Sakaryas 3:3 - Hanunuu

³ Mauring kay rutay ni Huswi habang matindugan siya sa atubangan anghil.

Sakaryas 3:3 Iomraidhean Croise

Isra 5:2

Nagpatingi sa kanda si Surubabil anak ni Salatyil ag si Hisuwa anak ni Husadak. Nakan ipinarargu nida ti pagbungsud Balay Diyus sa Hirusalim. Inawatan sida duwa ka purupita Diyus.

Isra 9:15

Panginuun, Diyus Israil, matadlung kawu. Dahil pinasnuan nimu may masawad sa kanmi buhi hanggan taynguna. Pag-akuun nimi kanmi manga kasalanan, nakan unman kami makaatubang sa kanmu atubangan dahil sa kanmi manga kasalanan.”

Isayas 4:4

Sa panab-anan kamaskihan ag maglabdab pag parusa Panginuun, pihuun niya ag lumpiyuhun ti kadautan manga babayi sa Hirusalim hanggan ti manga maratyan ati.

Isayas 64:5

Pagtanggapun nimu ti manga magbaya magbuwat matadlung ag magsunud sa kanmu manga palakaw. Dapat nangisug kawu sa kanmi dahil parargu nimi paglabagun kanmu manga palakaw. Nakan kabitay kami maribri?

Isayas 64:6

Kami tanan nagbaliw ga mauring pag bagay, ag ti tanan nimi mayad buwat bilang ga mauring pag tarapu. Kami tanan nagbaliw ga labung magkalayung, ag parihu sa durus, ipinayag kami nimi kadautan.

Danyil 9:18

Diyus, patingihi aku. Bantayi kanmi kaawaawa pag kahamtangan hanggan ti pagkadaut nimu banwa nu naan pagkilalan-un kanmu ngaran. Unman kami magdarangin sa kanmu dahil matadlung kami, nu unman dahil alam nimi kuntay maawaun gid kawu.

Santiyagu 2:2

Halimbawa may rumas-ug sa kanyu tiripun usa ka lalaki may singsing gintu, marinu kay rutay, bag-u may usa maan ka tawu pugri, pasay lupun kay rutay.

Hudas 1:23

Ti iba bawia niyu ga ginan sa apuy. Ti iba kaawai diman waydi niyu, dapat ay lang pagmaaman kamu barang kamu mamaliwan waydi nida kayagtingan. Una kanda manga rutay namaliwan yi kahalayan.

Ipinakakit 19:8

Alistu yi kay aguman babayi. Ipinakaun Diyus sa kanya ti karampatan hampay makasulung rutay unman may uring, malagti gid masyadu.” Tunda pag rutay malagti kay ibug sabihun ti matadlung pag buwat manga tawu napasakup sa Diyus.