Sakaryas 9:4 - Hanunuu

⁴ Dapat bul-un di Panginuun kanda manga kasiyunan ag iyamut niya tag sa dagat kanda manga kayamanan. Ag kanda banwa irubun apuy.

Sakaryas 9:4 Iomraidhean Croise

Kabagawan 10:2

Ti kayamanan bin-ul sa daut pag paraan balaw makapakaun kaayadan, dapat ti matadlung pag pangabuhi makapakaun kaayadan dahil makaribri inda sa kamatayan.

Kabagawan 11:4

Ti kasiyunan balaw makaawat sa sirang pagsintinsiya Diyus, dapat ti matadlung kay buhi imaw ti maribri sa kamatayan.

Isayas 23:11

Ihinunat Panginuun kay kamang sa dagat, hinalu niya ti manga kaharian. Isinugu niya wayakun ti manga kampu Pinisya.

Isikil 26:17

Bag-u sabihun nida inda pag hirinangbitun para sa kanyu: ‘Kabitay kanmu pagkadamhak, kawu pag bantug banwa pag-ulian manga tawu, kanda karabuhian asan sa dagat. Makamaskihan gid kawu sa kadagatan ag magkadala sa kanmu ti tanan mag-uli sa arani dagat.

Isikil 28:16

Kanmu mayamu manga nigusyu imaw ti dahilan nimu pagkamaisug hanggan pagbuwat daut. Nakan pinalayas niku kawu ginan sa banal pag bantud niku; pinalayas niku kawu sa magsinglaw pag manga batu.

Isikil 28:18

Dahil sa kayamuun nimu kasalanan hanggan pandaraya sa pagnigusyu, inuringan nimu ti manga rugar nimu pagsambahan. Nakan sa atubangan manga magbantay sa kanmu, sinunug niku kanmu rugar hanggan kawu nairub tugka sa nagbaliw dapug sa daga.

Isikil 28:2

“Anak tawu, sabihi ti takinan Tiru aku, ti Panginuun Diyus, magkun: Sa kanmu pagkamarapadayaw pagkun kawu, ‘Usa ka diyus aku, matukawan sa tukawan hari sa karaw-an kadagatan.’ Dapat kay tutuu, una mag-isip kawu madunung parihu sa usa ka diyus, balaw kawu diyus nu unman tawu lang.

Isikil 28:8

Balaw gid mayad kanmu patabgan pag kamatayan; iyamut nida kawu sa kaabasad-basadan dagat.

Huwil 3:8

Ipabili niku kanyu manga anak sa manga taga Huda bag-u ipabili maan nida sa manga taga Saba, ti mag-uli sa arayu pag rugar. Pihu gid mangyari inda, dahil aku, ti Panginuun, ti magsabi inda.”

Amus 1:10

Nakan sunugun niku ti manga alad batu Tiru hanggan ti mapag-un pag manga bahagi sa inda pag banwa.”

Sakaryas 9:5

Makitan inda manga mag-uli sa Askalun ag madala sida. Mamarikutut sa sakit ti manga mag-uli sa Gasa ag katunda diman ti manga mag-uli sa Ikrun dahil madura kanda pagsarigan. Mamatay ti hari Gasa, ag ti Askalun udyi mahimu maulianan.