Sakaryas 7:5 - Hanunuu

⁵ “Sabihi nimu ti tanan manga tawu mag-uli sa Israil hanggan ti manga manughandug, kanda pagpamauray ag panrukuan sa kada ikalima ag ikapitu pag bulan sa sulud pitumpulu ka timpu unman nida pagbuwatun para sa kangku.

Sakaryas 7:5 Iomraidhean Croise

2 Hari 25:23

Pagka nadnugan inda manga kumandir Huda hanggan nida manga tawuhan, nag-ati sida sa kan Gidalyas ati sa Mispa. Sida ni Ismail kay anak ni Nitanyas, ni Huhanan kay anak ni Kariya, ni Siraya kay anak ni Tanhumit taga Nitupa, ni Haasanyas taga Maaka, hanggan kanda manga tawuhan.

2 Hari 25:25

Dapat pagka sa ikapitu pag bulan sa tunda pag timpu, si Ismail kay anak ni Nitanyas laki ni Ilisama, mimru hari pag magtal-anakan, nag-atag sa Mispa kaibahan sa sampulu ka tawu ag minatay nida si Gidalyas hanggan kay manga kaibahan pag manga taga Huda ag manga taga Babilunya.

Isayas 43:23

Udyi kawu maghandug karanidu sa kangku bilang handug pagsunugun. Balaw yi nimu aku pagkilalan-un sa panab-anan manga handug una balaw niku kawu pinakurianan ngatay pinabudlay sa paghagad manga handug pasalamat hanggan manga kamangyan.

Isayas 58:3

Magkun waya sida sa kangku, ‘Balaw kami maghandum karan-unun, dapat unman diman waydi nimu pinansin. Pagpakurianan nimi kanmi sadili, dapat unman nimu pinahalgaan.’ “Kay tutuu, sa udas niyu unman maghandum karan-unun, kanyu sadili kagustuhan ti kanyu pag-isipun. Paglugihun niyu kanyu manugtarabahu.

Hirimyas 25:11

Bumaliw mapung-aw inda pag daga. Inda pag nasyun hanggan ti manga nasyun sa kay kalibut sumirbi sa hari Babilunya sa sulud pitumpulu ka timpu.

Hirimyas 29:10

Aku, ti Panginuun, magsabi pagkalawuy 70 ka timpu kay nagsakup Babilunya, balikan niku kamu ag tupadun niku kang taratu kuntay ibalik niku kamu sa kanyu daga.

Hirimyas 52:12

Katpung ikasampulu pag sirang sa ikalima pag bulan, pagka sa ika-19 pag timpu kay maghari ni Nabukudunusur sa Babilunya, nag-atag sa Hirusalim si Nibusaradan kumandir manga guwardiya hari Babilunya.

Danyil 9:2

Katpung un-an timpu niya paghari, naalaman niku sa manga Kasuratan mamirmaminti daut ti Hirusalim sa sulud pitumpulu ka timpu, angay sa sinabi Panginuun sa kan purupita Hirimyas.

Husyas 7:14

Balaw tutuu kanda magtawag sa kangku. Maglumi sida sa kanda manga igyaan, pagbiyagan nida kanda bilug mintaras maghagad manga ani hanggan irinmun ubas sa kanda manga diyus-diyusan. Magpakarayu sida sa kangku.

Sakaryas 1:12

Magkun ti anghil Panginuun, “Panginuun Makamaskihan, tugka duy kapira pag pakurianan nimu ti Hirusalim hanggan ti manga iba waya banwa sa Huda? May 70 yi ka timpu duy kawu magkagalit sa kanda?”

Sakaryas 7:4

Inda ti pagsabihun Panginuun Makamaskihan sa kan Sakaryas,

Sakaryas 7:6

Nu sida magkaun ag mag-inum, pagbuwatun nida inda para lang sa kanda sadili pag kabayaan.

Matiyu 23:5

Lunsay pakakit-kakit lang sa manga tawu kanda buwat. Paglapadun nida kanda kulimpay pandarangin. Ag hampay ipakakit nida kuntay matutum kanda pagsarig, pag-ipaaba nida kay paraway-raway sa sidsid nida kulimpay.

Matiyu 6:16

Magkun si Hisus, “Nu kamu unman maghandum karan-unun, kanyu manga uyahun danga magmarukumaruku, danga kamu parihu sa manga magpabalhinguun kuntay mayad. Unman sida mag-ayus kanda sadili hampay makitan manga tawu sida unman maghandum karan-unun. Ungud duy kang pagsabihun sa kanyu, natanggap yi nida kanda pirimyu.

Matiyu 6:2

“Nakan ngani nu kamu mag-ayaw sa manga makuri danga niyu ipabantug tunda danga parihu sa pagbuwatun manga tawu magpabalhinguun kuntay mayad ati sa simbahan manga Hudiyu hanggan sa manga baklayan. Pagbuwatun nida tunda sa dayawun sida manga tawu. Ungud duy kang pagsabihun sa kanyu, natanggap yi nida kanda pirimyu.

Matiyu 6:5

Magkun si Hisus, “Nu magdarangin kamu, danga kamu maghuwad sa manga magpabalhinguun kuntay mayad. Maraibgun sida magdarangin matindugan sa manga simbahan manga Hudiyu una sa pagsangahan baklayan hampay makitan sida manga tawu. Ungud duy kang pagsabihun sa kanyu, natanggap yi nida kanda pirimyu.

1 Kurintu 10:31

Nakan una kamu magkaun una mag-inum, una hintay kanyu pagbuwatun, buwata niyu ti tanan sa ikadayaw sa Diyus.

2 Kurintu 5:15

Namatay si Kiristu dahil ngani sa tanan tawu hampay ti manga buhi taynguna danga kanda pag-isipun kanda lang sadili kagustuhan naisipan. Bagkus ngap kailangan si Kiristu yi ti turunuha nida buhi imaw ti namatay dahil sa kanda, siya diman nabuhi maan tungkul sa kanda.

Kulusas 3:23

Una hintay kanyu buwatun, lubusan di ngap niyu kanyu kasipagan, bilang ga sa Panginuun diman kanyu pagsirbi, balaw lang sa tawu.