Sakaryas 8:3 - Hanunuu

³ Mamalik aku sa Siun, ti banwa Hirusalim, ag mangulian aku siyun. Nakan ingarnan ti Hirusalim Masurundun pag Daka Banwa ag kang bantud ingarnan Banal pag Bantud.

Sakaryas 8:3 Iomraidhean Croise

Kanta 2:6

Magkun siya, “Ipinatukaw yi niku sa Siun, sa kang banal pag bantud, ti pinili niku pag hari.”

Kanta 48:1

Makamaskihan ti Panginuun nita Diyus, ag dapat gid dayawun sa kay banwa asan sa kay banal pag bantud.

Pag-ighit 29:45

Mangulian aku kaibahan manga Israilita ag bumaliw aku kanda Diyus.

Isayas 1:21

Bantayi niyu ti banwa Hirusalim. Matinupadun inda kaybi, dapat taynguna ga babayi baraydan. Kaybi manga tawu matadlung ti mag-uli sitay, dapat taynguna manga manugmatay-tawu.

Isayas 1:26

Utru maan pakan-an niku kamu manga takinan hanggan manga manugpaanyu ga kaybi. Kanyu banwa ingarnan ‘Banwa manga Matadlung ag Matinupadun pag manga Tawu.’ ”

Isayas 11:9

Udyi may mandaut ngatay man-guba sa Siun, ti banal niku pag bantud. Dahil bumaliw lantap sa buu kalibutan ti pagkilala sa Panginuun parihu sa kalalawdan dagat punu danum.

Isayas 12:6

Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Isayas 32:16

Lumantap ti katadlungan ag katuwiran sa pangawakawaan hanggan sa maabunu pag daga.

Isayas 60:14

Ti manga anak manga nag-api sa kanmu pumakarani sa kanmu ag gumalang. Manluhud sa kanmu atubangan ti manga magpuya sa kanmu, ag kawu ingarnan nida, ‘Banwa Panginuun’ ngatay ‘Siun, ti Banal pag Banwa Diyus Israil.’

Isayas 65:25

Sa tunda katpung pag sirang, mirinsanan mangaun ti manga maisug pag simarun ag ti manga karanidu, hanggan ti liyun ag manga baka manharab manga ilamnun. Ti ulay balaw yi mangagat nuud mangaun lang galbuk. Balaw yi may mandaut ngatay may manwayak sa kang banal pag bantud Siun. Aku, ti Panginuun ti magsabi inda.”

Isayas 66:20

Ag darahun nida pauli ginan sa manga nasyun ti tanan niyu manga kasimanwa masakyan sa manga kabayu, manga mula, sa manga kamilyu, sa manga kalisa, ag sa manga karitun. Darahun nida sida sa kang banal pag bantud sa Hirusalim bilang handug sa kangku parihu sa pagbuwatun manga Israilita maghandug sa kangku sa Balay Diyus manga handug karan-unun, mapaulian sa manga malumpiyu pag sukadan.

Isayas 8:18

Aku hanggan kang manga anak ipinakaun Panginuun imaw ti manga palatandaan para sa Israil ginan sa Panginuun Makamaskihan mag-uli sa Bantud Siun.

Hirimyas 14:9

Parihu diman aw duy kawu sa tawu unman may magkabwat ag sundalu unman may kakayahan magribri? Kaibahan nimi kawu, Panginuun, ag kami kanmu nasakupan, nakan danga duy nimu kami pagpabay-ani.”

Hirimyas 26:18

“Katpung si Isikyas ti hari sa Huda, nagbagaw si Mikas taga Murisit tungkul sa pag-ipasabi Panginuun sa tanan taga Huda. Magkun siya, ‘Magkun ti Panginuun Makamaskihan wayakun niya ti Siun, ti banwa Hirusalim. Inda miparihu sa inaradu pag tanman, tap-ukan manga nagkaragba daraka balay ag bumaliw katalunan ti bantud nagpatindugan Balay Diyus.’

Hirimyas 31:23

Magkun ti Panginuun Makamaskihan, ti Diyus Israil, “Nu maibalik yi niku ti nasakupan Huda sa kanda daga ginan sa pagkabihag, kanda maan sabihun, ‘Papaladan mana Panginuun ti banal pag bantud Hirusalim ti pag-ulian niya.’

Hirimyas 33:16

Ag tida diman pag udas maribri ti manga taga Huda, ag mangabuhi yi may kahusayan ti manga taga Hirusalim. Ti Hirusalim ingarnan, ‘Ti Panginuun Kanta Katadlungan.’ ”

Isikil 48:35

nakan kay kabuuhan sukat alad batu 9,000 mitrus. Ag ginan sa inda pag udas ti banwa pag-ingarnan, “Ati Ti Panginuun!”

