Rut 4:15 - Hanunuu

¹⁵ Pabisugun ag alagaan niya kawu nu gurangun yi, dahil anak siya nimu umagad magmahal sa kanmu balaw di ga sa pagmahal pitu ka anak lalaki.”

Rut 4:15 Iomraidhean Croise

Gimpuunan 45:11

Alagaan niku siya ati sa Gusin dahil may rumas-ug waya lima ka timpu taglun-us. Balaw niku gustu malun-usan siya hanggan kay magtal-anakan, una hanggan ti manga hayup niya.”

Gimpuunan 47:12

Tinustusan karan-unun ni Husi kay ama, hanggan kay manga patar-ari ag ti buu magtal-anakan niya ama, angay sa kayamuun nida manga anak.

Kanta 55:22

Katiwalaan sa Panginuun kanmu manga kaaburiduhan, dahil alagaan niya kawu. Balaw niya pabay-anan maunu magkatalinduwa ti manga matadlung tugka aban.

Kabagawan 18:24

May magkakilala unman magdugay, dapat may magkakilala diman mas higit waya kaysa magtar-arian.

Isayas 46:4

Alagaan niku kamu tugka sa maggurangun ag manlagti kanyu buhuk. Linalang niku kamu nakan kamu alagaan niku. Awatan niku kamu ag iribri.

Rut 4:16

Pirmi pagbul-un ni Nuymi ti anak ag pagsalilihun. Siya ti manug-alaga sa anak.

1 Samwil 1:8

Magkun si Ilkana sa kanya, “Hayga kawu maglumi? Hayga dayu kawu mangaun? Hayga kawu maruku? Balaw aw lugud aku mahalaga kaysa sampulu ka anak?”

1 Samwil 2:5

Ti manga abunda kaybi magtarabahu yi taynguna hampay lang may makaun. Dapat ti manga magkalun-us kaybi abunda yi ngap taynguna. Ti manga unman mag-anak kaybi, mayamu yi kay anak taynguna. Dapat ti manga mayamu kay anak kaybi maruku taynguna dahil udyi may anak.