Sakaryas 9:1 - Hanunuu

¹ Imaw inda ti pagsabihun Panginuun: Magkun ti Panginuun parusahan niya ti manga daraka banwa Hadrak ag Damasku, dahil ti tanan kailangan bumantay ngatay dumangup sa Panginuun, ag lalu yi ti manga linahi Israil.

Sakaryas 9:1 Iomraidhean Croise

Gimpuunan 14:15

Igu yabi, tinunga ni Abram kay manga tawuhan ag ginira nida ti manga kalaban, ag natalu nida inda. Ti iba ka manga nakapalagiw kanda linagas tugka sa Huba, sa salatan Damasku.

2 Krunika 20:12

Diyus nimi, unman aw nimu sida parusahan? Dahil unman kami may kaya umatubang sa pagkayamu sundalu maggira sa kanmi. Unman nimi alam nu unu ti kanmi buwatun, dapat magsarig kami sa kanmu.”

Kanta 145:15

Ti tanan may buhi pag linalang magsarig sa kanmu, ag pag-ayawan nimu sida kanda karan-unun sa udas kailangan nida.

Kanta 25:15

Sa kanmu aku pirmi magdangup, dahil kawu ti magribri sa kangku sa kadamhakan.

Isayas 13:1

Inda ti pagsabihun tungkul sa Babilunya, ti ipinaburayhaw Panginuun sa kan Isayas kay anak ni Amus:

Isayas 52:10

Ipakakit Panginuun ti bukud tangi niya pag kamaskihan sa tanan nasyun, ag makitan buu kalibutan ti pagribri nita Diyus.

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Hirimyas 32:19

Pinakamarinu duy kanmu manga gayak ag makadululaw kanmu manga buwat. Mag-akitan nimu ti tanan pagbuwatun manga tawu ag pagbalusan duy nimu sida angay sa pag-ugaliun ag buwat nida.

Amus 1:9

Inda ti pagsabihun Panginuun tungkul sa Tiru: “Dahil sa parargu pagbuwat kasalanan manga taga Tiru, parusahan gid niku sida. Dahil ipinabili nida ti tanan magpangulian sa manga banwa bilang manga suruguun sa Idum. Balaw nida tinupad kanda kasunduan bilang magtar-arian sa inda pag manga nasakupan.

Amus 3:12

Inda waya gid ti pagsabihun Panginuun: “Ti mairibri lang manug-alaga karanidu sa hayup paggus-abun liyun mahimu kay wadi duwa ka lulud ngatay kay usa wadi ka tuli. Katunda diman ti mangyari sa kanyu pag manga Israilita mag-ulian sa Samarya; ti maribri sa kanyu imaw lang ti manga bahagi niyu marinu pag manga parahuwayan.”

Nahum 1:1

Ti tultulanun sa inda pag ribru tungkul sa Ninibi. Inda ti ipinasandam Panginuun sa kan Nahum taga Ilkus.

Sakaryas 4:10

May manga tawu magpuya dahil pira di waya ti nabuwat sa pagpatindug sa Balay Diyus. Dapat makabaya sida nu makitan nida pag-ipauli yi ni Surubabil ti pinaka-uryan ag pinakamahalaga pag batu sa Balay Diyus. Pagkatapus, magkun sa kangku ti anghil, “Inda pag pitu ka sulu tanda mata Panginuun magbantay sa buu kalibutan.”

Sakaryas 5:4

Magkun ti Makapangyarihan Panginuun, ‘Ipadara niku inda pag manga saad sa ulian manga manugtakaw ag sa ulian manga magsumpa may kapudilan sa kang ngaran. Pumirmaminti inda sa kanda balay tugka sa magkarawayak inda.’ ”

Malakyas 1:1

Inda ti bagaw Panginuun para sa manga taga Israil sa panab-anan ni Malakyas.