Sakaryas 12:1 - Hanunuu

¹ Inda ti sinabi Panginuun tungkul sa Israil: “Aku ti Panginuun ti nagbuwat kalangitan ag kalibutan, ag aku ti magpakaun buhi sa tawu.

Sakaryas 12:1 Iomraidhean Croise

Isayas 42:5

Inda ti pagsabihun Diyus, ti Panginuun naglalang langit ga kay linadlad inda ga rutay. Linalang niya ti kalibutan hanggan ti tanan asan. Siya diman ti magpakaun buhi sa manga tawu ag sa tanan linalang magkabuhi sa kalibutan.

Hirimyas 51:15

Linalang Diyus ti langit ag ti kalibutan sa panab-anan kamaskihan ag kadunungan niya.

Isayas 57:16

Sa tutuu, balaw niku kamu kalabanun ngatay unu-unuhun sa tanan udas, dahil nu buwatun niku inda magkaramatay ti linalang niku pag manga tawu.

Hibriyu 12:9

Nu kas-a ginan nu angay sa ugali tawu kita pagparig-anan diman nita manga ama nakan kailangan lalu galangun nita sida. Unman aw lalu waya kita pumasakup sa kanta Ama, sa Diyus hampay kita may buhi?

Isayas 48:13

Aku ti nagpauli paratukawan kalibutan hanggan aku diman ti nagbuklad kalangitan. Nu magsugu aku sa kanda, pagsundun nida.

Isayas 44:24

Inda ti pagsabihun Panginuun kanyu Manugribri ti naglalang sa kanyu: Aku ti Panginuun ti naglalang tanan bagay. Aku lang usa ti nagladlad sa langit ag aku diman ti naglalang sa kalibutan.

Manugtudlu 12:7

Nu katunda, bumalik kawu sa daga nu naan kawu ginan, ag kanmu ispiritu bumabalik sa Diyus imaw ti nagpakaun inda.

Bilang 16:22

Dapat linmuhud si Muysis hanggan si Aarun ag magkun, “Diyus, ti gimpuunan buhi sa tanan tawu, magalit aw kawu sa buu nasakupan dahil sa usa lang ka tawu nagkasala?”

Gimpuunan 2:7

Linalang Panginuun Diyus ti tawu ginan sa daga. Inarupan niya sa irung ti tawu arup magpakaun buhi. Nakan ti tawu may buhi yi ngani.

Isikil 18:4

Patingihi niyu inda! Ti tanan buhi tawu kangku — ti buhi gurang ag anak. Ti nagkasala pag tawu imaw ti mamatay.

Hirimyas 38:16

Dapat lihim nagsumpa si Hari Sidikyas sa kan Hirimyas. Magkun siya, “Magsumpa aku sa buhi pag Panginuun, ti nagpakaun buhi sa kanta, balaw niku kawu matyun ngatay ipakaun sa manga magkaibug mumatay sa kanmu.”

Hirimyas 30:16

“Dapat ipadamhak diman niku ti tanan pumadamhak sa kanyu, bag-u ti tanan kalaban niyu bihagun. Girahun diman ti tanan maggira ag mag-agaw kanyu manga kasiyunan, bag-u agawan diman manga kasiyunan sida.

Hub 26:7

Pagladladun Diyus ti kanaway pag kalangitan sa marayaw pag rugar, ag ipinauli niya ti kalibutan sa kapawaan langit.

Hirimyas 10:12

Dapat Diyus ti naglalang langit ag daga sa panab-anan niya kamaskihan ag kadunungan.

Isayas 51:13

Aku aw magkalimtan yi niyu? Aku ti naglalang sa kanyu? Aku ti nagladlad sa langit hanggan ti nagpauli paratukawan kalibutan. Hayga magkabuhi kamu magkadala sa isug manga mag-api ag magkaibug rumuris sa kanyu? Kanda isug balaw makadaut sa kanyu.

Isayas 45:18

Kawu, Panginuun, ti Diyus. Kawu ti naglalang langit hanggan kalibutan. Balaw nimu binuwat ti kalibutan ud may magkabuhi. Binuwat nimu inda hampay ulianan. Magkun kawu, “Aku ti Panginuun, udyi may iba waya.

Isayas 45:12

Aku ti nagbuwat kalibutan hanggan ti tanan magpangulian siyun. Kang manga kamang ti nagbuklad sa langit, aku ti nagsugu sa init, sa bulan hanggan sa manga pamgasan kuntay pagluwang.

Isayas 40:22

Linalang inda Diyus matukawan siya sa kay tukawan hari sa tungud kalibutan. Sa pamantay niya, ti manga tawu sa sirung ga manga liyung lang. Ilinadlad niya ti langit ga limbun rutay, ngatay ga usa ka turda hampay ulianan.

Isayas 40:12

Si unu ti tumakal sa danum dagat sa panab-anan niya manga dalukap, ngatay sumukat sa langit sa panab-anan niya dangaw? Si unu ti makapauli tanan daga sa usa ka sukadan, ngatay ti makatimbang manga bantud hanggan manga tagudtud?

Kanta 104:2

Magkatabunan kawu rayaw ga kanmu rutay ag linadlad nimu ti langit ga turda.

Malakyas 1:1

Inda ti bagaw Panginuun para sa manga taga Israil sa panab-anan ni Malakyas.

Sakaryas 9:1

Imaw inda ti pagsabihun Panginuun: Magkun ti Panginuun parusahan niya ti manga daraka banwa Hadrak ag Damasku, dahil ti tanan kailangan bumantay ngatay dumangup sa Panginuun, ag lalu yi ti manga linahi Israil.

Huwil 3:21

Ibalus niku kang manga nasakupan minatay. Parusahan niku ti manga nagbuwat daut sa kanda. Aku ti Panginuun mag-uli sa Siun.”

Huwil 3:19

“Ti Ihiptu bumaliw mapanglaw pag rugar ag ti Idum bumaliw pangawakawaan, dahil inunu-unu nida ti manga taga Huda; minatay nida ti manga tawu unman may kasalanan.

Karukuan 2:14

Ti manga barita niyu manga purupita bukun tutuu, unman may kabuluhan ag magpatalang sa kanyu. Unman nida itinultul kanmu kasalanan hampay balaw mana kawu mabihag.

Hirimyas 50:34

Dapat aku kanda Manuglukat, Panginuun Makamaskihan kang ngaran. Apinan niku sida ag pakan-an kahusayan, dapat guluhun niku ti manga nasakupan sa Babilunya.

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hub 37:18

makaawat aw lugud kawu sa Diyus sa pagladlad langit ag paganitun inda ga salamin pag galang?

Gimpuunan 1:8

Inda pag kalayawan iningarnan Diyus “kapawaan.” Linmawuy ti yabi ag rinmas-ug ti surip. Tunda ti ikadwa pag sirang.

Kanta 134:3

Papaladan waya mana kamu Panginuun ti asan sa Siun, imaw ti naglalang sa kalangitan ag sa kalibutan.