Sakaryas 5:4 - Hanunuu

⁴ Magkun ti Makapangyarihan Panginuun, ‘Ipadara niku inda pag manga saad sa ulian manga manugtakaw ag sa ulian manga magsumpa may kapudilan sa kang ngaran. Pumirmaminti inda sa kanda balay tugka sa magkarawayak inda.’ ”

Sakaryas 5:4 Iomraidhean Croise

Hub 18:15

Madura kay ulian dahil mairub inda maglabdaban asupri.

Hub 20:26

Madura kay kayamanan sa kadudulman. Irubun siya apuy balaw tawu ti nagpamakut, hanggan ti tanan nasawad sa kay ulian.

Hub 8:15

Nu pasalandigan niya, magkarapuklut, nu hiyaptan niya, magkaradura.

Hub 8:22

Pakay-ahun niya kanmu manga daut pag kalaban ag rurisun kanda magtal-anakan.”

Kabagawan 3:33

Pagsaadan Panginuun ti magtal-anakan manga daut, dapat kay pagpapaladan ti manga matadlung pag magtal-anakan.

Isayas 24:6

Nakan sinaadan Diyus ti kalibutan, nakan may saragtun ti manga nasakupan dahil sa kanda manga kasalanan. Sunugun sida ag pira-pira wadi ti masawad.

Hirimyas 2:26

“Parihu sa usa ka mananakaw mangay-a nu madakup, mangay-a diman kamu manga taga Israil. Ungud mangay-a kamu, hanggan kanyu manga hari, manga may kangaranan, manga manughandug ag manga purupita.

Husyas 4:2

Bagkus ngap, daut kanyu pagbuwatun tabug sa iba, magpamudil, magpanmatay, magpanakaw ag magpanguragin. Nibarita yi inda una naan, ag dasun-dasun ti magmaratyan.

Husyas 4:3

Dahil siyun, magkaramara kanyu daga hanggan ti tanan mag-uli siyun magkaramatay, hanggan ti tanan hayup — ti maglakaw, ti maglayang, ag ti maglanguy.

Amus 3:10

Inda ti pagsabihun Panginuun Diyus laban sa Samarya: “Unman sida madunung magbuwat matadlung. Ti mapag-un pag bahagi banwa nida punu manga butang tinakaw hanggan inaghas. Nakan girahun sida manga kalaban ag dautun kanda manga kampu. Bul-un manga kalaban ti manga kasiyunan sa mapag-un pag bahagi banwa.”

Sakaryas 5:3

Magkun ti anghil sa kangku, “Nakasurat sa tunda pag kasuratan ti saad rumas-ug sa buu daga Israil. Pagsabihun sa usa ka bahagi kasuratan ti tanan manugtakaw duraun sa Israil, ag sa baliw bahagi waydi kasuratan pagsabihun ti kada usa manumpa may kapudilan duraun diman.

Sakaryas 8:17

Danga kamu maggayak daut laban sa kanyu kaparihu, ag danga kamu magsumpa sa kapudilan dahil ti tanan tunda kang pagkadat-an.”

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Diyuturunumiyu 28:16

Saadan Panginuun kanyu manga banwa hanggan tanman.

Diyuturunumiyu 7:26

Danga kamu magdara sa kanyu balay una hintay pag manga mayagting pag bagay, hampay balaw kamu midamhak kaibahan nida. Kailangan bugyahan gid niyu inda, dahil inda pag manga bagay kailangan gid duraun.

Huswi 9:20

Kaindaay yi lang kanta buwatun: Balaw nita sida matyun dahil barang parusahan waya kita Diyus dahil sa kanta taratu sa kanda.