Sakaryas 3:2 - Hanunuu

² Dapat magkun ti anghil Panginuun sa kan Satanas, “Angay sa Panginuun imaw ti nagpili sa Hirusalim, salan gid kawu Satanas. Dahil inda pag tawu si Huswi irinibri niya ginan sa pagkabihag parihu sa pamagba rinabnut ginan sa apuy.”

Sakaryas 3:2 Iomraidhean Croise

2 Krunika 6:5

‘Ginan sa sirang ipinalwas niku kang manga nasakupan Israilita sa Ihiptu, unman aku nagpili banwa una naan ginan pag linahi Israil agud patindugan Balay Diyus para sa kadayawan niku, ag balaw diman aku nagpili hari mandumara sa manga nasakupan niku Israilita.

2 Krunika 6:6

Dapat taynguna, pinili niku ti Hirusalim bilang rugar nu naan pag dayawun aku, ag pinili niku si Dabid hampay mandumara sa kang manga nasakupan Israilita.’

Kanta 109:31

Dahil pagbaliwahan niya ti manga tawu arawatan hampay makaribri sida sa manga magparusa sa kanda sa kamatayan.

Isayas 7:4

Inda kanmu sabihun sa kanya, ‘Pag-alistu kawu! Pagmaariwaya kawu ag danga magkadala. Danga kawu magkakulbaan sa masyadu pag pangagalit nida ni Hari Risin taga Aram ag ni Hari Pika kay anak ni Rimalya. Inda pag duwa ga tuud kayu mag-anus dapat unman may apuy.

Danyil 12:1

Magkun waya ti ga tawu, “Sa ati pag udas, rumas-ug si Mikail, ti makapangyarihan pag takinan mag-apin sa kanmu manga kasimanwa. Makuri gid ti kahamtangan sa ati pag udas. Tunda pag kakurian udwaya nalakawan ginan sa nitindug ti nasyun Israil. Dapat iribri di sa kakurian kanmu manga kasimanwa kay ngaran nakalista sa ribru.

Amus 4:11

“Rinuris niku ti iba sa kanyu parihu sa binwat niku sa Suduma ag Gumura. Bag-u ti iba sa kanyu nakaribri parihu sa kayu rinabnut sa apuy. Dapat unman diman kamu nagbalik sa kangku. Aku, ti Panginuun, ti magsabi inda.

Sakaryas 1:17

Magkun ti anghil sabihun waya niku inda ti pagsabihun Makamaskihan Panginuun: “Umunlad maan kang manga banwa sa Huda. Ag bayaun maan niku ti Siun, ti banwa Hirusalim. Ag baliwun maan niku inda kang pinili pag banwa.”

Sakaryas 2:12

Ag apuun maan Panginuun ti Huda bilang kay bahagi sa banal pag daga Israil. Ag ti Hirusalim baliwun diman niya kay pinili pag banwa.

Markus 1:25

Sinungyaw ni Hisus ti labang magkun, “Danga mag-ingay, pagluwas yi kawu ginan sa kanya.”

Markus 9:25

Pagka nakitan ni Hisus ti kayamuan tawu nandurunganan nalagiw atag sa kanya, sinungyaw niya ti labang magkun, “Kawu pag labang tigpabungul magpabuyun, pagsuguun niku kawu pagluwas yi kawu ginan sa kanya ag danga yi kawu magsulud uman sa kanya.”

Lukas 22:32

Dapat Simun, kawu kan idinarangin sa unman lumumuy kanmu pagsarig. Nu umimbung maan aban kanmu pagsarig, parig-una yi nimu kanmu manga patar-ari.”

Lukas 4:35

Bag-u sinabi ni Hisus sa kanya magkun, “Danga mag-ingay, pagluwas yi kawu sa kanya ginan!” Ilinusgu waya ti inapuan labang sa atubangan kadamlan tawu bag-u nagluwas yi ti labang, dapat unman naunu ti tawu.

Lukas 9:42

Pagka magpakarani ti anak sa kan Hisus itinlang waya labang rargu nangidkiriw maan ti anak masyadu. Dapat binagawan ni Hisus ti labang, pinaayad niya ti anak bag-u inuli siya sa kay ama.

Huwan 13:18

“Inda kang manga pagsabihun bukun tungkul sa kanyu tanan. Kilala di niku daan nu hintay pag manga tawu kang pinili. Dapat kailangan tupadun ti pagsabihun sa Banal Kasuratan magkun, ‘Tunda pag tawu ti kasaru niku sa lamak, imaw yi ngap ti nagdayi sa kangku.’

Ruma 16:20

Diyus di ti magpakaun kahusayan. Dayi dumugay taluhun yi lubus niya si Satanas ga ipauli lang sa sirung niyu raprapa. Pagsa kanyu ti papalad nita Panginuun Hisu-Kiristu.

Ruma 8:33

Si unu lugud ti pumanghas magsumbung laban sa manga tawu pinili yi Diyus? Udyi! Diyus kabay ti magkilala sa kanda kuntay sida manga matadlung.

1 Huwan 3:8

Nu magpadayun sa kasalanan ti tawu, sakup waya siya diyablu, dahil kaybi ginan hanggan taynguna tugka magkasala diman ti diyablu. Nakan nagsitay ti Anak Diyus hampay wasakun niya ti buwat diyablu.

Hudas 1:23

Ti iba bawia niyu ga ginan sa apuy. Ti iba kaawai diman waydi niyu, dapat ay lang pagmaaman kamu barang kamu mamaliwan waydi nida kayagtingan. Una kanda manga rutay namaliwan yi kahalayan.

Hudas 1:9

Sa kanda katpung magtalaluhan diyablu tungkul sa bangkay ni Muysis ti pangulu anghil si Mikail unman nagpanghas nagbangdan sa diyablu. Sinabi lang niya sa diyablu, “Tamyawun kawu Panginuun.”

Ipinakakit 17:14

Girahun nida ti Anak Karanidu dapat matalu diman sida dahil ti Anak Karanidu Panginuun manga panginuun, siya diman ti Hari manga hari. May kahuray aban sa kay panalu ti manga tinawag, ti manga pinili ag ti manga matinupadun pag manga magsunud sa kanya.”