Sakaryas 1:4 - Hanunuu

⁴ Danga niyu paghuwada ti binwat niyu manga ginurang. Sinugu niku kaybi ti manga purupita hampay sabihan sida patlikudi yi nida kanda manga daut pagbuwatun, dapat unman sida naniwala. Unman gid sida nagsunud sa kangku.

Sakaryas 1:4 Iomraidhean Croise

2 Krunika 30:6

Sa sugu hari, nag-atag ngani ti manga manugbarita sa buu Israil ag Huda dara ti manga surat ginan sa hari ag sa kay manga may kangaranan. Inda ti nakasurat: “Manga nasakupan Israil, taynguna nakaribri kamu sa kamang manga hari sa Asirya, udas yi bumalik-nalub-anan kamu sa Panginuun, ti Diyus niyu manga ginurang nida ni Abraham, Isaak, ag Hakub, hampay bumalik diman siya sa kanyu.

2 Krunika 30:7

Danga niyu paghuwada kanyu manga ginurang ag manga katawuhan unman nagbaliw matinupadun sa Panginuun kanda Diyus, kuntay dahil sitay binwat sida mayagting Panginuun parihu sa mag-akitan niyu taynguna.

2 Krunika 34:21

“Pagpaingana kamu sa Panginuun para sa kangku ag para sa manga nasawad nasakupan Israil ag Huda tungkul sa nakasurat sa nakitan pag ribru. Masyadu gid ti pangagalit Panginuun sa kanta dahil unman nagsunud kanta manga ginurang sa binagaw Panginuun nakasurat sa inda pag ribru.”

Isra 9:7

Ginan waya duy sa kaudasan nimi manga ginurang tugka taynguna, masyadu gid kanmi kasalanan; ag dahil siyun, kami ag kanmi manga hari hanggan manga manughandug pirmi pagsakupun manga hari iba manga nasyun. Pinanmatay nida ti iba sa kanmi, ag ti iba binihag, tinakawan ag pinakay-a, parihu sa nangyari sa kanmi taynguna.

Nihimyas 9:16

Dapat sida kanmi manga ginurang nagmarapalabaw-labaw, maganit kay ulu, unman masinurundun sa kanmu manga sugu.

Nihimyas 9:26

“Dapat madi katida, naglabag sida ag naglaban sa kanmu. Pinatlikudan nida kanmu Kasuguan, minatay nida kanmu manga purupita nagbutung sa kanda sa pagbalik-nalub-anan sa kanmu. Masyadu gid kanda paglapastangan sa kanmu!

Nihimyas 9:30

Sa kayamuun pag timpu, inagwanta nimu sida, bag-u pinasandaman sida Ispiritu nimu sa panab-anan manga purupita. Dapat unman nida inda binati, nakan ipinabahala nimu sida sa manga nasakupan sa palibut nida.

Kanta 78:8

Balaw sida pumarihu sa kanda manga ginurang manga maganit kay ulu, balaw matinupadun, balaw marig-un kanda pagsarig sa Diyus, ag balaw matapat sa kanya.

Isayas 31:6

Manga Israilita, pagbalik-nalub-anan kamu sa Panginuun, masyadu yi gid niyu siya linabag.

Hirimyas 18:11

“Nakan sabihun nimu sa manga taga Huda hanggan sa manga taga Hirusalim kuntay inda ti pagsabihun niku, ‘Pagpatingi kamu! May paggayakun aku parusa para sa kanyu. Nakan pag-apas yi kamu sa kanyu daut pag ugali. Ti kada usa sa kanyu pagbag-u yi kay pagbuwatun hanggan ugali.’

Hirimyas 23:22

Nu alam lang nida nu hintay ti sa isip niku, sinabi yi mana nida kang manga bagaw sa kang manga nasakupan, hampay patlikudan nida kanda daut pag ugali ag manga pagbuwatun.

Hirimyas 25:8

Nakan inda ti pagsabihun Panginuun Makamaskihan, “Dahil unman kamu namatingi sa kang manga pagsabihun,

Hirimyas 26:5

ag nu dayu kamu magpatingi sa pagsabihun manga manugsirbi niku pag purupita ti pirmi niku pagsuguun tag sa kanyu dapat unman niyu pagpatingihan,

Hirimyas 3:12

Paglakaw kawu taynguna bag-u sabihun nimu inda sa Israil, ‘Aku, ti Panginuun, magsabi: Israil maradaya, pagbalik kawu, dahil maawaun aku. Balaw yi aku magalit sa kanmu hanggan aban.

