Sakaryas 8:9 - Hanunuu

⁹ Magkun waya gid ti Panginuun Makamaskihan, “Inda pag tultulanun sinabi diman manga purupita katpung ipinatindug uman ti patakinan Balay Diyus niku. Ag taynguna nadnugan yi maan niyu inda, pagpakarig-un kamu hampay matapus niyu ti pagpatindug sa Balay Diyus.

Sakaryas 8:9 Iomraidhean Croise

Isayas 35:4

Sabihun niyu sa manga magkadala, “Danga kamu magkadala. Pabisuga niyu kanyu nalub-anan. Rumas-ug kanyu Diyus hampay manmalus sa kanyu manga kalaban, ag iribri niya kamu.”

Hagay 2:21

Magkun siya, “Sabihun nimu sa kan Surubabil tandugun niku ti langit hanggan ti kalibutan.

1 Krunika 22:13

Ag nu matupad nimu mayad ti manga sugu ag manga surundanun, ipinakaun niya sa Israil sa panab-anan ni Muysis, bumaliw marapanalu kawu. Nakan pagpakabisug kawu ag pagpakarig-un. Danga kawu magkadala ngatay maglubay.

2 Timutiyu 2:1

Timutiyu, kang pinagkaanak, pagpakarig-un kawu sa kaayadan kay pag-ipakaun ni Kiristu Hisus dahil sa kanmu pakiusa sa kanya.

Ipisu 6:10

Inda wadi kang bilin sa kanyu, pagpakarig-un kamu dahil sa kanyu pakiusa sa Panginuun ag dahil sa awat niya daka pag kamaskihan.

Sakaryas 8:18

Magkun maan ti Panginuun Makamaskihan sa kan Sakaryas, “Ti pag pamauray sa ikap-at, ikalima, ikapitu ag ikasampulu pag bulan bumaliw masulung ti sirang pagdaus sa kapistahan para sa manga nasakupan Huda. Nakan mahala niyu ti katutuuhanan ag ti kahusayan.

Sakaryas 8:13

Manga nasakupan Huda ag Israil, pagsaadan kamu iba manga nasyun. Dapat iribri niku kamu ag bumaliw papalad kamu sa kanda. Nakan danga kamu magkadala, pagpakarig-un kamu.”

Hagay 1:12

Sinunud ngani nida ni Surubabil, ni Huswi, hanggan tanan Israilita nakabalik sa Israil ginan sa pagkabihag sa Babilunya ti sinabi Panginuun nida Diyus sa panab-anan ni Purupita Hagay kay suruguun. Sa panab-anan inda, ipinakakit nida kanda maggalang sa Panginuun.

Hagay 1:1

Katpung sa un-an pag sirang sa ikan-um pag bulan, sa ikadwa pag timpu kay maghari ni Daryu sa Pirsiya, may sinabi ti Panginuun sa kanda ni Surubabil ag ni Huswi sa panab-anan ni Purupita Hagay. Si Surubabil kay anak ni Salatyil ti Gubirnadur sa Huda, ag si Huswi kay anak ni Hihusadak ti pangulu manughandug.

1 Krunika 28:20

Magkun waydi si Dabid sa kay anak si Sulumun, “Pagpakarig-un kawu ag pagpakabaskug. Umpisahi yi ti pagbuwat. Danga kawu magkadala ngatay maglubay, dahil ti Panginuun Diyus, kang Diyus, kaibahan nimu. Unman kawu niya tayakan ngatay pabay-anan tugka matapus ti tanan pag buwat para sa Balay Diyus Panginuun.

Huswi 1:8

Danga gid pagkalimti basahun ti ribru Kasuguan. Isip-isipa nimu inda sirang yabi, hampay maalaman nimu nu kabitay matupad nimu ti tanan nakasurat asan. Sa panab-anan inda bumaliw abunda kanmu kahamtangan ag marapanalu kawu.

Huswi 1:6

Pagpakarig-un ag pagmatutum kawu, dahil kawu ti pumanguna sa inda pag nasakupan sa pagsakup sa daga kang itinaratu ipakaun sa kanda manga ginurang.

Isra 6:14

Nakan nagparargu sa pagtarabahu ti manga takinan manga Hudiyu habang pagpabisugun sida bagaw manga purupita, nida ni Hagay ni Sakaryas kay laki ni Idu. Natapus nida natarabahu ti Balay Diyus angay sa sugu Diyus Israil. Ipinatupad inda nida ni Sayrus, ni Daryu, ag ni Artasirsis, ti magkasunud-sunud pag manga hari sa Pirsiya.

Hagay 2:18

Ika-24 pag sirang taynguna sa ikasiyam pag bulan, ag taynguna pag sirang pag natapus ti patakinan batu Balay Diyus. Bantayi nu hintay ti mangyari taynguna ginan pag sirang.

2 Krunika 15:7

Dapat kamu waydi, pagpakarig-un kamu, danga magpanlumuy, dahil kanyu manga binwat pirimyuhan.”

Isayas 35:3

Nakan pabisuga niyu ti manga magpanlumuy.