Ruma 9:6 - Hanunuu

⁶ Balaw sa nitugka lang ti Bagaw Diyus. Dahil balaw waydi ti tanan manga linahi Israil niminsan sa kay pinili Diyus pag nasyun.

Ruma 9:6 Iomraidhean Croise

Isayas 55:11

Katunda diman kang manga bagaw, balaw inda maduraan halaga, bagkus ngap matupad inda kang manga pagkaibgan, ag isabuwat kang turunu nu hayga niku inda ipinadara.

Bilang 23:19

Ti Diyus balaw tawu magpudil ngatay magkauman kay naisipan. Magbagaw aw siya balaw niya pagbuwatun? Magtaratu aw siya unman niya pagtupadun?

Matiyu 24:35

Madura di aban ti langit hanggan ti daga, dapat kang manga bagaw dayu pumalya.”

Huwan 1:47

Pagka nakitan ni Hisus si Natanail magpakarani sa kanya, sinabi niya tungkul sa kan Natanail magkun, “Tunda pag tawu tutuu gid Israilita. Unman gid siya maradaya.”

Huwan 10:35

Alam nita ti pagsabihun Banal Kasuratan unman may pudil hanggan aban. Diyus ngap ti nag-ingaran sa tunda pag manga tawu kuntay sida manga diyus, imaw yi ngani pag manga tawu ti nakatanggap sa kay bagaw Diyus.

Ruma 3:3

Kabitay nu ti iba manga Hudiyu balaw yi matinupadun? Ibug aw lugud sabihun kanda balaw matinupadun ti nagrangga sa kay pagtupad Diyus?

Ruma 9:4

Sida manga Israilita, binwat Diyus manga anak niya. Nakitan nida ti malinaw pag tanda tigpakilala kuntay ti kadayawan Diyus ngap ti kaibahan nida. Tinalaghut Diyus kay taratu sa kanda, sa kanda diman ipinakaun niya ti Kasuguan, ti tutuu gid pag samba ati sa Balay Diyus, hanggan kay manga taratu.

Galasya 6:16

Ti tanan manga mag-ugali angay sa inda pag manga isinurat niku, hanggan ti tanan nasyun Diyus, kang pag-idarangin hampay sa kanda yi kay kahusayan hanggan kay awa Diyus.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

2 Timutiyu 2:13

Nu unman matinupadun kita, si Kiristu matinupadun di. Dahil unman mitanggi niya kay sadili.”