Hirimyas 3:14

Magkun waya ti Panginuun, “Pagbalik yi kamu, kamu manga supakil pag anak, dahil kangku kamu. Bul-un niku ti usa ngatay duwa sa kanyu ginan sa kada banwa ngatay linahi ag darahun sa Israil.

Hirimyas 35:15

sa panab-anan manga manugsirbi niku purupita. Pagsabihun nida sa kanyu, ‘Patlikudi yi niyu kanyu manga daut ugali, bag-uhun yi niyu kanyu magpangabuhi, ag danga yi kamu magsamba sa manga diyus-diyusan, hampay parargu kamu mangulian sa iinayaw niku pag daga sa kanyu ag sa kanyu manga ginurang.’ Dapat unman kamu nagpasnu ngatay nagsunud sa kangku.

Hirimyas 4:1

Magkun ti Panginuun, “Israil, nu ungud gustu nimu bumalik sa kangku, pagbalik yi kawu. Dayuun nimu ti mayagting pag manga diyus-diyusan bag-u balaw yi kawu pablag sa kangku,

Hirimyas 44:16

“Balaw kami magpasnu sa manga pagsabihun nimu sa kanmi sa ngaran Panginuun!

Isikil 14:6

“Nakan taynguna, sabihi ti nasakupan Israil aku, ti Panginuun Diyus, magkun: Pag-ampu kamu ag bugyahi kanyu manga diyus-diyusan, ag tayaki ti tanan niyu mayagting pag manga buwat.

Isikil 20:18

Sinabihan niku kanda manga anak ati sa pangawakawaan, “Danga niyu pagsunda ti manga surundanun ag buruwatun niyu manga gurang, ag danga niyu pag-uringi kanyu sadili sa panab-anan pagsamba sa kanda manga diyus-diyusan.

Isikil 33:11

Taynguna sabihi sida, ‘Aku ti Panginuun Diyus buhi, magsumpa kuntay unman aku magbaya nu may mamatay daut pag tawu. Kang gustu pag-aman sida sa kanda daut ugali hampay mabuhi sida. Nakan kamu pag nasakupan Israil, pag-aman yi kamu sa kanyu daut ugali. Gustu aw lugud niyu mamatay?’

Isikil 33:4

Una si unu ti makadnug budyung dapat unman nagpansin inda, bag-u namatay siya pagka ginira sida, siya ti may saragtun sa kay kamatayan.

Danyil 9:6

Unman kami namatingi sa kanmu manugsirbi pag manga purupita, kanmu sinugu manhampang sa kanmi manga hari, manga takinan, manga paggurangunun hanggan sa tanan nasakupan Israil.

Husyas 14:1

Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Amus 5:24

Bagkus ngap ipakakit niyu ti katadlungan ag buwata niyu ti matadlung; danga niyu inda pag-apasi parihu sa sapa unman may apas kay magbulus.

Mikas 2:6

Kainda, pagpatigayunun waya niyu kami. Magkumun kamu, “Danga yi kami pagpatigayuna tungkul sa tunda pag kadamhakan niyu pagsabihun, dahil balaw gid kami mangay-a.

Sakaryas 7:7

Inda diman pag tultulanun kang pagsabihun sa manga purupita kaybi, katpung abunda waya ti Hirusalim ag mayamu waya kay tawu hanggan sa manga banwa sa kay palibut, hanggan sa Nigib ag Sipila.”

Binwat 26:20

Nanudlu aku sa Damasku dapu bag-u sa Hirusalim bag-u sa bilug daga Hudiya hanggan sa manga balaw Hudiyu. Namaliwanag aku sa manga tawu kailangan sida mag-ampu sa kanda manga kasalanan ag magpakarani sa Diyus. Bag-u ginan sa kanda mayad pag manga buwat kailangan makitan kanda nag-ampu yi sa kanda manga kasalanan.

Binwat 3:19

“Nakan duy patlikudi yi niyu kanyu manga kasalanan bag-u pag-atubang yi sa Diyus hampay duraun yi niya kanyu kasalanan,

1 Pidru 1:18

Dahil naalaman niyu nu hintay ti ilinukat sa kanyu ginan sa unman may kabuluhan pag ugali kanyu minana ginan sa kanyu ginurang. Ti ilinukat sa kanyu balaw manga bagay magkadaut, parihu sa manga pilak, manga gintu.