Sakaryas 2:10 - Hanunuu

^10-11 Magkun ti Panginuun, “Manhuruyawan kamu sa kabayaan, kamu pag manga taga Siun, dahil rumas-ug aku ag mangulian kaibahan niyu. Ag sa siyun pag udas, mayamu pag manga nasyun ti manpasakup sa kangku. Ag bumaliw sida kang nasakupan.” Nu mangyari yi tunda, maalaman niyu ti Panginuun Makamaskihan ngani ti nagpadara sa kangku tabug sa kanyu.

Sakaryas 2:10 Iomraidhean Croise

Kanta 40:7

Nakan magkun aku, “Inda aku, alistu sumunud sa kanmu manga sugu angay sa nisurat sa Kasuratan tungkul sa kangku.

Kanta 68:18

Igu nagtukad siya sa abwat pag rugar mayamu pag manga bihag kay dinara ag nakatanggap siya mayamu pakaun ginan sa manga tawu, una ginan sa manga malaban pag manga tawu. Ag ati pag mangulian ti Panginuun Diyus.

Pag-ighit 29:45

Mangulian aku kaibahan manga Israilita ag bumaliw aku kanda Diyus.

Isayas 12:6

Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Isayas 35:10

Tunda pag manga irinibri Panginuun bumalik magkarantahan sa Siun. Madura yi kanda karukuan hanggan maghimanglaw, matulsan yi tunda unman may katapusan pag kasulungan.

Isayas 37:22

inda ti pagsabihun Panginuun laban sa kanya: “Pagkadat-an ag pagsurugun kawu manga nasakupan Siun, ti banwa Hirusalim. Magkarasarin-an sida sa pagpuya sa kanmu magpalagiw.

Isayas 42:10

Pagkanta kamu manga bag-u pag kanta sa Panginuun! Pagkanta kamu manga pagdayaw sa kanya, una kamu ti asan sa pinakaarayu pag bahagi kalibutan. Dayawun niyu siya, kamu pag manga magpanakayan hanggan kamu tanan pag manga linalang sa dagat, ag kamu pag manga mag-uli sa ararayu pag rugar.

Isayas 48:20

Pag-ighit kamu sa Babilunya! Ipaburayhaw niyu may kabayaan sa buu kalibutan kuntay irinibri Panginuun kay manugsirbi, ti nasakupan Israil.

Isayas 51:11

Kanmu manga linukat bumalik sa Siun magkarantahan may kabayaan unman may katapusan. Madura yi kanda karukuan, ag manlapwas kanda kabayaan.

Isayas 52:11

Kamu pag manga tagadara garamitun Balay Diyus Panginuun, pag-ighit yi kamu sa Babilunya. Danga kamu mag-igpil manga bagay mauring. Pag-ighit yi kamu sa Babilunya, ag pagpakabanal.

Isayas 54:1

Magkun ti Panginuun, “Pagkanta kawu Hirusalim, kawu ga babayi baug. Pagkanta kawu ag pagringgit sa kabayaan, kawu unman nakalakaw kakurian sa magpanganak. Dahil una yi tinayakan kawu nimu asawa, mas yumamu kanmu manga anak kaysa babayi kaibahan kay asawa.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Isayas 66:14

Nu makitan niyu inda kang pagbuwatun, makabaya kamu, lumangba ga tanum. Ipakakit Panginuun kay kamaskihan sa kay manga manugsirbi, dapat ipakakit niya kay pangagalit sa kay manga kalaban.

Hirimyas 30:19

Bag-u kumanta sida manga pasalamat ag manhuyaw sa kasulungan. Payamuun ag pakan-an niku sida kadayawan.

Hirimyas 31:12

Umatag sida sa Bantud Siun ag manhuyaw sa kabayaan. Magbarayaan sida dahil sa manga papalad niku sa kanda. Bumaliw abunda ti manga tirigu, ti irinmun ubas, ti lana ulibu ag ti manga hayup nida. Miparihu sida sa halamanan pirmi pagdiligan ag udyi sida utru manrukuan.

