Sakaryas 2:5 - Hanunuu

⁵ Magkun ti Panginuun siya gid ngap ti bumaliw apuy pag alad sa palibut banwa Hirusalim, ag siya diman ti bumaliw kapangyarihan sa inda pag banwa.”

Sakaryas 2:5 Iomraidhean Croise

Kanta 125:2

Kainda ti manga bantud sa sangput Hirusalim mag-alaga sa inda pag banwa, ti Panginuun mag-alaga diman sa kay nasakupan kainda ag hanggan waya aban.

Kanta 3:3

Dapat ti tutuu, parihu kawu sa panangga mag-alaga sa kangku. Pagpabisugun nimu aku, ag magpanalu aku laban sa kang manga kalaban.

Kanta 46:5

Ti Diyus mag-uli sa inda pag banwa; nakan balaw inda midamhak. Maaga waya rumas-ug ti Diyus umawat siyun pag banwa.

Kanta 48:12

Manga Israilita, sangputa niyu ti Siun ag bilanga kay manga bantayaw.

Kanta 48:3

Asan ti Diyus sa marig-un pag manga bahagi sa Hirusalim ag naipakakit yi niya sa manga mag-uli siyun siya kanda darangpan.

Kanta 85:9

Tutuu gid iribri niya ti manga maggalang sa kanya, hampay ipakakit kay kamaskihan pumirmaminti sa kanta daga.

Isayas 12:6

Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Isayas 31:9

Malagiw kanda manga sundalu dahil sa kadalaan ag kanda manga takinan udyi alam kanda buwatun nu makitan nida ti bandira nida manga kalaban. Tunda ti pagsabihun Panginuun, kay apuy maglabdaban sa Siun, ti banwa Hirusalim.

Isayas 32:18

Kamu pag manga nasakupan Diyus mangulian sa may kahusayan pag manga ulian, ribri sa kadamhakan. Ag udyi may bumalag sa kanyu.

Isayas 33:21

Siyun pag ipakakit Panginuun sa kanta kuntay makamaskihan siya. Ti Hirusalim ga usa ka rugar may maluang pag sapa hanggan laad balaw madipay sarakyan manga kalaban.

Isayas 4:5

Bag-u manlalang ti Panginuun rurum imaw ti humamuy sa tungud Hirusalim hanggan sa manga magtiripun ati. Manlalang diman siya maglabdaban apuy magpakaun rayaw sa yabi. Kay kadayawan tumakip sa Hirusalim ga usa ka malapad pag turda,

Hirimyas 31:39

Ginan sa tida pag manga rugar, rargu ti katugkaan tugka sa tagudtud Garib bag-u paliku sa Guwa.

Isikil 38:14

“Nakan Anak tawu, sabihi si Gug aku, ti Panginuun Diyus, magkun: Sa udas mangulian yi may kahusayan kang nasakupan manga Israilita, maalaman nimu inda.

Isikil 42:20

Nakan ti Balay Diyus kudradu kay sukat, ag nasangputan alad batu imaw ti tab-anan sa banal pag rugar ag sa pangkaraniwan rugar.

Isikil 47:3

Naglakaw kami atabug sa butlakan sa saruy danum, ag diritsu kay magsukat. Pagka manga 1,000 yi ka luk-an siku kanmi linakaw, ipinadipay niya aku sa danum tugka lang sa kang marabuku kay danum.

Sakaryas 1:16

Nakan mamalik aku may pangaawa sa Hirusalim, ag ipatindug maan niku ti Hirusalim hanggan kang Balay Diyus. Aku, ti Panginuun Makamaskihan, ti magsabi inda.”

Sakaryas 2:10

Magkun ti Panginuun, “Manhuruyawan kamu sa kabayaan, kamu pag manga taga Siun, dahil rumas-ug aku ag mangulian kaibahan niyu. Ag sa siyun pag udas, mayamu pag manga nasyun ti manpasakup sa kangku. Ag bumaliw sida kang nasakupan.” Nu mangyari yi tunda, maalaman niyu ti Panginuun Makamaskihan ngani ti nagpadara sa kangku tabug sa kanyu.

Sakaryas 9:14

Pumakakit ti Panginuun sa tungud niya nasakupan. Mangislap kay ugyung parihu sa kilat. Patunugun Panginuun Diyus ti budyung, ag rumas-ug siya kaibahan bagyu ginan sa kanaway.

Sakaryas 9:8

Ingatan di Panginuun kay Balay Diyus laban sa manga mandurugma. Udyi may mangapi sa kay nasakupan, dahil pagbantayan niya sida taynguna.

Lukas 2:32

usa ka sulu hampay marayawan ti manga balaw Hudiyu, ag hampay ipakilala ti kadayawan nimu nasyun Israil.”

Ipinakakit 21:23

Udyi may kailangan init una bulan hampay rayawan ti banwa dahil ti kadayawan Diyus tigparayaw ati, ti Anak Karanidu ti sulu.