Sakaryas 3:9 - Hanunuu

⁹ Huswi, bantayi nimu ti batu ipinauli niku sa kanmu atubangan, may pitu inda ka mata. Paukitan niku inda, ag pamul-un niku ti kasalanan daga Israil sa sulud lang usa ka sirang.

Sakaryas 3:9 Iomraidhean Croise

1 Hari 1:20

Taynguna, Mahal Hari, mag-alagad ti manga Israilita sa kanmu paanyu nu si unu ti umilis sa kanmu bilang hari.

2 Krunika 16:9

Dahil magbantay gid ti Panginuun sa buu kalibutan hampay pabaskugun ti manga tawu matinupadun sa kanya. Kabuangan kanmu binwat! Nakan kainda ginan pirmi yi kawu manlaban.”

Kanta 103:12

Nu kabitay kay kaarayu ti butlakan sa isalpan, katunda diman pag-ipakarayu niya sa kanta ti manga kasalanan nita.

Kanta 118:22

Ti dinayu manugpatindug balay pag batu imaw ngap ti nagbaliw patakinan pag batu.

Pag-ighit 28:11

Kailangan ilahab inda parihu sa paglahab manugpanday pilak sa manga panmarka. Bag-u ipauli ti manga batu sa gintu pag palaulian

Pag-ighit 28:21

Kailangan may ngaran manga anak ni Hakub ti kada batu pahalimbawa sa 12 ka linahi ni Israil. Kailangan pararihu kay nag lahab pangaran ti lahab panmarka.

Pag-ighit 28:36

“Pagpabwat kawu midalya gintu ag palahaban nimu inda kainda pag bagaw: ‘Ipinablag tag sa Panginuun.’

Isayas 28:16

Nakan inda ti pagsabihun Panginuun Diyus, “Bantayi niyu! Ipakana niku sa banwa Siun ti batu pag pundasyun, batu masarigan, mapag-un ag mahalaga. Ti manga magsarig sa kanya balaw harus-harus sa kanda manga pagbuwatun.

Hirimyas 31:34

Unman yi may manabi sa kay kasimanwa ngatay sa kay patar-ari kuntay kailangan niya kilalan-a ti Panginuun. Dahil sida tanan kumilala sa kangku, ginan sa pinakapugri tugka sa pinakamaunlad. Patawadun niku sida sa kanda manga daut binuwat, balaw yi niku alalahanun kanda manga kasalanan. Aku, ti Panginuun, ti magbagaw inda.”

Hirimyas 50:20

Sa ati pag manga sirang, unman yi may makitan manga kasalanan hanggan paglabag sa manga magkasawad nasakupan sa Israil ag sa Huda dahil patawadun niku sida. Aku, ti Panginuun, ti magsabi inda.’ ”

Sakaryas 13:1

Sinabi Makapangyarihan Panginuun, “Sa ati pag sirang, bukasan ti bulbugan para sa manga linahi ni Dabid ag sa manga mag-ulian sa Hirusalim, hampay lumpiyuhun sida sa kanda manga kasalanan ag kayagtingan. Bul-un niku ti manga diyus-diyusan sa daga Israil ag udyi gid sida maalaala waya. Paighitun niku sa Israil ti magpabalhinguun pag manga purupita hanggan ti daut pag manga ispiritu magsakup sa kanda.

Sakaryas 3:4

Nakan magkun ti anghil sa kay iba manga anghil matindugan sa atubangan niya, “Lukasa niyu kay rutay mauring.” Bag-u magkun siya sa kan Huswi, “Bin-ul yi niku kanmu manga kasalanan. Ag taynguna, pasulungan yi kawu bag-u pag rutay.”

Sakaryas 4:10

May manga tawu magpuya dahil pira di waya ti nabuwat sa pagpatindug sa Balay Diyus. Dapat makabaya sida nu makitan nida pag-ipauli yi ni Surubabil ti pinaka-uryan ag pinakamahalaga pag batu sa Balay Diyus. Pagkatapus, magkun sa kangku ti anghil, “Inda pag pitu ka sulu tanda mata Panginuun magbantay sa buu kalibutan.”

Huwan 1:29

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

Huwan 6:27

Danga kamu magbudlay tungkul lang sa karan-unun magkabangsiw. Pagmasigasid kamu hampay matanggap niyu ti karan-unun unman magkabangsiw, imaw ti makapakaun tutuu pag buhi unman may katapusan. Tunda ngani pag karan-unun ti ipakaun Anak Tawu sa kanyu dahil may tinanggap siya karampatan ginan sa Diyus Ama.”

Binwat 4:11

Siya yi ngani ti pagkumnun sa Banal Kasuratan, ‘Ti dinayu manugpatindug balay pag batu, imaw ngap ti nagbaliw patakinan pag batu.’

Ruma 9:33

imaw ti nisurat sa Banal Kasuratan magkun, “Nagpauli aku sa banwa Siun usa ka batu karadayaanun, laun pag batu kanda matalakpahan. Dapat balaw mibuyu una si unu pag tawu nu sumarig sa kanya.”

2 Kurintu 1:22

Tinandaan niya kita kuntay kita kanya. Ipinakaun niya sa kanta ti Ispiritu mag-uli sa kanta tagipusuun, imaw kay puruyba matanggap nita kay manga itinaratu.

2 Kurintu 3:3

Kamu malinaw pag pinagkasurat ni Kiristu kanmi ipinadangat. Inda nisurat balaw ga kinta nu unman ginan sa Ispiritu Diyus buhi, balaw sa binagasbasan batu nu unman sa tagipusuun tawu pag isinurat.

2 Timutiyu 2:19

Dapat marig-un kay ipinakana Diyus pag manga tudlu magkun, “Magkakilala di Panginuun nu si unu ti sa kanya.” Ag “Ti kada tawu magtawag sa Panginuun, pagpakarayu sa magbuwat kadautan.”

Hibriyu 7:27

Balaw siya parihu sa iba pangulu manughandug kailangan maghandug sirang-sirang, un-an para sa kanda sadili kasalanan, bag-u di sa kasalanan manga tawu. Kas-a lang ihinandug siya sa Diyus, pagka ipinakaun niya kay sadili bilug hampay mamatay. Balaw yi niya binwat waya uman.

1 Huwan 2:2

Dahil si Kiristu ti nagbaliwa namatay sa kasalanan nita hampay may kapatawadan kita. Ag balaw sa kanta lang sadili pag kasalanan siya pag namatay, nu unman hanggan diman sa kasalanan tanan manga tawu sa babaw daga.

Ipinakakit 5:6

Bag-u may nakitan aku usa ka Anak Karanidu sa karaw-an tukawan hari, sa kay sangput ti upat ka linalang may buhi hanggan ti manga gurangun. Ti Anak Karanidu ga anyu minatay. May pitu ka sungay siya may pitu waydi ka mata, imaw ti pitu ka Ispiritu Diyus kay sinugu tag sa bilug kalibutan.