Sakaryas 10:1 - Hanunuu

¹ Paghagad uran sa Panginuun sa panahun tig turubu manga tanum, dahil siya ti magbuwat gal-um. Pagpakan-an niya uran ti manga tawu ag ti kada tanum sa padang.

Sakaryas 10:1 Iomraidhean Croise

1 Hari 17:1

May usa ka purupita kay ngaran si Ilyas. Mag-uli siya sa Tisbi sakup Gilyad. Magkun siya sa kan Akab, “Pagsiguraduhun niku sa kanmu, sa nabubut-un buhi pag Panginuun, ti Diyus Israil kang pagsirbihan, kuntay unman may tun-ug ngatay uran rumas-ug sa sulud pira ka timpu tugka sa unman niku sabihun kuntay pag-uran ngatay pagtun-ug.”

Hub 29:23

Pagkaibgan nida kang manga bagaw parihu sa kanda magkaibug sa uran. Gustu gid nida inda patingihan.

Kanta 104:13

Ginan sa kanmu ulian sa langit, pagpauranan nimu ti manga bantud, ag dahil sa tunda kanmu binwat, magtanggap papalad ti kalibutan.

Kanta 135:7

Pagdaran-un niya patungud ti manga rurum ginan sa pinakaarayu pag bahagi sa kalibutan, ag magpadara siya manga kilat kaibahan sa uran. Pag-ipalwas niya ti bagyu ginan sa kanda taraguan.

Kanta 65:9

Pag-alagaan nimu ti daga ag pagpadaran-an nimu uran; binwat nimu inda abunda. Diyus, kanmu manga sapa balaw magkak-at, ag pagpakan-an nimu patubas ti manga tawu. Pag-ialistu nimu ti daga pumakaun patubas.

Kanta 72:6

Mana pumarihu siya sa uran magpakaun danum sa daga.

Kabagawan 16:15

Nu magbaya ti hari sa usa ka tawu, balaw niya siya matyun; pakakitan niya siya kaayadan parihu sa uran sa udas tigturubu manga tanum.

Isayas 30:23

Pakan-an kamu Panginuun uran sa panahun tig-taranum, ag bumaliw abunda kanyu tubas. Kanyu manga hayup manharab sa maluang pag pasturan.

Isayas 44:3

Dahil pakan-an niku kawu danum pamaraw uwaw hanggan humaug sa kanmu tigangan daga. Ipakaun niku kang Ispiritu sa kanmu linahi ag papaladan niku sida.

Isayas 5:6

Pabay-anan yi lang niku inda ag balaw yi asikasuhun. Balaw yi niku inda puldan kay manga sanga ngatay balubuan kay puun. Pabay-anan yi lang niku mibusul sa manga ilamnun ag manga halaman madugi. Bag-u suguun niku ti manga rurum tubay yi inda padna uran.”

Hirimyas 10:13

Sa kay sugu magpaywas ti danum sa langit. Magpaluwang siya manga rurum hanggan manga kilat sa kalangitan ag mag-ibuhus ti mabisug pag uran. Pag-ipalwang niya ti durus ginan sa kay palaulian.

Hirimyas 14:22

Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Hirimyas 5:24

Unman sida magbagaw ginan sa tagipusuun kuntay, ‘Dayawun nita ti Panginuun nita Diyus, ti mag-ayaw uran sa kanta sa pangudasun ag mag-ayaw patubas sa kanta sa udas tig-arani.’

Hirimyas 51:16

Sa busis niya magsugu, maghagunung ti langit. Kaya niya magpalwang rurum ginan sa pinakasuru baliwa kalibutan. Pagpakilatun niya nu mag-uran, ag magpadara siya durus ginan sa kay haramnuan.

Isikil 34:26

Papaladan niku sida hanggan ti manga rugar sa palibut niku banal pag bantud. Padarahan niku sida uran sa kang-ud pag panahun bilang papalad sa kanda.

Isikil 36:37

Magkun waya gid ti Panginuun Diyus, “Patingihan maan niku ti pagpaawa-awa nasakupan Israil, ag inda kang buwatun sa kanda: Payamuun niku sida parihu kayamu sa manga karanidu pag-isagda sa Hirusalim sa udas pista. Nakan ti nagkaradaut pag manga banwa ulianan yi mayamu manga tawu. Bag-u maalaman nida aku ti Panginuun.”

Husyas 10:12

Sinabi niku sa kanyu, ‘Palug-uda kanyu tagipusuun parihu sa daga inaradu. Pagtanum kamu katadlungan ag pag-ani pagmahal. Dahil udas yi inda hampay dumangup kamu sa kangku tugka sa kang pagras-ug, bag-u padarahan niku kamu karibrihan parihu sa uran.’

Husyas 6:3

Hingabtun nita makilala ti Panginuun. Pihu gid rumas-ug siya, parihu sa pagbutlak init. Rumas-ug siya parihu sa uran maghurum sa daga.”

Amus 4:7

“Inampara diman niku ti uran sa sulud tulu ka bulan bag-u rumas-ug ti tig-arani. Pagpauranan niku ti usa ka banwa dapat kay iba unman. Pagpauranan niku ti usa ka tanman dapat kay iba magkamarhan.

Mikas 5:7

Ti manga nasawad pag Israilita bumaliw papalad sa mayamu nasyun. Bumaliw sida parihu sa manga tun-ug ag uran pag-ipakaun Panginuun hampay tumubu ti manga tanum. Pumaniwala sida sa Diyus ag balaw sa tawu.

Huwan 16:23

Sa ati katpung pag udas aban, udyi kamu mamaingana sa kangku. Ungud duy kang pagsabihun sa kanyu, una hintay kanyu hagadun sa Ama, dahil kamu napasakup sa kangku, pihu gid kay ipakaun niya sa kanyu.

1 Kurintu 3:6

Aku ti nagtanum, si Apulus ti nagbunyag, Diyus ti nagpalangba.

Diyuturunumiyu 28:23

Ti langit bumaliw bilang galang unman yi magpakaun uran ag ti daga man-ganit parihu sa baul.

Santiyagu 5:7

Nakan ngani manga patar-ari, pag-agwanta sa alagad kamu hanggan sa ud rumas-ug ti Panginuun. Isipa duy niyu ti manugtanman. Tutuu yi gid maggagad sa kay ani, mag-agwanta siya sa alagad sa bag-u padna uran, hanggan sa tig bururak katpung pag uran.