Rut 4:6 - Hanunuu

⁶ Pagka nadnugan inda lalaki, magkun siya, “Nu katida, unman yi ngap niku lukatun ti daga dahil barang magkaimaw waya aku kakurian sa sadili niku daga, dahil una hanggan anak nimi ni Rut may bahagi yi sa kang daga. Kawu yi lang ti pag lukat, dahil unman ngap niku mabuwat tunda.”

Rut 4:6 Iomraidhean Croise

Gimpuunan 38:8

Nakan magkun si Huda sa kan Unan, “Asawan-a kanmu bayaw dahil katungdanan nimu tunda bilang patar-ari niya asawa namatay, hampay sa panab-anan nimu magkaimaw diman anak kanmu patar-ari.”

Libitiku 25:25

Nu nagkuri ti kaparihu niyu Israilita, bag-u dahil siti ipinabili niya kay daga, kay pinakaarani pag katawuhan imaw ti lumukat kay ipinabili.

Diyuturunumiyu 25:7

“Dapat nu dayu mangasawa ti patar-ari namatay sa buranday, umati ti buranday sa manga manugpamahala ati sa puwirtahan banwa ag sumabi, ‘Balaw magpasnu kang bayaw kuntay pakan-an niya lahi kay patar-ari sa Israil. Balaw niya pagsundun kay katungkulan sa kangku bilang bayaw.’

Diyuturunumiyu 25:8

Bag-u ipatawag siya sa manga manugpamahala banwa ag manhampang sida sa kanya. Nu magpaganit gid siya balaw niya gustu asawan-un ti buranday,

Diyuturunumiyu 25:9

pakarani ti buranday sa atubangan manga manugpamahala ag bul-un niya ti lapak sa kay bayaw ag bug-anan niya siya sa uyahun ag sabihan, ‘Katunda ti buwatun sa tawu unman magpasnu mapakan-an lahi kay patar-ari namatay.’

Rut 2:20

Magkun si Nuymi sa kan Rut, “Papaladan mana Panginuun si Buus. Ipinakakit niya kay kaayadan sa manga tawu buhi waya hanggan sa manga namatay yi.” Magkun waya siya, “Si Buus kanmu pagsabihun arani nita pag katawuhan; usa siya sa may katungkulan man-ngalaga sa kanta.”

Rut 3:13

Sitay dapu kawu tugka surip, ag aldaw pag surip maalaman nita nu tupadun niya kay katungkulan sa kanmu. Nu pumayag siya, mayad, dapat nu unman, pag-isumpa niku sa Panginuun buhi, tupadun niku kang katungkulan sa kanmu. Pagsitay lang dapu kawu pagkaturug tugka surip.”

Rut 3:9

Namaingana si Buus, “Si unu kawu?” Sinmagut siya, “Aku duy si Rut. Usa duy aku sa arani pag katawuhan niyu, kailangan niyu alagaan. Tabuni duy aku nimu rutay hampay ipakakit kuntay asawan-un ag alagaan nimu aku.”