Rut 1:20 - Hanunuu

²⁰ Magkun si Nuymi sa kanda. “Danga yi aku pagtawaga Nuymi, nu unman Mara, dahil pinapait Makamaskihan Diyus kang buhi.

Rut 1:20 Iomraidhean Croise

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Gimpuunan 43:14

Mana tandugun Makamaskihan pag Diyus ti tagipusuun gubirnadur hampay maawa siya sa kanyu ag iuli niya sa kanyu si Simyun ag si Binhamin. Dapat nu unman sida makabalik, tanggapun yi lang niku maluag sa kang tagipusuun.”

Hub 11:7

Masalman aw lugud nimu tanan-tanan ti tungkul sa Diyus?

Hub 19:6

Dapat ti Diyus ti nagbuwat inda sa kangku. Siya ti nagpauli suduk sa kang sangput.

Hub 5:17

“Mapalad ti tawu pag-itadlung Diyus kay ugali. Nakan danga nimu ikadaut ti tamyaw Makamaskihan pag Diyus sa kanmu.

Hub 6:4

Dahil ga pinana aku Makamaskihan pag Diyus ugyung makahilu, kay hilu nanlingatag sa buu niku bilug. Ti madala pag manga ugyung Diyus mapatuyangan sa kangku.

Hub 9:18

Bilang mabugtas yi kang arup dahil sa manga kakurian kay pag-ipaagwanta sa kangku.

Kanta 73:14

Diyus, pirmi nimu aku pagpakurianan; harus kada surip pagpakurianan nimu aku.

Kanta 88:15

Ginan di waya sa anak aku, mag-agwanta yi aku ag diit wadi namatay. Inagwanta niku ti manga madala pag pagbuwatun nimu sa kangku.

Pag-ighit 15:23

Pagka nakaras-ug sida sa Mara, nakakit sida danum, dapat unman nida mainum dahil mapait ti danum. (Inda ti dahilan nu hayga Mara kay ngaran pag rugar.)

Pag-ighit 6:3

Napakakit aku sa kanda ni Abraham, ni Isaak, ag ni Hakub, bilang Makamaskihan pag Diyus, dapat unman aku nagpakilala sa kanda kuntay Panginuun kang ngaran.

Isayas 38:13

Buu magpakumbaba aku nag-alagad tugka surip sa mag-isip mamatay yi aku. Ga pagpalpaun yi liyun kang manga but-ul, nakan kang-isip tapusun yi nimu kang buhi.

Hibriyu 12:11

Sa katpung kita pagparig-anan balaw masulung nu unman ikaruku ngap. Dapat pagka lawuy kay magpariga kay burak mayad pag kahusayan hanggan katadlungan sa manga mag-ugali sa kaayadan.

Ipinakakit 1:8

Kay sabi Panginuun Diyus magkun, “Aku ti Alpa ag ti Umiga. Aku ti Diyus taynguna, una kaybi ag aku ti rumas-ug aban, ti Makamaskihan sa tanan.”

Ipinakakit 21:22

Unman may nakitan aku Balay Diyus sa banwa. Dahil ti Panginuun Diyus makamaskihan sa tanan hanggan ti Anak Karanidu imaw ti pinakasimbahan ati.