Sakaryas 10:2 - Hanunuu

² Kay tutuu, bukun mapaniwalaan ti manga diyus-diyusan ag ti manga manughula. Magsabi sida salan pag kahulugan manga tagin-up. Unman may pulus ti pagpabisug nida sa nalub-anan manga tawu. Nakan magsimray ti nasakupan Israil parihu sa karanidu. Nakurian sida dahil unman sida may takinan.

Sakaryas 10:2 Iomraidhean Croise

Gimpuunan 31:19

Nitaun waydi ginminan si Laban hampay uguyan kay manga karanidu, ag habang udwaya siya, bin-ul ni Rakil ti manga diyus-diyusan niya ama.

1 Hari 22:17

Nakan magkun si Mikaya, “Nakitan niku sa kang pangakakitun mawayakan ti manga Israilita sa manga kabantudan parihu sa manga karanidu unman may manugbantay, ag magkumun ti Panginuun, ‘Inda pag manga tawu unman yi may takinan. Paulia sida may kahusayan.’ ”

Hub 13:4

Dahil paghingabtun niyu aku bulungun manga kapudilan. Kamu tanan parihu sa manugbulung unman may pulus.

Hub 21:34

“Nakan kabitay niyu aku mapasulung sa kanyu manga pagbagawun unman may pulus? Unman gid may katutuuhanan ti kanyu pagsabihun.”

Isayas 41:29

Tanan manga diyus-diyusan unman may pulus, ag unman gid may mabwat una hintay. Parihu sida sa sukadan pasay durus kay sukad.”

Isayas 44:25

Ipinabuyu niku ti hula manga magpabalhingu purupita. Binwat niku busal ti manga manughula. Pagbaliskadun niku ti pagsabihun manga madunung, pagbuwatun niku ud may pulus kanda magkaalaman.

Isayas 44:9

Unman may pulus ti tanan magbuwat diyus-diyusan. Tunda pag manga diyus-diyusan kanda pagpahalgaan unman may pulus. Sida diman ti makapagsabi tunda unman may pulus. Dahil tunda unman maghiling, unman diman may alam. Nakan ngani mangay-a ti manga magsamba siyun.

Isayas 46:5

Sa kantapu niyu aku pag ipaparihu? May imaw aw aku kaparihu?

Hirimyas 10:8

Tanan sida maraganit kay ulu ag manga busal. Unman duy may pulus ti manga tudlu tungkul sa kanda manga diyus-diyusan binwat sa kayu.

Hirimyas 14:13

Dapat ay magkun aku, “Panginuun Diyus, alam duy nimu kuntay pirmi pagsabihun sa kanda manga purupita kuntay unman kunu may gira aw ngatay lun-us rumas-ug dahil magkun kunu kawu pakan-an nimu sida kahusayan sa kanda nasyun.”

Hirimyas 14:22

Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Hirimyas 23:17

Inda ti pirmi nida pagsabihun sa manga tawu dayu magpatingi sa kang manga bagaw ag magsunud sa maganit nida tagipusuun: ‘Bumaliw mayad kanyu kahamtangan. Unman may daut mangyari sa kanyu.’

Hirimyas 23:32

Magtultulanun sida manga tagin-up balaw tutuu, nakan pagpatalangun nida kang manga nasakupan sa kanda manga kapudilan. Balaw niku sida pagsuguun ngatay pag sabihan pagbagaw, nakan unman sida may kaayadan maipakaun sa manga tawu. Aku, ti Panginuun, ti magsabi inda.

Hirimyas 27:10

Kapudilan ti pagsabihun nida sa kanyu. Ag nu maniwala kamu sa kanda paighitun niku kamu sa kanyu daga. Palayasun ag rurisun niku kamu.

Hirimyas 27:14

Danga kamu magpasnu sa pagsabihun manga purupita kuntay balaw kamu sakupun hari Babilunya, dahil kapudilan ti pagsabihun nida sa kanyu.

Hirimyas 27:9

Nakan danga kamu magpaniwala sa kanyu manga purupita hanggan manga manughula, ag manga manugpaliwanag tungkul sa manga tagin-up, una sa manga panhirian ngatay manga tihulan magkumun balaw kamu sakupun hari Babilunya.

Hirimyas 28:15

Bag-u sinabi ni Purupita Hirimyas sa kan Purupita Hananiyas, “Hananiyas, pagpatingi kawu! Balaw kawu sinugu Panginuun, dapat pinabuyu nimu inda pag nasyun sa kapudilan nimu.

Hirimyas 29:8

Magkun waya ti Panginuun Makamaskihan, ti Diyus Israil, “Danga kamu magpadaya sa kanyu manga purupita ngatay sa manga kaibahan niyu manughula. Danga kamu magpasnu sa kanda manga tagin-up.

