Sakaryas 13:4 - Hanunuu

⁴ Tunda pag manga purupita mangay-a sa kanda manga pagsabihun ipinakakit sa kanda. Bukun yi sida manulung panrutayun purupita hampay mandaya,

Sakaryas 13:4 Iomraidhean Croise

2 Hari 1:8

Magkun sida, “Bulbulin duy kay sulung rutay ag may huragkus paknul.” Nagsabi ti hari, “Si Ilyas duy tida taga Tisbi.”

Isayas 20:2

Bag-u inda nangyari, magkun ti Panginuun sa kan Isayas kay anak ni Amus, “Ubaha nimu kanmu rutay panruku hanggan lapak.” Binwat ngani inda ni Isayas, bag-u palakaw-lakaw siya uba ag unman may lapak.

Hirimyas 2:26

“Parihu sa usa ka mananakaw mangay-a nu madakup, mangay-a diman kamu manga taga Israil. Ungud mangay-a kamu, hanggan kanyu manga hari, manga may kangaranan, manga manughandug ag manga purupita.

Hirimyas 6:15

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.”

Hirimyas 8:9

Mangay-a ti manga mag-isip madunung sida. Madala gid sida dahil pamihagun sida. Dinayu nida kang manga bagaw — buwatun aw nida inda nu ungud gid madunung sida?

Matiyu 3:4

Si Huwan ngani may sulung rutay bulbul kamilyu may hawud paknul. Kay karan-unun manga apan ag manga daykut putyukan.

Markus 1:6

Si Huwan may sulung rutay bulbul kamilyu, may hawud paknul. Kay karan-unun manga apan, manga daykut putyukan.

Hibriyu 11:37

Sida binatu, rinagari ag minatay baladaw. Sida nagpakapalibut-libut kanda rutay paknul manga karanidu hanggan kambing, sida manga pugri, inunu-unu ag nakurian.

Ipinakakit 11:3

Dapat suguun niku ti duwa ka manugpadakit nakasulung rutay pustal. Bag-u itudlu nida ti Bagaw Diyus sa sulud usa ka libu may duwa ka gatus may unumpulu ka sirang kay kadugay.”