Hirimyas 33:11

Masaydan maan ti kasulungan manga bag-u ipinaasawa, ag manga tawu magdara manga handug pasalamat sa Balay Diyus Panginuun. Sabihun nida, ‘Mamasalamat kita sa Panginuun Makamaskihan dahil mayad gid siya. Kay pangaawa balaw may katapusan.’ Ungud magbarayaan ti manga tawu dahil ibalik niku ti mayad pag kahamtangan sa inda pag daga parihu sa kaybi sa un-an. Aku, ti Panginuun ti magsabi inda.”

Isikil 37:27

Mangulian aku kaibahan nida. Diyus nida aku, ag sida kang nasakupan.

Isikil 48:35

nakan kay kabuuhan sukat alad batu 9,000 mitrus. Ag ginan sa inda pag udas ti banwa pag-ingarnan, “Ati Ti Panginuun!”

Libitiku 26:12

Mangulian aku sa kanyu hampay aku pumirmaminti bumaliw Diyus niyu ag kamu pumirmaminti bumaliw nasakupan niku.

Sipanyas 3:17

Dahil kaibahan niyu ti Panginuun niyu Diyus. Parihu siya sa usa ka makamaskihan pag sundalu manribri sa kanyu. Makabaya gid siya sa kanyu, ag sa panab-anan niya pagmahal bag-uhun niya kanyu buhi. Manganta siya ag manhuyaw may kabayaan dahil sa kanyu,

Sakaryas 1:16

Nakan mamalik aku may pangaawa sa Hirusalim, ag ipatindug maan niku ti Hirusalim hanggan kang Balay Diyus. Aku, ti Panginuun Makamaskihan, ti magsabi inda.”

Sakaryas 14:5

Malagiw kamu pag manga taga Hirusalim lakaw sa inda pag luung, dahil inda pag luung umaput tugka sa Asil. Malagiw kamu parihu sa binwat niyu manga ginurang kaybi pagka linminug sa panahun ni Hari Usyas taga Huda. Ag rumas-ug ti Panginuun niku Diyus kaibahan ti tanan niya manga anghil.

Sakaryas 2:5

Magkun ti Panginuun siya gid ngap ti bumaliw apuy pag alad sa palibut banwa Hirusalim, ag siya diman ti bumaliw kapangyarihan sa inda pag banwa.”

Sakaryas 8:3

Mamalik aku sa Siun, ti banwa Hirusalim, ag mangulian aku siyun. Nakan ingarnan ti Hirusalim Masurundun pag Daka Banwa ag kang bantud ingarnan Banal pag Bantud.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Malakyas 3:1

Pagpatingi kamu sa pagsabihun Panginuun Makamaskihan, “Ipadara niku kang manugbarita hampay ialistu kang lakawan. Bag-u ti Panginuun kanyu pag-alagdun kadaka rumas-ug sa kay Balay. Rumas-ug kanyu pagpatigagadun pag manugbarita imaw ti mamatigayun sa kang kasunduan.”

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Huwan 14:23

Sinmagut si Hisus magkun, “Una hintay pag tawu nu magmahal siya sa kangku, tumupad siya sa kang manga bilin bag-u mahalun gid siya niku Ama. Bag-u kang Ama hanggan aku umasan yi mangulian yi sa kanya.

Diyuturunumiyu 28:64

“Wayakun kamu Panginuun sa tanan nasyun, sa kada suuk kalibutan. Ag ati pag mansamba kamu sa iba pag manga diyus buwat sa kayu ag batu, balaw niyu kilala una niyu manga ginurang.

Pilipus 4:4

Pagbaya kamu pirmi sa kanyu magpakiusa sa Panginuun, ulitun waya gid niku maan magkun, pagbaya kamu!

Ipinakakit 2:1

“Isurat nimu inda para sa anghil magbantay sa iglisya sa banwa Ipisu: “Inda ti magsabi imaw yi ngani ti may bitbit pitu ka pamgasan sa kay sikun pag kamang, tiglakaw sa karaw-an pitu ka sulu gintu:

Ipinakakit 21:3

Nadnugan niku may nagbagaw daka ginan sa tukawan hari magkun, “Taynguna kay ulian Diyus sa karaw-an yi manga tawu. Mangulian siya kaibahan yi nida ag sida kay yi nasyun. Ti Diyus sa kanda yi karaw-an ag siya kanda yi Diyus.