Rut 2:13 - Hanunuu

¹³ Magkun si Rut, “Mabuut duy kawu sa kangku. Pinabisug nimu kang naisipan. Binagawan aku nimu mayad una balaw aku usa sa kanmu suruguun.”

Rut 2:13 Iomraidhean Croise

Gimpuunan 32:6

Igu binmalik ti manga sinugu ni Hakub, magkun sida, “Naatihan yi duy nimi si Isaw, ag ataytabug yi siya hampay kawu kay sulangun. May kaibahan siya 400 lalaki.”

Gimpuunan 33:10

Dapat magpilit gid si Hakub, “Tanggapa yi gid duy nimu tunda. Nu ungud ngani pinatawad yi nimu aku, tanggapa kang pakaun sa kanmu. Dahil igu nakitan niku kanmu uyahun, naungdan niku kanmu pagtanggap sa kangku, ga nakitan diman niku ti uyahun Diyus.

Gimpuunan 33:15

Magkun si Isaw, “Nu katida, tayakan yi lang niku sa kanmu kang iba ka manga tawuhan.” Nagsagut si Hakub, “Balaw yi kailangan. Ti mahalaga tinanggap nimu aku.”

Gimpuunan 33:8

Nagpaingana waya si Isaw sa kan Hakub, “Hintay kay ibug sabihun manga gurupu hayup kang nasulang?” Magkun si Hakub, “Pakaun niku tunda sa kanmu hampay tanggapun nimu aku.”

Gimpuunan 34:3

Dapat naibug kay tagipusuun sa kan Dina ag kay yi pagkaibgan inda, nakan kay sinuyu ti daraga.

Gimpuunan 43:14

Mana tandugun Makamaskihan pag Diyus ti tagipusuun gubirnadur hampay maawa siya sa kanyu ag iuli niya sa kanyu si Simyun ag si Binhamin. Dapat nu unman sida makabalik, tanggapun yi lang niku maluag sa kang tagipusuun.”

2 Samwil 16:4

Magkun si Dabid, “Nu katida, pag-ipakaun yi niku taynguna sa kanmu ti tanan kasiyunan ni Mipibusit.” Magkun si Siyba, “Mahal Hari, alistu duy aku sumunud sa kanmu. Pagmasulung mana kawu sa kangku.”

Kabagawan 15:33

Ti paggalang sa Panginuun ikadunung gid tawu, ag ti pagpakumbaba makapakaun kadayawan.

Husyas 2:16

Magkun ti Panginuun sa manga Israilita, “Sa ati pag sirang niyu pagbalik sa kangku, tawagun niyu aku ‘Kang Asawa’ ag balaw yi niyu aku tawagun ‘Kang Baal.’

Pilipus 2:3

Danga makasadili lang kanyu turunu gayak, danga sa ikadayaw lang sa kanyu sadili. Bagkus ngap lubus pagparakumbabaan kamu sa usa kag sa usa, isipa niyu ti manga iba lalu mayad man sa kanyu sadili bilug.

Talaghusay 19:3

nagpasya ti Libita sulangun niya kay asawa ag sabihan pagkuyug yi siya sa kanya. Nakan naglakaw siya kaibahan kay usa ka suruguun ag duwa ka asnu. Pagras-ug niya ati, pinasaka siya babayi. Pagka nakitan siya niya manugang lalaki, masulung gid siya pinadayun.

Rut 2:12

Nakan papaladan mana kawu Panginuun dahil sa kanmu binwat. Mana laun pag pirimyu kanmu matanggap ginan sa Panginuun, ti Diyus Israil, kanmu darangpan.”

Rut 2:14

Pagka udas yi mangaun, magkun si Buus sa kan Rut, “Abala, pagbuul kawu karan-unun bag-u isugmaw nimu sa langgaw.” Nakan tinmukaw si Rut kaibahan ti manga manug-ani, tinunghulan siya ni Buus sinanglay pag butir. Nangaun siya tugka sa nabsug, ag may nasawad waya siya.

1 Samwil 1:18

Sinmagut si Hana, “Salamat duy sa kanmu.” Linmakaw yi siya ag nangaun, balaw yi maruku kay uyahun.

1 Samwil 25:41

Linmuhud si Abigil ag magkun, “Magpasnu aku. Alistu aku sa pagsirbi sa kanya hanggan sa kay manga suruguun.”