Rut 4:4 - Hanunuu

⁴ Inisip niku ipaalam inda sa kanmu. Nakan nu gustu nimu, lukata nimu inda sa atubangan manga manugpamahala niku manga kasimanwa ag iba waya matukawan atay. Dapat nu dayu kawu, sabiha nimu hampay maalaman niku. Nu isipun gid, kawu ti may katungkulan lumukat inda, ag pangadwa lang aku.” Sinmagut ti lalaki, “Hu, lukatun niku.”

Rut 4:4 Iomraidhean Croise

Gimpuunan 23:11

Magkun siya, “Sa atubangan niku manga kasimanwa pag-ipakaun niku sa kanmu ti buu tanman hanggan yi ti lukib. Nakan mahimu yi nimu ilbung kanmu asawa.”

Hirimyas 32:25

Dapat lang madi katida, Panginuun Diyus sinugu nimu aku hampay bilihun ti tanman sa atubangan manga kastigus una arani yi maagaw manga taga Babilunya inda pag banwa.”

Ruma 12:17

Nu may magbuwat daut laban sa kanyu, danga pagbalusi daut. Pangungud kamu sa kanyu ugali mayad sa magbantay tanan tawu.

2 Kurintu 8:21

Pag-isipan nimi hampay mabuwat inda sa ikamayad sa kay magbantay Panginuun hanggan sa paghilingan manga tawu.

Diyuturunumiyu 25:8

Bag-u ipatawag siya sa manga manugpamahala banwa ag manhampang sida sa kanya. Nu magpaganit gid siya balaw niya gustu asawan-un ti buranday,

Pilipus 4:8

Inda waya manga patar-ari, kang pagsabihun sa kanyu. Ilubus niyu kanyu naisipan sa una hintay pag manga kaayadan sa ikadayaw manga iba. Nakan ngani pag-ugali yi kanyu naisipan sa manga lunsay tutuu, sa manga pagbayaun manga tawu, sa mahal, sa balaw may ikasabi, sa maalumanay pag-iisip, sa manga pagmahalun manga iba.

Rut 2:20

Magkun si Nuymi sa kan Rut, “Papaladan mana Panginuun si Buus. Ipinakakit niya kay kaayadan sa manga tawu buhi waya hanggan sa manga namatay yi.” Magkun waya siya, “Si Buus kanmu pagsabihun arani nita pag katawuhan; usa siya sa may katungkulan man-ngalaga sa kanta.”

Rut 3:12

Tutuu arani kawu niku pag katawuhan, may katungkulan aku alagaan kawu, dapat may imaw waya kawu arani gid pag katawuhan kaysa kangku.

Rut 3:9

Namaingana si Buus, “Si unu kawu?” Sinmagut siya, “Aku duy si Rut. Usa duy aku sa arani pag katawuhan niyu, kailangan niyu alagaan. Tabuni duy aku nimu rutay hampay ipakakit kuntay asawan-un ag alagaan nimu aku.”