Danyil 9:16

Nakan Panginuun, angay sa kanmu buwat matadlung, magpanuyu aku bul-a yi nimu kanmu pangagalit sa Hirusalim, kanmu banwa ag banal pag bantud. Dahil sa kanmi manga kasalanan hanggan sa kasalanan nimi manga ginurang, pinuyaan kami nimi manga kalibut hanggan ti Hirusalim.

Huwil 3:17

“Maalaman niyu manga taga Huda kuntay aku, ti Panginuun niyu Diyus, mag-uli sa Siun, sa kang banal pag bantud. Bag-u bumaliw maan banal ti Hirusalim; udyi umanun girahun taga iba nasyun.

Huwil 3:21

Ibalus niku kang manga nasakupan minatay. Parusahan niku ti manga nagbuwat daut sa kanda. Aku ti Panginuun mag-uli sa Siun.”

Mikas 4:1

Sa manga uryan aban pag sirang, ti bantud nabungsudan Balay Diyus Panginuun bumaliw pinakamahalaga gid sa tanan pag bantud. Manlinuwang ataytag ti manga tawu ginan sa tuhay-tuhay pag nasyun.

Sipanyas 3:13

Inda pag manga nasawad Israilita balaw sida mamuwat daut. Dayi sida mamudil ngatay mandaya. Mangaun ag maturug sida udyi may pagkadalaan.’ ”

Sakaryas 1:16

Nakan mamalik aku may pangaawa sa Hirusalim, ag ipatindug maan niku ti Hirusalim hanggan kang Balay Diyus. Aku, ti Panginuun Makamaskihan, ti magsabi inda.”

Sakaryas 12:6

“Sa tunda pag sirang, ti manga takinan Huda buwatun niku ga maglabdaban baga sa nakatapung manga kayu ngatay ga maglabdaban sulu sa binugkus manga uhay. Rurisun nida ti manga nasyun sa kanda palibut. Dapat balaw maunu ti nasakupan Hirusalim sa kanda rugar.

Sakaryas 14:10

Pantayun ti buu daga ginan sa Giba sa salatan tugka sa Rimun sa kanaway baliwa Hirusalim. Dapat pumirmaminti abwat ti Hirusalim sa kay nagkabugtangan. Ag ulianan inda ginan sa may Sabian ni Binhamin tugka sa rugar nu naan asan ti Un-an pag Sabian, ag atabug sa Suuk pag Sabian; bag-u ginan Bantayaw ni Hananil tugka sa pirigsan ubas hari. Udyi mauman papasun ti Hirusalim, ag ti manga mag-ulian siyun ribri sa kaladalaun.

Sakaryas 8:16

Inda ti dapat niyu buwatun: Pagsabi kamu kay tutuu sa usa kag usa. Paghusay kamu kay tutuu sa balay hurusayan para sa ikamayad tanan.

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Huwan 14:23

Sinmagut si Hisus magkun, “Una hintay pag tawu nu magmahal siya sa kangku, tumupad siya sa kang manga bilin bag-u mahalun gid siya niku Ama. Bag-u kang Ama hanggan aku umasan yi mangulian yi sa kanya.

2 Kurintu 6:16

Una ti Balay Diyus balaw diman miusa sa diyus-diyusan. Kita ti Balay Diyus buhi. Siya diman waydi ti may sabi magkun, “Manahanan aku, pumurmar yi gid sa kanda, bag-u aku yi gid kanda Diyus. Sida kang yi gid nasyun.

Kulusas 2:9

Dahil pagka nabilug tawu si Kiristu, sa kanya diman ti kalubusan Diyus.

Ipinakakit 21:10

Nasakup aku Ispiritu Banal bag-u dinara aku anghil tag sa pinakaabwat ag daka pag bantud. Ipinakakit niya sa kangku ti Banal pag Banwa Hirusalim magpakababa ginan sa langit, ginan sa Diyus.

Ipinakakit 21:27

Dapat unman may makasulud ati una hintay pag manga bagay mayagting sa kay magbantay Diyus, una hintay tigbuwat kahalayan, una ti manga magpudil unman gid sumulud. Tunda lang pag manga tawu ti makasulud ati ti nakasurat kanda manga ngaran sa ribru kabuhian. Anak Karanidu kay apu tunda pag ribru.

Ipinakakit 21:3

Nadnugan niku may nagbagaw daka ginan sa tukawan hari magkun, “Taynguna kay ulian Diyus sa karaw-an yi manga tawu. Mangulian siya kaibahan yi nida ag sida kay yi nasyun. Ti Diyus sa kanda yi karaw-an ag siya kanda yi Diyus.