Sakaryas 10:5 - Hanunuu

⁵ Magkarausa ti manga nasakupan Huda ag bumaliw sida parihu sa marabisug pag manga sundalu tumalu sa kanda manga kalaban ga lutuk tatatataan sa dalan. Manlaban sida dahil kaibahan nida aku, ag taluhun nida ti manga manugkabayu.

Sakaryas 10:5 Iomraidhean Croise

2 Samwil 22:43

Rinunut niku sida tugka sa nagbaliw wadi galbuk pagpalidun durus, bag-u tinatatataan niku sida ga lutuk sa dalan.

2 Samwil 22:8

Naglinug ti kalibutan hanggan ti patakinan kalangitan natandug, dahil nagalit kawu, Panginuun.

2 Hari 9:33

Magsabi si Hihu sa kanda, “Lagpakan niyu siya!” Nakan ilinagpak ngani nida si Hisibil. Kay manga dugu nagtaramsig sa alad batu hanggan sa manga kabayu, bag-u tinatatataan siya manga kabayu ni Hihu.

Kanta 18:42

Rinunut niku sida tugka sa nagbaliw wadi galbuk pagpalidun durus, bag-u tinatatataan niku sida ga lutuk sa dalan.

Kanta 20:7

Ti iba magsarig sa kanda manga kalisa, ti iba sa kanda manga kabayu, dapat kami magsarig sa Panginuun nimi Diyus.

Kanta 33:16

Ti usa ka hari balaw manalu sa gira dahil lang sa kay kayamuun manga sundalu. Ag ti usa ka sundalu balaw waydi maribri sa gira dahil lang sa kay masyadu pag kabisugan.

Kanta 44:5

Sa panab-anan nimu matalu nimi kanmi manga kalaban.

Kanta 45:3

Sabakan kanmu baladaw, makapangyarihan pag hari; makamaskihan kawu ag paggalangun.

Isayas 10:6

Suguun niku sida giraha ti nasyun balaw maka-diyus hanggan ti kang pagkagalitan, hampay wayakun ag tatatataan ga lutuk sa baklayan, ag bul-un ti tanan nida kasiyunan.”

Isayas 25:10

Ungud awatan Panginuun ti Bantud Siun, dapat parusahan niya ti Muab. Tat-an niya inda ga dayami sa rayamtan paruk.

Isayas 31:1

Kaawaawa kamu pag manga maghagad awat sa Ihiptu. Magsarig kamu sa kanda manga marabisug pag kabayu, sa mayamu nida kalisa, ag sa manga marabisug pag sundalu manugkabayu. Dapat unman kamu magpaniwala sa Panginuun, sa Banal pag Diyus Israil, balaw kamu maghagad awat sa kanya.

Isayas 41:12

Una ligawun nimu kanmu manga kalaban balaw yi nimu sida makitan. Sida ti manga maglaban sa kanmu bumaliw unman may pulus.

Isayas 41:25

Pinili niku pinunu ti usa ka tawu ginan sa kanaway. Mandangup siya sa kangku, taynguna siya pag rumas-ug ginan sa butlakan. Rurisun niya ti manga takinan ga magtata manugpanday anglit sa lutuk.

Isayas 8:9

Kamu pag manga nasyun, una waya manmirinsanan kamu, manwayak-wayak di kamu. Pagpatingi kamu ti manga sa arayu! Una waya mangalistu kamu sa paggira, matalu di kamu.

Isikil 38:15

Bag-u girahun nimu sida ginan sa arayu nimu pag rugar sa salatan, kaibahan kanmu mayamu sundalu masakyan sa kabayu.

Amus 2:15

Una ti manga manugpamana sa labanan pausun. Ti manga mabisug magpalagiw pag manga sundalu unman makapalagiw, hanggan ti manga masakyan sa kabayu unman diman makaribri.

Mikas 5:8

Dapat dumara diman sida kadamhakan sa manga nasyun. Bumaliw sida parihu sa liyun maisug magduksul sa manga hayup sa katalunan ag sa manada manga karanidu sa pasturan. Nu magduksul ti liyun, pagtukbun niya kay magkablay bag-u pagkan-un, ag balaw makaribri sa kanya.

Mikas 7:10

Makitan inda nita manga kalaban ag mangay-a sida. Dahil pagpuyaan nida kita kaybi. Magkun sida, ‘Naan yi ti Panginuun niyu Diyus?’ Udyi dugay makitan nita ti kadamhakan nida. Bumaliw sida ga lutuk tatatataan sa karsada.”

Hagay 2:22

Duraun niku ti manga kaharian hanggan kanda kapangyarihan. Magkaragpu kanda manga kalisa hanggan kay manga sakay. Magkaramatay kanda manga kabayu ag manmaratyan kanda manugkabayu.

