Ruma 9:26 - Hanunuu

²⁶ Nu naan sida pagsabihun magkun, ‘Kamu bukun Nasyun niku’, siyun ngap ingarnan sida manga anak Diyus buhi.”

Ruma 9:26 Iomraidhean Croise

Kanta 42:2

Buhi pag Diyus, magkauwaw aku sa kanmu. Kapira waya aku makaatag sa kanmu Balay hampay makapakarani sa kanmu atubangan?

Isayas 43:6

Sabihun niku sa manga nasyun sa kanaway hanggan sa salatan kuntay pabay-ani bumalik sa kanda daga kanmu manga linahi, ag pabay-ani muli una naan pag suuk kalibutan.

Danyil 6:26

“Pag-isugu niku sa tanan manga tawu sakup niku kaharian pagkadala ag paggalang sa Diyus ni Danyil. Dahil siya ti buhi pag Diyus ag magkabuhi unman may katapusan. Parargu kay paghari hanggan aban, ag unman may makadaug sa kay kaharian.

Matiyu 16:16

Sinmagut si Simun Pidru magkun, “Kawu duy ti Kiristu, ti Pinili Diyus Manugribri pag Hari, ti Anak Diyus buhi.”

Huwan 11:52

Ag balaw lang para sa nasyun Hudiyu. Mamatay diman si Hisus hampay tipunun niya ipaminsan ti manga anak Diyus nangalat-kalat sa buu kalibutan.

Ruma 8:14

Dahil ti tanan manga tuludluan Ispiritu Diyus, imaw ti manga anak Diyus.

Ruma 8:16

Ti Ispiritu ngani tigpatutuu minsan sa kanta tagipusuun kuntay kita manga anak Diyus.

Ruma 8:19

Ti tanan linalang Diyus magpatigagad yi gid sa kaudasan nu mipaburayhaw yi Diyus aban kay manga anak niya.

2 Kurintu 6:18

Magkun ti Panginuun Makamaskihan, “Aku yi gid kanyu Ama, kamu kang yi waydi manga anak lalaki, manga anak babayi.”

Galasya 3:26

Ginan sa kanyu magsarig sa kan Kiristu Hisus, nakan kamu tanan manga anak yi ngap Diyus kainda.

Diyuturunumiyu 14:1

“Manga anak kamu Panginuun niyu Diyus. Nakan nu manruku kamu sa namatay, danga niyu pagbiyagi kanyu sadili aw ngatay kidkidun kanyu tungud bangas.