Sakaryas 10:4 - Hanunuu

⁴ Ginan sa kanda ti manga takinan parihu sa patakinan pag batu, pamatuk turda, ag pamana paggamitun sa girahan.

Sakaryas 10:4 Iomraidhean Croise

Gimpuunan 49:24

dapat pirmi diman nimu sida panaun. Ag kanmu takyay parargu di gid mabaskug, dahil sa awat Diyus Makamaskihan, ti manug-alaga ag darangpan pag batu Israil.

Isra 9:8

“Ag taynguna, sa dag-ud pag panahun, kinaawaan nimu kami, Panginuun kanmi Diyus. Pinahintulutan nimu may masawad sa kanmi, ag ipinauli nimu kami may kasiguraduhan sa inda pag rugar kanmu pinili. Pinakan-an nimu kami pag-asa ag pinagaan nimu kanmi kahamtangan sa kanmi pagkapanawuhun.

Kanta 118:22

Ti dinayu manugpatindug balay pag batu imaw ngap ti nagbaliw patakinan pag batu.

Isayas 19:13

Ungud unman may intindi ti manga takinan Suan ag Mimpis. Madali sida magkadaya. Sida pag manga takinan imaw mana ti kailangan manguna sa manga nasakupan Ihiptu, dapat sida waya ti magpandaya sa kanda.

Isayas 28:16

Nakan inda ti pagsabihun Panginuun Diyus, “Bantayi niyu! Ipakana niku sa banwa Siun ti batu pag pundasyun, batu masarigan, mapag-un ag mahalaga. Ti manga magsarig sa kanya balaw harus-harus sa kanda manga pagbuwatun.

Isayas 49:2

Binuwat niya ga baladaw kay katarum ti manga bagaw niku. Pag-alagaan niya aku sa panab-anan niya kamaskihan. Binuwat niya aku ga magkislap pag ugyung alistu yi gamitun.

Isayas 54:16

Pagpatingi kawu! Aku ti naglalang manga panday magpamakut apuy ag magbuwat armas. Aku diman ti naglalang manga sundalu maggamit tunda pag manga armas hampay manruris.

Hirimyas 1:18

Pagpatingi kawu! Parig-unun niku kawu taynguna parihu sa inaladan batu pag banwa ngatay baul pag tulduk ngatay alad galang. Unman tumalu sa kanmu ti manga hari, ti manga may kangaranan, ti manga manughandug, ngatay ti manga nasakupan Huda.

Hirimyas 51:20

Magkun ti Panginuun, “Kawu ti panhampak niku, ti panhampak niku sa girahan. Sa panab-anan nimu, wasakun niku ti manga nasyun ag ti manga kaharian,

Sakaryas 9:10

Duraun niku ti arawayan. Pamul-un niku ti manga kalisa ag manga kabayu pandugma sa Israil ag sa Huda. Bariun niku ti manga paggamitun nida pamana pandugma. Ti rumas-ug pag hari mandara kahusayan sa manga nasyun. Manhari siya ginan sa usa ka dagat tugka gid sa usa ka dagat, ag ginan sa Sapa Iyupratis tugka sa katugkaan daga sa kalibutan.”

Sakaryas 9:8

Ingatan di Panginuun kay Balay Diyus laban sa manga mandurugma. Udyi may mangapi sa kay nasakupan, dahil pagbantayan niya sida taynguna.

Bilang 24:17

“May nakitan aku sa kang pangakakitun udwaya gid nangyari. Sa aratubangun pag manga sirang, may humari sa Israil ginan sa linahi ni Hakub. Rurisun niya ti manga Muabita hanggan ti tanan lahi ni Sit.

Matiyu 9:38

Nakan idarangin niyu sa Panginuun, siya ti may puun aranyun, hampay suguun niya ti manga manug-ani sa kay aranyun.”

Lukas 20:17

Dapat binmantay si Hisus sa kanda ag namaingana, “Hintay nguna kay sabi sa Kasuratan magkun, ‘Ti batu dinayu manga manugbuwat balay, binwat ngap mahalaga pag kalap.’

Ipisu 2:20

Kita tanan, Hudiyu man ngatay balaw Hudiyu, kanta pinagkabungsudan ti manga apustul ag ti manga purupita. Dapat ti pinakamahalaga pag kalap si Kiristu Hisus.

2 Timutiyu 2:4

Ti usa ka sundalu danga magpakialam sa bukun buruwatun sundalu. Lalu ngap kailangan sigasidan niya hampay makabaya kay pinunu.

1 Pidru 2:6

Dahil magkun sa Banal Kasuratan, “Bantayi niyu, ipinakana niku sa banwa Siun ti usa ka batu pag kalap binuwat niku patakinan, imaw yi ti mahalaga. Balaw mibuyu una hintay pag tawu nu sumarig sa kanya.”

Ipinakakit 17:14

Girahun nida ti Anak Karanidu dapat matalu diman sida dahil ti Anak Karanidu Panginuun manga panginuun, siya diman ti Hari manga hari. May kahuray aban sa kay panalu ti manga tinawag, ti manga pinili ag ti manga matinupadun pag manga magsunud sa kanya.”

1 Samwil 14:38

Nakan sinabi ni Saul sa manga takinan nasakupan Israil, “Pagtipun sitaay kamu tanan, kailangan maalaman nita nu hintay pag salan kanta nabwat kainda pag sirang.