay inutangan hampay buwatun suruguun bayad sa kay utang? Unman gid! Ipinabili kamu dahil sa kanyu kasalanan. Dinayu ti Hirusalim dahil sa kanyu paglapastangan.

Hirimyas 10:18

Dahil inda ti pagsabihun Panginuun, “Pagpatingi kamu! Paighitun niku kamu sitay ginan pag daga. Pakurianan niku kamu tugka sa masamitan niyu ti pangagalit niku.”

Hirimyas 15:3

Aku, ti Panginuun, magkun ipadara niku sa kanda ti upat ka kalasi manugpapas: Magkaramatay sida sa girahan, guyudun manga idu kanda manga bangkay, tindukun sida manga manuk ag ti magkasawad pag manga bangkay nida hirutun maraisug pag hayup.

Hirimyas 18:21

Dapat taynguna, pabay-ani duy nimu mamatay kanda manga anak sa lun-us hanggan sa girahan. Pabay-ani nimu maburanday ti manga babayi ag madura kanda manga anak. Pabay-ani duy nimu mamatay kanda manga lalaki sa sakit hanggan ti manga kalay-awan lalaki sa girahan.

Hirimyas 2:17

“Kamu di waydi manga Israilita ti nagdara inda pag kadamhakan sa kanyu sadili. Dahil dinayu niyu aku, ti Panginuun niyu Diyus, ti naggiya sa kanyu maglakaw.

Hirimyas 2:19

Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 3:25

Kailangan ngani duy kami patagu dahil sa kay-a dahil kami hanggan kanmi manga ginurang nagsalan sa kanmu, Panginuun nimi Diyus. Ginan waya sa pagkaanak nimi tugka kainda, unman duy kami sinmunud sa kanmu.”

Hirimyas 4:18

Ti pag-ugaliun ag daut buwat niyu ti nagdara inda pagparusa sa kanyu. Inda ti kaparusahan niyu. Masakit inda! Ag lumapus sa kanyu tagipusuun.”

Hirimyas 8:2

Bag-u wayakun inda sa daga mabuladan sa init, sa rayaw bulan, ag manga pamgasan kanda pagmahalun, sinirbihan, sinunud, pinaingan-an, ag sinamba. Udyi utru tipunun ti manga but-ul nida una ilubung, nu unman wayakun yi lang sa daga ga ugat.

Karukuan 1:14

Tinipun niya kang manga kasalanan ag ga binuwat higut. Ag inda ti nagguyud sa kangku sa pagkabihag. Parihu lang ga pinaulian aku singkaw sa liug. Pinalumuy aku Panginuun ag ipinakaun sa kang manga kalaban balaw niku makaya.

Karukuan 1:18

Magkun ti Hirusalim, “Matadlung ti Panginuun; dapat unman niku sinunud kay sugu. Kamu tanan pag nasakupan, pagpatingi kamu ag bantayi niyu kang kakurian. Binihag kang kalay-awan manga babayi ag lalaki.

Karukuan 1:8

Daka gid ti kasalanan Hirusalim, nakan nagbaliw mayagting inda. Ti tanan magdayaw sa kanya kaybi magpuya yi sa kanya, dahil nakitan nida kay kauyaan. Mag-arunghung siya ag magpatlikud sa kay-a.

Karukuan 2:21

Nagkarawayak sa manga karsada ti manga bangkay manga anak ag gurangun. Nagkaramatay sa girahan ti manga kalay-awan lalaki ag babayi. Pinanmatay nimu sida unman may awa dahil sa kanmu pangagalit.

Isikil 16:38

Parusahan niku kawu sa kanmu pagpanguragin ag pagpanmatay. Ag sa kang masyadu pag pangagalit ag imun, matyun niku kawu.

Isikil 24:7

Dahil kay pagmatay alam tanan. Ti dugu manga minatay niya pinabay-anan lang sa manga batu makitan tanan. Unman gid niya inda tinabunan daga.

Isikil 24:8

Nakitan niku inda pag dugu ag pinabay-anan niku inda makitan tanan. Tunda pag manga dugu ga magringgit sa kangku ibalus niku sida.

Amus 4:10

“Pinadarahan niku kamu manga sarut parihu sa ipinadara niku kaybi sa Ihiptu. Ipinamatay niku kanyu manga kalay-awan lalaki sa girahan ag ipinabihag niku kanyu manga kabayu. Pinakurianan diman niku kamu sa buyuk manga namatay sa kanyu manga kampu. Dapat unman diman kamu nagbalik sa kangku. Aku, ti Panginuun, ti magsabi inda.

Mikas 7:13

Bumaliw mapanglaw pag rugar ti manga nasyun sa kalibutan dahil sa kadautan manga mag-ulian siyun.”

Matiyu 15:14

Pabay-ani niyu sida, buta pag manga manug-abat sida. Nu ti buta umabat sa kay kaparihu buta, minsan sida malagpak sa abwat.”

Ruma 11:25

Manga patar-ari, gustu niku maalaman niyu ti usa ka katutuuhanan udwaya maburayhawan, hampay balaw mag-isip kamu palabi-labi sa kanyu sadili. Ti kaganitan nasyun Israil balaw padayun-dayun, balaw hanggan aban. Inda magkadugay lang hanggan sa udwaya makapakarani sa Diyus ti tanan manga ginayak niya pag manga balaw Hudiyu.

Ruma 11:7

Kabitay nguna tunda? Unman nakarubtan ti buu nasyun Israil sa kay inasahan. Dahil ti iba, maganit kanda manga tagipusuun. Kay iba lang, ti manga pinili lang Diyus, ti nakakarubut tunda.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

2 Pidru 1:9

Ti tawu nu unman may imaw katida pag ugali buhi ga madlum kay magbantay, nalimtan yi niya kuntay pinatawad yi kay daan pag manga kasalanan.

1 Huwan 2:11

Dapat ti tawu nu magkagalit sa kay patar-ari, sa basad kadudulman waya siya. Maglakaw waya siya sa basad madlum ag unman niya alam kay patabgan nu naan, dahil binuta kadudulman kay manga mata.

Ipinakakit 3:17

Pagsabihun nimu kuntay kawu mayaman, unman may kurang, may kang-ud kawu sa tanan bagay. Dapat unman nimu alam anung anung kaawaawa kawu masyadu, kapugrihan yi, ga lilus yi ag buta waya kawu.