Hirimyas 37:19

Naan yi ti manga purupita niyu naghula balaw girahun hari Babilunya inda pag banwa?

Hirimyas 50:17

“Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Hirimyas 51:23

Rurisun diman niku sa panab-anan nimu ti manga manada hanggan kay manga manug-alaga, ti manga manugtanman hanggan ti manga baka, ti manga pinunu ag iba waya manga manugpamahala.

Hirimyas 6:14

Pagpabay-anan nida ti biyag niku manga nasakupan una masyadu yi. Pagsabihun di nida kuntay mayad di ti tanan una unman.

Hirimyas 8:11

Balaw nida pag ungdun kay magbulung sa biyag niku manga nasakupan, una masyadu yi inda. Pagsabihun nida mayad di ti tanan una balaw mayad.

Karukuan 2:14

Ti manga barita niyu manga purupita bukun tutuu, unman may kabuluhan ag magpatalang sa kanyu. Unman nida itinultul kanmu kasalanan hampay balaw mana kawu mabihag.

Isikil 21:21

Dahil ti hari Babilunya tumindug sa pagsangahan dalan, alamun niya nu naan siya pag lumakaw pag dalan sa panab-anan lunggungan sa ugyung, sa pagpaingana sa manga diyus-diyusan, ag sa pag-usisa mayad sa ihinandug pag atay hayup.

Isikil 21:29

Balaw tutuu ti manga ipinakakit ag manga hula kanyu nasaydan tungkul sa baladaw. Kay tutuu, alistu yi ti baladaw sa pagpulud liug manga daut pag tawu. Ti udas pagparusa sa kanda nagras-ug yi.

Isikil 34:5

Dahil unman sida may manugbantay, nagkarawayak sida ag pinantukub maisug manga hayup.

Isikil 34:8

Aku, ti Panginuun Diyus buhi, magsumpa kuntay parusahan niku kamu dahil unman niyu binantayan kang manga karanidu, nakan sinlud sida ag pinantukub maisug manga hayup. Unman niyu sida hinanap nu unman kanyu lang sadili ti kanyu pag-alagaan.

Husyas 3:4

Dahil kay ibug sabihun, maduraan hari hanggan takinan ti nasakupan Israil sa kadugayun pag panahun. Maduraan diman manga handug hanggan aramirawan pag batu, katunda diman ti ipud garamitun sa panhula hanggan ti manga diyus-diyusan.

Mikas 2:12

Magkun ti Panginuun, “Kamu pag manga nasawad nasakupan Israil ag Huda, tipunun gid niku kamu ga manga karanidu sa tudiran aw ngatay ga kaban hayup sa labuan. Mapunu manga tawu kanyu kadagaan.

Habakuk 2:18

“ ‘Unu kay kabuluhan manga diyus-diyusan? Binwat lang waydi inda tawu ginan sa kayu ngatay sa baul, ag balaw diman makasabi kay tutuu. Hayga lugud pagpaniwalaan gid inda manga tawu nagbuwat tunda? Unman ngani inda makabagaw.

Sakaryas 11:17

Kaawaawa inda pag manugbantay karanidu unman may pulus. Pagpabay-anan lang niya ti manga karanidu! Sa panab-anan baladaw pamuldun kay kamang ag tulsukun baladaw kay sikun pag mata, ag bukun yi mapakinabangan kay kamang ag udyi waydi kumakit kay sikun pag mata.”

Bilang 27:17

ag manguna sa kanda sa girahan, hampay kanmu nasakupan balaw bumaliw ga manga karanidu unman may manug-alaga.”

Matiyu 9:36

Pagka nakitan niya ti duru gid pag manga tawu, naawa siya sa kanda dahil sida magkaaburidu unman may manuggiya, ga manga karanidu unman may manug-alaga.

Markus 6:34

Pagka nagdugsun si Hisus ginan sa duunduun, nakitan niya ti lalu mayamu tawu. Naawa gid siya sa kanda, dahil sida parihu ga manga karanidu unman may manug-alaga. Bag-u mayamu maan kay itinudlu ni Hisus sa kanda.

Diyuturunumiyu 13:2

ag nangyari kay sinabi, bag-u sumabi siya, ‘Sumunud kita sumamba sa iba pag manga diyus’ (ti manga balaw niyu kilala pag diyus),

Talaghusay 18:14

Bag-u ati pag lima ka lalaki nantiid sa Lais magkun tag sa kanda manga kaibahan, “Alam aw niyu ti usa sa manga balay sitay may ipud manughandug, may larawan hinaklupan pilak, ag tuhay waya pag manga diyus-diyusan? Unu nguna ti mayad nita buwatun?”