Sipanyas 1:10 - Hanunuu

¹⁰ “Aku, ti Panginuun, magkun, sa ati pag sirang madnugan ti maglulumian sa Sabian pag-ingarnan Isda sa banwa Hirusalim ag sa bag-u pag bahagi banwa. Madnugan diman ti matnug pag ingay manga magkaragba balay sa manga tagudtud.

Sipanyas 1:10 Iomraidhean Croise

2 Samwil 5:7

Dapat nasakup di gid nida ni Dabid ti mapag-un pag kampu Siun, kainda pag-ingarnan Banwa ni Dabid.

2 Samwil 5:9

Pagka nasakup ni Dabid ti mapag-un pag kampu Siun, ati yi siya pag nangulian ag iningarnan niya tunda Banwa ni Dabid. Dinugangan niya tunda alad batu sa kay libut ginan sa ababa pag bahagi banwa.

2 Hari 22:14

Nakan nag-atag sida ni Hilkiyas pag manughandug, si Ahikam, si Akbur, si Sapan, ag si Asaya sa usa ka purupita babayi sa kan Hulda hampay mamaingana. Inda si Hulda mag-uli sa bag-u pag bahagi Hirusalim ag asawa siya ni Salum kay anak ni Tikba kay laki ni Harhas. Si Salum imaw ti mag-asikasu sa manga rutay sa Balay Diyus.

2 Krunika 3:1

Inumpisahan yi ni Sulumun ti pagpatindug sa Balay Diyus Panginuun sa Hirusalim ati sa bantud Muriya, nu naan pag napakakit ti Panginuun sa kay ama sa kan Dabid. Ati niya inda pag ipinatindug sa giriukan ni Arauna usa ka Hibusiyu, ti rugar inalistu ni Dabid.

2 Krunika 32:22

Nakan irinibri Panginuun si Isikyas ag ti manga nasakupan Hirusalim sa kamang ni Hari Sinakirib taga Asirya ag sa kamang iba waya nida pag manga kalaban. Pinakan-an niya sida kahusayan sa kanda sangput.

2 Krunika 33:14

Siyun ginan, ipinahiwat ni Manasis ti panluwas pag alad batu sa Banwa ni Dabid, ginan sa isalpan Gihun, sa may luung tugka sa Sabian pag-ingarnan Isda, palihud sa tagudtud Upil. Pinaabwat diman niya inda. Bag-u nagpauli siya manga kumandir sa tanan may alad batu pag manga banwa sa Huda.

2 Krunika 34:22

Nakan nag-atag si Hilkiyas ag ti manga sinugu hari mangiba sa kanya sa usa ka purupita babayi sa kan Hulda hampay mamaingana. Inda si Hulda mag-uli sa bag-u pag baliw Hirusalim ag kay asawa niya si Salum kay anak ni Tukat ag kay laki ni Hasra. Si Salum ti magbantay manga rutay sa Balay Diyus.

Nihimyas 12:39

Siyun ginan linmakaw kami sa Sabian ni Ipraim, sa Daan Sabian, sa Sabian pag-ingarnan Isda, sa Bantayaw ni Hananil, ag sa Bantayaw Usa ka Gatus. Bag-u linmakaw kami sa Sabian pag-ingarnan Karanidu ag nagpat-ung sa may Sabian Guwardiya.

Nihimyas 3:3

Ipinatindug manga anak ni Hasina ti Sabian pag-ingarnan Isda. Pinaulian nida inda manga bakalan, itinakud kay talakup ag binuwatan manga pangagad.

Isayas 59:11

Man-ngurub kita sa kakurian ga usu ag mandaghum ga manga kalapati. Pag-alagdun nita parusahan yi Diyus kanta manga kalaban ag iribri kita, dapat udwaya gid magkatupad.

Hirimyas 39:2

Katpung ikasiyam pag sirang, sa ikap-at pag bulan sa ika-11 pag timpu sa kay maghari ni Sidikyas, winayak manga taga Babilunya ti alad batu banwa.

Hirimyas 4:31

Nadnugan niku ti maglumi hanggan magpabawi, ga babayi magpanganak sa kay panganay anak. Lumi inda manga nasakupan Hirusalim ga maghingagaw kanda arup. Pag-ipaabwat nida kanda manga kamang magkun, “Kaawaawa waydi kami; ag ga malipungan yi, dahil asan yi kanmi manga kalaban ti manmatay sa kanmi.”

Isikil 6:13

Ag maalaman nida aku ti Panginuun nu ti manga bangkay nida manga kasimanwa mawayak kaibahan sa kanda manga diyus-diyusan sa sangput nida manga harandugan, sa manga bantud, sa tagudtud manga bantud, sa puun daraka pag manga kayu, ag sa puun maraybung pag manga kayu insina, nu naan maghandug sida kamangyan sa kanda manga diyus-diyusan.

Amus 8:3

Sa tunda pag sirang, ti masulung pag karantahan sa Balay Diyus bumaliw lulumian dahil mayamu manga namatay ti magkarawayak una naan. Bag-u unman yi gid may masaydan iringayan. Aku, ti Panginuun Diyus, ti magsabi inda.”

Sipanyas 1:15

Sa ati pag sirang, ipakakit Diyus kay pangagalit. Bumaliw sirang karukuan ag kakurian, sirang pagkarangga hanggan pagkawayak. Bumaliw marurum ag madulum ati pag sirang,

Sipanyas 1:7

“Danga kamu mag-ingay sa atubangan niku, dahil arani yi ti sirang niku pagparusa. Inalistu yi niku kang manga nasakupan hampay matyun parihu sa hayup pag-isagda. Iinalistu diman niku ti manga kalaban kang binan-awan man-gira sa Huda.