Sakaryas 12:4

Dapat padalaun niku ti tanan nida manga kabayu ag pabuyuhun niku kanda manga manugkabayu. Aku, ti Panginuun magsabi, bantayan niku ti nasakupan Huda, dapat butaun niku ti tanan kabayu manga nasyun.

Sakaryas 12:8

Sa ati pag sirang, ingatan di Panginuun ti manga mag-uli sa Hirusalim hampay una ti pinakamalumuy sa kanda bumaliw ga kan Dabid kay kabisug. Ti manga magtal-anakan ni Dabid bumaliw ga Diyus, ga anghil Panginuun magpanguna sa kanda.

Sakaryas 14:13

Kainda diman pag manga sarut ti rumas-ug sa tanan manga hayup sa kanda kampu, hanggan sa kanda manga kabayu, mula, kamilyu, ag asnu. Sa tunda pag sirang, padalaun gid Panginuun tunda pag manga nasakupan. Ti kada usa sa kanda man-girirahan sa kay kaparihu, sida-sida lang ti man-girirahan. Lumaban diman para sa Hirusalim ti iba manga banwa Huda. Pamul-un ag panipunun nida ti manga kasiyunan manga nasyun sa kanda kalibut — masyadu gid mayamu pag manga gintu, pilak, ag manga rutay.

Sakaryas 14:3

Bag-u lumaban ti Panginuun laban sa tunda pag manga nasyun, parihu sa kay binwat paggira kaybi.

Sakaryas 9:13

Gamitun niku ti Huda ga pamana ag ti Israil ga ugyung. Buwatun niku ti nasakupan Siun ga baladaw sundalu, ag papasun nida ti manga nasakupan Grisya.”

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Matiyu 4:3

Nagpakarani yi ti manugtuksu, magkun sa kan Hisus, “Nu kawu ungud ti Anak Diyus, bagawi tunda pag manga batu hampay bumaliw tinapay.”

Lukas 24:19

Magkun si Hisus sa kanda, “Hintay duy pag nangyari?” Sinabi nida sa kanya, “Ti nangyari kabay sa kan Hisus taga Nasarit. Usa ka purupita makapangyarihan sa buwat hanggan sa bagaw, sa atubangan Diyus hanggan tanan manga tawu.

Binwat 18:24

May rinmas-ug sa Ipisu usa ka Hudiyu taga Alihandirya, kay ngaran si Apulus. Mahusay siya pag magtultulanun, mayamu diman kay magkaalaman sa Banal Kasuratan.

Binwat 7:22

Tinudluan nida si Muysis sa tanan kadunungan manga taga Ihiptu. Makapangyarihan yi siya una sa kay bagaw una sa kay buwat.

2 Kurintu 10:4

Kanmi armas balaw ginan sa kalibutan, bagkus ngap may kamaskihan ginan sa Diyus hampay makapawasak sa manga ga alad batu.

Diyuturunumiyu 20:1

“Nu maglakaw kamu hampay manggira sa kanyu manga kalaban, ag mag-akitan niyu kanda manga kabayu, manga kalisa hanggan manga sundalu mas mayamu waya kaysa kanyu, danga kamu magkadala sa kanda, dahil kaibahan niyu ti Panginuun niyu Diyus ti nagpalwas sa kanyu sa Ihiptu.

2 Timutiyu 4:17

Dapat balaw aku pinabay-anan Panginuun. Pinakan-an aku kabisugan hampay lubus mipaliwanag niku ti Mayad pag Barita sa tanan manga balaw Hudiyu. Naribri di aku madi kanda mana ibahug sa manga liyun.

2 Timutiyu 4:7

Lubus aku naglaban ga sa mag-urunahan. Nakaaput yi aku sa turunu niku palalagiwan. Iningatan niku ti katutuuhanan tungkul sa kang pagsarig.

Huswi 10:14

Unman waya gid may nangyari ga kainda kaybi ginan sa kabag-u, nagsagut ti Panginuun sa darangin tawu parihu sa inda. Tutuu gid nanlaban ti Panginuun para sa Israil.

Huswi 10:42

Sinakup ngani ni Huswi inda tanan pag manga daga hanggan kanda manga hari sa usa lang ka dasun-dasun paggira, dahil ti Panginuun, ti Diyus Israil, nangawat sa kanda sa paglaban.

Ipinakakit 19:17

Bag-u nakitan niku ti usa ka anghil matindugan sa init. Hinugyawan niya ti tanan manga manuk maglayang sa tungud bag-u kay sinabi magkun, “Abala kamu tanan-tanan patipun sa daka pag karan-an Diyus. Abala kamu,

1 Samwil 16:18

Sinmagut ti usa sa kay manga suruguun, “Nakitan duy niku ti usa sa manga anak ni Isai taga Bitlihim, madunung gid siya magtugtug alpa. Bukud waya siti, maisug duy siya ag madunung sa labanan, marinu pag lalaki, madunung siya nu magbagaw, ag pag-awatan siya Panginuun.”