Sakaryas 4:7 - Hanunuu

⁷ Ag una waya parihu kay kadaka sa bantud ti hadlang kanmu pag-atubangun, patagun di tunda. Mamhan di gid ti Balay Diyus, habang pag-ipauli ti pinaka-uryan pag batu inda, manringgit ti manga tawu, ‘Panginuun, papaladan duy nimu inda.’”

Sakaryas 4:7 Iomraidhean Croise

Isra 3:10

Pagka natapus yi manga manugpanday ti paratukawan Balay Diyus Panginuun, tinmindug ti manga manughandug hampay patunugun ti manga budyung. Inda sida nakasulung kanda manga rutay bilang manga manughandug. Tinmindug diman ti manga Libita hanggan ti manga linahi ni Asap, hampay patunugun ti manga pumpiyang hampay dayawun ti Panginuun angay sa paraan itinudlu kaybi ni Hari Dabid sa Israil.

Kanta 114:4

Nahalu ti manga bantud ga sa magluksu manga kambing ag manga karanidu.

Kanta 114:6

Hayga nahalu ti manga bantud bilang ga sa magluksu manga kambing ag manga karanidu?

Kanta 118:22

Ti dinayu manugpatindug balay pag batu imaw ngap ti nagbaliw patakinan pag batu.

Kanta 84:11

Dahil kawu, Panginuun Diyus, parihu sa init magpakaun rayaw hanggan panangga makaalaga sa kanmi. Magpakaun kawu papalad hanggan kadayawan. Balaw nimu inirangan ti mayad pag manga bagay sa manga tawu magkabuhi matadlung.

Isayas 28:16

Nakan inda ti pagsabihun Panginuun Diyus, “Bantayi niyu! Ipakana niku sa banwa Siun ti batu pag pundasyun, batu masarigan, mapag-un ag mahalaga. Ti manga magsarig sa kanya balaw harus-harus sa kanda manga pagbuwatun.

Isayas 41:15

Pagpatingi kawu! Buwatun niku kawu ga bag-u pag panggiuk, matarum ag mayamu kay ngipun. Giukun ag runutun nimu ti manga bantud hanggan tagudtud ag buwatun nimu ga upa.

Hirimyas 33:11

Masaydan maan ti kasulungan manga bag-u ipinaasawa, ag manga tawu magdara manga handug pasalamat sa Balay Diyus Panginuun. Sabihun nida, ‘Mamasalamat kita sa Panginuun Makamaskihan dahil mayad gid siya. Kay pangaawa balaw may katapusan.’ Ungud magbarayaan ti manga tawu dahil ibalik niku ti mayad pag kahamtangan sa inda pag daga parihu sa kaybi sa un-an. Aku, ti Panginuun ti magsabi inda.”

Hirimyas 51:25

“Kalaban niku kawu, Babilunya, kawu ti pag-ingarnan Bantud Manugwayak! Winayak nimu ti buu kalibutan. Gamitun niku kang kamaskihan hampay dautun ag irubun kawu.

Mikas 1:4

Ti malakawan niya pag manga bantud matunaw ga kandila nid-ut sa apuy. Ti malakawan niya pag manga ratag mangunha-kunha ga linakawan danum binmulus ginan sa madirig pag rugar.

Mikas 4:1

Sa manga uryan aban pag sirang, ti bantud nabungsudan Balay Diyus Panginuun bumaliw pinakamahalaga gid sa tanan pag bantud. Manlinuwang ataytag ti manga tawu ginan sa tuhay-tuhay pag nasyun.

Habakuk 3:6

Nu magtindug kawu magkahalu ti kalibutan, ag nu magbantay kawu pagtakigan sa dala ti manga nasakupan ag magkarup-ag ti dugay yi pag manga bantud. Kanmu manga palakaw pumarargu sa ud may katapusan.

Sakaryas 4:8

Nakan sa panab-anan anghil, sinabi Panginuun sa kangku

Sakaryas 4:9

mamhan ti Balay Diyus sa pagdumara ni Surubabil, siya diman ti mandumara sa pagpauli kay patakinan batu inda. Ag nu mangyari tunda, maalaman niyu ti Panginuun Makamaskihan imaw ti nagpadara sa kangku tag sa kanyu.

Matiyu 21:21

Sinmagut si Hisus magkun, “Ungud duy kang pagsabihun sa kanyu, nu kamu may sarig ag unman mag-alinlangan, kanyu mabuwat balaw lang ga nangyari sa puun igus. Nu kanyu sabihun sa bantud inda, ‘Pag-ighit yi kawu, ati pag mipadna yi sa dagat’, mangyari yi tunda.

Matiyu 21:42

Kay sabi ni Hisus sa kanda, “Udwaya aw gid nabasa niyu sa Banal Kasuratan magkun, ‘Ti batu dinayu manga manugbuwat balay, binwat ngap mahalaga pag kalap. Panginuun ti may buwat tunda, tutuu ungud makadululaw.’

Markus 12:10

Unman aw nabasa niyu sa Banal Kasuratan magkun, ‘Ti batu dinayu manga manugbuwat balay, imaw ngap ti binwat mahalaga pag kalap.

Lukas 20:17

Dapat binmantay si Hisus sa kanda ag namaingana, “Hintay nguna kay sabi sa Kasuratan magkun, ‘Ti batu dinayu manga manugbuwat balay, binwat ngap mahalaga pag kalap.’

Lukas 3:5

Tanan-tanan luung tambakan aban, pakababaun ti kada bantud hanggan bungtud, una liku tul-idun. Ti manga dalan nangunhakunha rumatag aban.

Binwat 4:11

Siya yi ngani ti pagkumnun sa Banal Kasuratan, ‘Ti dinayu manugpatindug balay pag batu, imaw ngap ti nagbaliw patakinan pag batu.’

Ruma 11:6

Pinili ngani sida dahil sa kay pangaawa Diyus, balaw dahil sa kanda sadili buwat. Nu abi pinili sida dahil sa kanda sadili buwat, balaw yi masabi kuntay sa kay pangaawa Diyus.

Ipisu 2:20

Kita tanan, Hudiyu man ngatay balaw Hudiyu, kanta pinagkabungsudan ti manga apustul ag ti manga purupita. Dapat ti pinakamahalaga pag kalap si Kiristu Hisus.

1 Pidru 2:7

Nakan ngani mahalaga si Kiristu sa kanyu sa manga may sarig. Dapat sa manga unman may sarig matupad inda pag Kasuratan magkun, “Ti batu dinayu manga manugpatindug balay, imaw yi ngap ti ipinakana mahalaga pag kalap.”

Ipinakakit 16:20

Naparaw ti tanan manga puru sa dagat, napatag ti tanan manga bantud.