Sakaryas 12:3 - Hanunuu

³ Sa tunda pag sirang, buwatun niku ga mabuyat pag batu ti Hirusalim, ag una si unu pag nasyun ti kumabyaw inda masaktan gid. Ti tanan nasyun sa buu kalibutan tumiripun hampay girahun ti Hirusalim.

Sakaryas 12:3 Iomraidhean Croise

Isayas 60:12

Dahil lubus mawayak ti manga nasyun hanggan kaharian balaw sumirbi sa kanmu.

Ubadyas 1:18

Ti manga linahi nida ni Hakub ni Husi bumaliw ga apuy maghirut sa linahi ni Isaw, parihu sa mag-irub sa dayami. Udyi may masawad sa linahi ni Isaw.” Pihu gid matupad inda, dahil aku, ti Panginuun, ti magbagaw inda.

Mikas 5:15

Sa kang masyadu pangagalit, bumalus aku sa manga maglaban sa kangku pag nasyun.”

Mikas 5:8

Dapat dumara diman sida kadamhakan sa manga nasyun. Bumaliw sida parihu sa liyun maisug magduksul sa manga hayup sa katalunan ag sa manada manga karanidu sa pasturan. Nu magduksul ti liyun, pagtukbun niya kay magkablay bag-u pagkan-un, ag balaw makaribri sa kanya.

Habakuk 2:17

Binungul niyu ti manga kayu sa Libanun, ag dahil siyun nagkaramatay ti manga hayup ati. Nakan dautun diman kamu ag takigan sa kadalaan. Mangyari inda sa kanyu dahil sa pagmatay niyu sa manga tawu ag sa pagdaut niyu sa kanda manga daga hanggan manga banwa.

Sipanyas 3:19

Sa ati pag sirang, parusahan niku ti tanan mag-ihid sa kanyu. Kamu parihu sa manga karanidu napilay ag namululagan dapat iribri niku kamu ag tipunun di maan. Kaybi pinakay-a kamu, dapat parangalan niku kamu ag buwatun bantug sa buu kalibutan.

Hagay 2:22

Duraun niku ti manga kaharian hanggan kanda kapangyarihan. Magkaragpu kanda manga kalisa hanggan kay manga sakay. Magkaramatay kanda manga kabayu ag manmaratyan kanda manugkabayu.

Sakaryas 12:11

Sa ati pag sirang, masyadu gid ti lulumian sa Hirusalim parihu sa lulumian para sa kan Hadad Rimun sa karatagan Migidu.

Sakaryas 12:4

Dapat padalaun niku ti tanan nida manga kabayu ag pabuyuhun niku kanda manga manugkabayu. Aku, ti Panginuun magsabi, bantayan niku ti nasakupan Huda, dapat butaun niku ti tanan kabayu manga nasyun.

Sakaryas 12:6

“Sa tunda pag sirang, ti manga takinan Huda buwatun niku ga maglabdaban baga sa nakatapung manga kayu ngatay ga maglabdaban sulu sa binugkus manga uhay. Rurisun nida ti manga nasyun sa kanda palibut. Dapat balaw maunu ti nasakupan Hirusalim sa kanda rugar.

Sakaryas 13:1

Sinabi Makapangyarihan Panginuun, “Sa ati pag sirang, bukasan ti bulbugan para sa manga linahi ni Dabid ag sa manga mag-ulian sa Hirusalim, hampay lumpiyuhun sida sa kanda manga kasalanan ag kayagtingan. Bul-un niku ti manga diyus-diyusan sa daga Israil ag udyi gid sida maalaala waya. Paighitun niku sa Israil ti magpabalhinguun pag manga purupita hanggan ti daut pag manga ispiritu magsakup sa kanda.

Sakaryas 14:13

Kainda diman pag manga sarut ti rumas-ug sa tanan manga hayup sa kanda kampu, hanggan sa kanda manga kabayu, mula, kamilyu, ag asnu. Sa tunda pag sirang, padalaun gid Panginuun tunda pag manga nasakupan. Ti kada usa sa kanda man-girirahan sa kay kaparihu, sida-sida lang ti man-girirahan. Lumaban diman para sa Hirusalim ti iba manga banwa Huda. Pamul-un ag panipunun nida ti manga kasiyunan manga nasyun sa kanda kalibut — masyadu gid mayamu pag manga gintu, pilak, ag manga rutay.

Sakaryas 14:6

Sa ati pag sirang unman may init ngatay ramig.

Matiyu 21:44

Una si unu nu malagpak tag sa babaw batu inda, marunut gid. Dapat una waydi hintay ti madugsakan mapisi.”

Lukas 20:18

Una si unu nu malagpak tag sa babaw batu inda marunut gid ag una waydi hintay ti madugsakan, mapisi.”

Ipinakakit 16:14

Tunda pag manga labang magbuwat manga makadululaw. Pagpalibutan nida ti tanan manga hari sa bilug kalibutan hampay kanda tipunun tabug sa gira ati katpung aban nu kaudasan yi Diyus makamaskihan sa tanan. Tunda katpung aban pag kaudasan daka gid kay kabantugan.