Sakaryas 1:12 - Hanunuu

¹² Magkun ti anghil Panginuun, “Panginuun Makamaskihan, tugka duy kapira pag pakurianan nimu ti Hirusalim hanggan ti manga iba waya banwa sa Huda? May 70 yi ka timpu duy kawu magkagalit sa kanda?”

Sakaryas 1:12 Iomraidhean Croise

2 Krunika 36:21

Nakan natupad ti sinabi Panginuun sa panab-anan ni Purupita Hirimyas bumaliw mapung-aw ti daga ag makapahari inda sa sulud pitumpulu ka timpu.

Kanta 102:10

dahil sa kanmu masyadu pag pangagalit sa kangku. Ga parihu aku sa panguyangan, pagpudyutun nimu ag pag iyamut.

Kanta 102:13

Alistu yi kawu kaawaan ti Siun, dahil nagras-ug yi ti nakatagka pag udas kuntay ipakakit nimu kanmu pangaawa sa kanya.

Kanta 69:5

Diyus, alam nimu kang manga kalukuhan; kang manga salan balaw mitagu sa kanmu.

Kanta 74:10

Diyus, tugka waya lugud kapira ti pagpakay-a nimi manga kalaban sa kanmu? Puyaan yi lang aw lugud nida kawu sa unman may katapusan?

Kanta 79:5

Panginuun, tugka waya lugud kapira kanmu pangagalit sa kanmi? Tugka aw sa unman may katapusan? Lumabdab yi lang aw lugud parihu sa apuy kanmu imun?

Manugtudlu 3:3

may udas sa pagmatay ag may udas diman sa pagbulung, may udas sa pagguba ag may udas diman sa pagbungsud,

Isayas 47:6

Nangisug aku sa kang nasakupan ag ipinurya niku sida. Nakan ipinakaun niku sida sa kanmu manga kamang, balaw nimu sida kinaawaan. Una ti manga gurangun kanmu hinigpitan.

Isayas 63:9

Sa tanan nida karukuan, magkaruku diman siya, ag irinibri niya sida sa panab-anan anghil nagpaburayhaw sa kay uyahun. Dahil sa kay pagmahal ag pangaawa irinibri niya sida. Kaybi di waya ginan, inalagaan niya sida sa tanan pag sirang.

Hirimyas 12:4

Kapira duy nguna tugka ti pagkauga daga ag pagkarubay manga ilamnun? Magkaramatay yi duy ti manga hayup hanggan manga manuk dahil sa kadautan manga tawu mag-uli sa inda pag daga. Pagsabihun waya nida, “Unman may labut ti Diyus sa kanta malakawan.”

Hirimyas 15:17

Balaw duy aku magkuyug sa manga kasulungan ag kabayaan nida. Usa-usa lang duy aku dahil maghampang kawu sa kangku, ag pagsabihun nimu sa kangku tungkul sa kanmu pangagalit.

Hirimyas 29:10

Aku, ti Panginuun, magsabi pagkalawuy 70 ka timpu kay nagsakup Babilunya, balikan niku kamu ag tupadun niku kang taratu kuntay ibalik niku kamu sa kanyu daga.

Hirimyas 30:18

Magkun waya ti Panginuun, “Utru niku ibalik ti kayamanan manga banwa sa linahi ni Hakub ag kaawaan niku sida. Ti banwa hanggan ti balay hari winayak ipatindug maan sa daan nagpatindugan.

Danyil 12:6

Ti usa sa kanda nagpaingana sa tawu nakarutay linu matindugan sa tungud baliwa saruy sapa, “Kabitay nguna kadugay bag-u matapus inda pag makadululaw pag manga magpangyari?”

Danyil 9:2

Katpung un-an timpu niya paghari, naalaman niku sa manga Kasuratan mamirmaminti daut ti Hirusalim sa sulud pitumpulu ka timpu, angay sa sinabi Panginuun sa kan purupita Hirimyas.

Habakuk 1:2

Magkun si Habakuk, “Panginuun, tugka waya lugud kapira aku pag manhagad awat sa kanmu bag-u nimu aku patingihan? Kapira waya lugud nimu kami pag-iribri sa manga mag-unuunu sa kanmi?

Sakaryas 7:5

“Sabihi nimu ti tanan manga tawu mag-uli sa Israil hanggan ti manga manughandug, kanda pagpamauray ag panrukuan sa kada ikalima ag ikapitu pag bulan sa sulud pitumpulu ka timpu unman nida pagbuwatun para sa kangku.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

Ipinakakit 6:10

Magpamurus sida sa tawag magkun, “Panginuun, kawu ti makamaskihan, ti banal hanggan ti masarigan. Kabitay waya kadugay kami pag mag-alagad. Kapira waya pag sintinsiyahan nimu sa kaparusahan ti manga tawu mag-uli sa babaw daga dahil sa kanda nagmatay sa kanmi.”