Sakaryas 7:9 - Hanunuu

⁹ “Inda ti sinabi niku sa kang manga nasakupan: ‘Paghusay kamu mayad. Ipakakit niyu kanyu kaayadan ag pangaawa sa usa kag sa usa.

Sakaryas 7:9 Iomraidhean Croise

2 Samwil 9:7

Magkun si Dabid sa kanya, “Danga kawu magkadala. Ipinab-ul niku kawu dahil gustu niku kawu pakakitan kaayadan para sa kanmu ama sa kan Hunatan. Iuli niku ti tanan daga nimu laki, ni Saul, ag balaw lang tunda, sitay yi hanggan kawu pagkaun kaibahan niku.”

Hub 31:20

pag-ayawan niku siya rutay panramig binuwat ginan sa bulbul niku manga karanidu. Buu tagipusuun siya magpasalamat sa kangku.

Hub 6:14

“Bilang manga kakilala niku gustu niku ibahan niyu aku sa inda pag kahamtangan niku, una sa kanyu magbantay pagdayuun niku ti Makamaskihan pag Diyus.

Kabagawan 21:3

Pag-ikabaya gid Panginuun nu magbuwat mayad ag matadlung ti usa ka tawu kaysa manhandug siya manga handug.

Hirimyas 22:3

Inda ti pagsabihun Panginuun: Ilantag niyu ti katadlungan hanggan ti katuwiran. Awati niyu ti manga tinakawan, iribri niyu sida sa kamang manga tawu mag-api sa kanda. Danga niyu paghigpiti ngatay pag sakti ti manga day-uhan, ulila hanggan manga buranday mag-uli kaibahan niyu. Danga diman kamu magmatay sa manga tawu unman may kasalanan.

Hirimyas 7:23

sinugu diman niku sida kaindaay: ‘Sundun niyu aku, aku bumaliw yi kanyu Diyus ag kamu bumaliw yi nasakupan niku. Mangabuhi kamu angay sa palakaw pag-isugu niku sa kanyu hampay mayad kanyu kahamtangan.’

Hirimyas 7:5

“ ‘Bag-uhun yi niyu lubus kanyu ugali hanggan pangabuhi. Taratuhun niyu sa kang-ud kanyu kaparihu,

Isikil 18:8

Unman siya magpatubu nu magpautang siya. Unman siya magbuwat daut, ag unman siya may pagkampihan sa kay pagpihu.

Isikil 45:9

Dahil aku, ti Panginuun Diyus, magkun: Kamu pag manga takinan Israil, subra yi kanyu pagbuwatun! Apasi yi niyu kanyu mag-unuunu ag pagpan-api, ag buwata niyu ti matadlung ag hustu. Danga yi niyu pagbul-a ti daga niku nasakupan.

Husyas 12:7

Magkun ti Panginuun, “Maradaya kanyu manga manugnigusyu; maggamit sida balaw insaktu pag kiluhan.

Libitiku 19:15

Kailangan hustu ag matadlung kanyu maghusay; danga niyu pagkampihi ti mayaman ngatay ti pugri.

Amus 5:24

Bagkus ngap ipakakit niyu ti katadlungan ag buwata niyu ti matadlung; danga niyu inda pag-apasi parihu sa sapa unman may apas kay magbulus.

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Sakaryas 7:7

Inda diman pag tultulanun kang pagsabihun sa manga purupita kaybi, katpung abunda waya ti Hirusalim ag mayamu waya kay tawu hanggan sa manga banwa sa kay palibut, hanggan sa Nigib ag Sipila.”

Sakaryas 7:8

Magkun maan ti Panginuun sa kan Sakaryas,

Matiyu 23:23

“Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Dahil kamu magpakaun ikasampulu manga pamanglu sa upi hanggan tanan manga urupiun, dapat unman niyu pagtupadun ti mas mahalaga pag sugu tungkul sa katadlungan hanggan sa maawaun ag matinupadun. Dahil magpakampi kamu sa kadautan, unman kamu maawaun, unman diman matinupadun. Balaw salan kamu sa kanyu magpakaun ikasampulu, dapat danga waydi niyu paglimti pagtupada ti mas mahalaga pag manga sugu.

Lukas 11:42

“Dapat anung kaawaawa kamu pag manga Parisiyu, dahil kamu magpakaun ikasampulu manga pamanglu sa upi hanggan tanan manga urupiun, dapat kanyu kinalimtan ngap ti katadlungan hanggan ti pagmahal sa Diyus. Kailangan kanyu tupadun ti katadlungan hanggan ti pagmahal sa Diyus, dapat danga waydi paglimti ti manga ikasampulu, pagpakaun di.

Huwan 7:24

Danga yi pagpihua niyu ti daut ti mayad angay lang sa kanyu makitan sa mata. Pihua niyu ti daut ti mayad angay sa katutuuhanan.”

Huwan 7:51

“Nu angay sa Kasuguan nita, dayu gid mahimu sintinsiyahan nita ti usa ka tawu nu udwaya nadnugan nita kay pagsabihun ag nu udwaya inusisa nita kay manga pagbuwatun.”

Diyuturunumiyu 22:1

“Nu makitan niyu nakakalpas ti baka ngatay karanidu niyu kaparihu, danga niyu inda pagpabay-ani, bagkus ngap darahun niyu inda sa kay apu.