Rut 2:12 - Hanunuu

¹² Nakan papaladan mana kawu Panginuun dahil sa kanmu binwat. Mana laun pag pirimyu kanmu matanggap ginan sa Panginuun, ti Diyus Israil, kanmu darangpan.”

Rut 2:12 Iomraidhean Croise

Kanta 17:8

Alagai aku parihu sa pag-alaga tawu sa kay mata, ag alagai aku parihu sa pag-alaga manuk sa kay manga butu sa sirung niya manga pakpak.

Kanta 19:11

Magpakaun diman inda paandam sa kangku, sa kanmu manugsirbi, Panginuun. Nu pagtupadun niku inda makatanggap aku abunda pag pirimyu.

Kanta 36:7

Diyus, masyadu mahalaga kanmu pagmahal. Pag-alagaan nimu ti manga tawu parihu sa pag-alaga manuk sa kay manga butu sa sirung niya pakpak.

Kanta 57:1

Diyus, kaawai aku dahil sa kanmu aku magdangup parihu sa butu manuk magpatagu sa sirung manga pakpak niya ina. Manhagad aku awat sa kanmu tugka sa lumawuy ti manga kadamhakan.

Kanta 58:11

Bag-u sumabi ti manga tawu, “Tutuu gid ungud may pirimyu para sa manga matadlung ag may Diyus maghatul sa manga tawu sa kalibutan.”

Kanta 61:4

Patahana aku sa kanmu Balay hanggan aban ag alagai aku parihu sa pag-alaga manuk sa kay manga butu sa sirung niya manga pakpak.

Kanta 63:7

dahil kawu ti mag-awat sa kangku. Manhuyaw aku sa kabayaan mintaras pag-alagaan nimu aku parihu sa pag-alaga manuk sa kay manga butu sa sirung niya manga pakpak.

Kanta 91:4

Dahanan niya kawu parihu sa pag-alaga manuk sa kay manga butu sa sirung niya manga pakpak. Sa kay katapatan, ingatan niya kawu ag apinan.

Kabagawan 11:18

Ti daut pag tawu unman makatanggap tutuu pag pirimyu, dapat ti magbuwat matadlung makatanggap tutuu pag pirimyu.

Kabagawan 23:18

Ag pihu gid may mayad kawu patabgan, ag balaw mibuyu kanmu paghingabtun.

Hirimyas 31:16

Dapat magkun ti Panginuun, “Danga yi kawu maglumi dahil pirimyuhan niku kawu sa kanmu manga binuwat. Bumalik kanmu manga anak ginan sa daga manga kalaban.

Matiyu 23:37

Sinabi ni Hisus, “Hirusalim, Hirusalim, pagpanmatyun nimu ti manga purupita, pagbatuhun nimu ti manga sinugu Diyus tabug sa kanmu. Kapira yi ginan kang hinanap ti manga mag-uli sa kanmu sulud, hampay kang likumun, parihu ga inaan manuk mag-ukub sa kay manga butu, dapat dayu di ngap kamu.

Matiyu 5:12

“Pagbaya gid ungud kamu pagmasulung kanyu naisipan, daka nakan kay pirimyu aban sa kanyu ati sa langit. Dahil katunda diman waydi kanda nag-unuunu kaybi sa manga purupita, sa manga un-an man sa kanyu.”

Matiyu 6:1

Magkun si Hisus, “Pag-ingat kamu, danga magpakakit-kakit lang sa atubangan manga tawu kanyu buwat mayad. Nu katunda kanyu buwat unman kamu may matanggap pirimyu ginan sa kanyu Ama sa langit.

Lukas 6:35

Dapat mahala niyu kanyu manga kalaban, pakan-an niyu sida mayad, pagpaudam kamu danga yi magsarig kuntay ulian kamu. Nu katunda, daka pag pirimyu kanyu tanggapun ag kilalan-un kamu manga anak Makamaskihan pag Diyus. Dahil magbaya siya una sa manga tawu unman may pasunaid ag makasalanan.

Kulusas 2:18

Danga kamu maniwala hampay kanyu pirimyu unman madura sa kanyu. Dahil may manga tawu gustu nida pilitan kamu sa lagat-lagat unman maghandum karan-unun hanggan sa magsamba sa manga anghil. Magpalabi-labi sida sa kanyu dahil sa kanda nakitan ginan kunu sa Diyus. Dapat unman sida may ipadayaw-dayaw dahil kanda ugali naisipan parihu lang ga tanan tawu.

2 Timutiyu 1:18

Pagsa kanya kay pangaawa Panginuun nu kaudasan yi aban pagbalik Panginuun. Alam diman gid nimu nu kabitay siya pag nagsirbi sa iglisya ati sa Ipisu.

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Hibriyu 11:26

Kay isip ni Muysis daka man pag kayamanan nu pag-unuunuhun siya dahil sa kay Pinili Diyus Manugribri pag Hari, balaw di ga manga kayamanan sa Ihiptu, dahil paghingabtun niya kay patabgan pag pirimyu.

Hibriyu 11:6

Nu unman may sarig ti tawu, dayu mahimu siya lubus pagbayaun Diyus. Dahil nu ti tawu magpakarani sa Diyus kailangan siya magsarig kuntay may Diyus ag unman siya magpabaya sa manga maghanap sa kanya.

Hibriyu 6:10

Dahil ti Diyus matadlung ag unman pagkalimtan niya kanyu kasipagan hanggan kanyu pagmahal sa kay ngaran. Makitan yi waydi kanyu pagmahal sa Diyus dahil sa kanyu magsirbi sa manga magsarig sa kanya una kaybi ginan hanggan taynguna tugka.

Rut 1:16

Dapat sinmagut si Rut, “Danga aku niyu pagpilita tayakan kawu, dahil nu naan tabug kawu, atag diman aku, ag nu naan kawu pag muli, ati diman aku pag muli. Ti manga kasimanwa nimu bumaliw diman kasimanwa niku, ti Diyus nimu bumaliw diman Diyus niku.

Rut 2:11

Sinmagut si Buus, “May nagtultul sa kangku tungkul sa tanan nimu binwat sa kanmu manugang babayi ginan di waya kaybi sa pagkamatay nimu asawa. Tinayakan kunu nimu kanmu ama ag ina hanggan ti banwa nimu linusadan hampay mangulian kaibahan ti manga tawu unman nimu nakilala.

Rut 2:13

Magkun si Rut, “Mabuut duy kawu sa kangku. Pinabisug nimu kang naisipan. Binagawan aku nimu mayad una balaw aku usa sa kanmu suruguun.”

Rut 4:15

Pabisugun ag alagaan niya kawu nu gurangun yi, dahil anak siya nimu umagad magmahal sa kanmu balaw di ga sa pagmahal pitu ka anak lalaki.”

1 Samwil 24:19

Ti iba nu makitan yi nida kanda kalaban, balaw yi nida inda pagpalpasan. Pirimyuhan mana kawu Panginuun dahil sa kanmu ipinakakit pag kaayadan sa kangku taynguna.

1 Samwil 24:20

Alam niku kawu humari gid, ag ti kaharian Israil rumig-un sa kanmu pagpanguna.