Rut 4:13 - Hanunuu

¹³ Nakan nangasawa si Buus sa kan Rut, ag ipinahintulut Panginuun mamuduy si Rut ag nanganak usa ka lalaki.

Rut 4:13 Iomraidhean Croise

Gimpuunan 20:17

Dahil sa pagbuul hari sa kan Sara, ipinahintulut Panginuun balaw magkaanak ti tanan babayi sa magtal-anakan ni Abimilik. Nakan nandarangin si Abraham sa Diyus, ag pinaayad Diyus kay asawa ni Abimilik hanggan kay manga suruguun babayi hampay magkaanak uman sida. Pinaayad diman Diyus si Abimilik sa kay karamdaman.

Gimpuunan 25:21

Dahil baug si Ribika, nandarangin si Isaak sa Panginuun hampay magkaimaw anak. Dinungug Panginuun kay darangin, nakan namuduy si Ribika.

Gimpuunan 29:31

Nakitan Panginuun balaw mahal ni Hakub si Liya, nakan pinahintulutan niya magkaanak si Liya, dapat si Rakil unman.

Gimpuunan 30:2

Nangisug si Hakub sa kanya ag magkun, “Hayga, Diyus aw aku? Siya ti nagpasya balaw kawu magkaanak.”

Gimpuunan 33:5

Igu nakitan ni Isaw ti manga babayi hanggan ti manga anak, nagpaingana siya sa kan Hakub, “Si unu tunda kanmu iba?” Sinmagut si Hakub, “Sida kang manga anak ti ipinakaun Diyus sa kangku dahil sa kay pangaawa.”

Kanta 113:9

Pagpasulungun niya ti baug pag babayi sa kay ulian sa panab-anan pagpakaun sa kanya manga anak. Dayawa ti Panginuun!

Kanta 127:3

Ti manga anak pakaun ag papalad ginan sa Panginuun.

Rut 3:11

Nakan danga kawu magkaarimputu, anak. Buwatun niku ti tanan nimu pagpamuhunun, dahil alam tanan niku manga kasimanwa mayad kawu pag babayi.

Rut 4:12

Mana ti ipakaun Panginuun pag manga anak sa kanmu sa panab-anan tunda pag babayi imaw ti pumabantug sa kanmu magtal-anakan parihu sa magtal-anakan ni Paris, kay anak ni Huda sa kan Tamar.”

1 Samwil 1:27

Hinagad niku indaay pag anak sa Panginuun ag ipinakaun niya kang paghagadun.

1 Samwil 2:5

Ti manga abunda kaybi magtarabahu yi taynguna hampay lang may makaun. Dapat ti manga magkalun-us kaybi abunda yi ngap taynguna. Ti manga unman mag-anak kaybi, mayamu yi kay anak taynguna. Dapat ti manga mayamu kay anak kaybi maruku taynguna dahil udyi may anak.