Sakaryas 2:6 - Hanunuu

^6-7 Magkun ti Panginuun sa manga Israilita, “Pinanwayak niku kamu una naan tag baliwa sa buu kalibutan. Dapat taynguna, pag-ighit yi kamu, hanggan kamu pag manga binihag sa Babilunya, ag pagbalik kamu sa Siun.”

Sakaryas 2:6 Iomraidhean Croise

Gimpuunan 19:17

Pagka ati yi sida sa luwas banwa, magkun ti anghil, “Palagiw kamu! Danga kamu mag-aliwliw, ngatay magpat-ung una naan atay sa karatagan! Palagiw kamu atabug sa bantud hampay balaw kamu mamatay!”

Kanta 44:2

Pinaighit nimu ti manga tawu balaw magsunud sa kanmu ag kanmi manga ginurang imaw ti ipinatahan nimu sa kanda manga rugar. Pinakurianan nimu tunda pag manga tawu dapat pinaabunda nimu kanmi manga ginurang.

Isayas 48:20

Pag-ighit kamu sa Babilunya! Ipaburayhaw niyu may kabayaan sa buu kalibutan kuntay irinibri Panginuun kay manugsirbi, ti nasakupan Israil.

Isayas 55:1

Magkun ti Panginuun, “Pagpakarani kamu, kamu tanan ti magkauwaw, indaay ti danum! Una unman kamu may kuwarta, pagpakarani kamu, pag-inum hanggan pagkaun! Abala kamu, pagbuul kamu intus ag gatas hanggan butiran karan-unun balaw may bayad!

Hirimyas 1:14

Magkun ti Panginuun, “Tama, dahil may rumas-ug dilikadu ginan sa kanaway sa tanan nasakupan sa inda pag daga.

Hirimyas 15:4

Kadat-an sida tanan nasyun sa kalibutan dahil sa binwat ni Manasis (kay anak ni Isikyas) sa Hirusalim katpung hari waya siya Huda.

Hirimyas 3:18

Sa ati pag manga sirang, ti manga nasakupan Huda hanggan ti Israil mirinsanan bumalik ginan sa pagkabihag sa kanaway muli sa daga ipinakaun niku sa kanda manga ginurang bilang maranahun.

Hirimyas 31:10

“Manga nasyun, patingihi niyu ti pag-itultul niku, bag-u ibarita niyu inda sa ararayu rugar: ‘Winayak niku ti manga taga Israil, dapat tipunun di maan niku sida ag alagaan parihu sa manug-alaga manga karanidu.’

Hirimyas 31:38

Parargu pagsabihun Panginuun, “Rumas-ug ti udas ti banwa Hirusalim utru ipatindug ginan sa Bantayaw ni Hananil tugka sa Suuk Sabian.

Hirimyas 31:8

Magkun diman ti Panginuun, “Pagpatingi kamu! Aku ti bum-ul sa kanda, tipunun niku sida ginan sa kanaway una naan ginan pag bahagi kalibutan. Kaibahan ti manga buta, ti manga lunu, katida diman ti manga magbuduy hanggan ti manga arani yi manganak. Daka pag gurupu ti muli.

Hirimyas 50:8

“Pagpalagiw kamu ginan sa Babilunya! Tayaki yi niyu tunda pag nasyun. Pag-una yi kamu pagpalagiw parihu sa manga kambing mag-una man sa manga manada!

Hirimyas 51:45

“Manga pinili niku, pagpakarayu yi kamu sa Babilunya! Iribri niyu kanyu sadili buhi bag-u niku ibuhus sa kanda kang pangagalit.

Hirimyas 51:50

“Kamu pag manga nasawad buhi, pagpalagiw yi kamu ginan sa Babilunya ag danga kamu magpat-ung! Isipun niyu ti Panginuun ag ti Hirusalim una sa arayu kamu pag rugar.

Hirimyas 51:6

“Pagpalagiw kamu ginan sa Babilunya! Iribri niyu kanyu buhi. Balaw kamu kailangan mamatay dahil sa kasalanan Babilunya. Udas yi hampay balusan niku siya angay sa kay manga binwat niya.

Isikil 11:16

“Nakan sabihi ti kaibahan nimu sa pagkabihag, aku, ti Panginuun Diyus, magbagaw magkun, ‘Ipinabihag niku kamu ag ipinanwayak sa iba pag manga nasyun, dapat kaibahan kang kadayawan sa kanyu sa inda pag manga rugar.

Isikil 17:21

Magkaramatay kay manga sundalu magpalalagiwan, ag ti manga masawad sa kanda mawayak sa una naan pag rugar. Bag-u maalaman niyu aku, ti Panginuun, ti magbagaw inda.”

Isikil 5:10

Kan-un manga gurang kanda manga anak, ag kan-un manga anak kanda manga gurang. Parusahan gid niku kamu, ag ti manga masawad sa kanyu wayakun niku sa buu kalibutan.

Isikil 5:12

Tungaun niku kamu sa tulu ka bahagi. Kay usa ka bahagi magkaramatay sa panab-anan lun-us hanggan manga durungugun siyun sa banwa. Kay usa waya ka bahagi magkaramatay sa panab-anan baladaw sa luwas banwa. Ag ti masawad pag bahagi sarwagan sa durus, wayakun niku sa buu kalibutan, ag lagsun sida niku baladaw.

Danyil 11:4

Nu makapangyarihan yi siya, madaut kay kaharian ag matunga sa upat ka suuk kalibutan, dapat balaw kay manga katawuhan ti humari. Ti manga umilis sa kanya pag hari balaw yi pumarihu sa kanya pag pamahala. Bul-un kay kaharian ag iayaw sa iba.

Amus 9:9

Bantayi niyu! Mansugu yi aku; ayagun niku kamu pag nasakupan Israil kaibahan tanan nasyun, parihu sa mag-ayag manga uyas. Nu kabitay ti manga dariit pag batu unman makalapus sa ayagan,

Sakaryas 1:16

Nakan mamalik aku may pangaawa sa Hirusalim, ag ipatindug maan niku ti Hirusalim hanggan kang Balay Diyus. Aku, ti Panginuun Makamaskihan, ti magsabi inda.”

Matiyu 24:31

Suguun niya kay manga anghil may budyung daka hampay tipunun nida ti manga pinili Diyus ginan sa upat ka puun durus, ginan sa bilug kalibutan.”

Markus 13:27

Nu sumitay siya, suguun niya kay manga anghil hampay kanda tipunun ti manga pinili Diyus ginan sa upat ka puun durus, ginan sa bilug kalibutan.”

Diyuturunumiyu 28:64

“Wayakun kamu Panginuun sa tanan nasyun, sa kada suuk kalibutan. Ag ati pag mansamba kamu sa iba pag manga diyus buwat sa kayu ag batu, balaw niyu kilala una niyu manga ginurang.

Ipinakakit 18:4

Nadnugan waya maan niku ti usa ka magbagaw ginan sa langit magkun, “Kamu pag nasyun niku, pagpakarayu kamu sa kanya, danga kamu magpausa sa kasalanan niya, agud kamu balaw madamay sa malakawan niya pag kahigpitan.

Rut 4:1

Nag-atag si Buus sa puwirtahan banwa tinmukaw ati. Pagka linmawuy ti pagsabihun niya pag pinakaarani pag katawuhan ni Ilimilik, magkun si Buus sa kanya, “Ampud, abala pagtukaw dap kawu.” Nagpakarani waydi ti lalaki ag tinmukaw.