Ruma 9:23 - Hanunuu

²³ Gustu diman niya ipakakit kay unman may pumarihu pag kamaskihan sa manga tawu kay pagkaawaan ag kay ihinanda ginan waya kaybi para tabug sa kadayawan.

Ruma 9:23 Iomraidhean Croise

1 Krunika 29:18

“Panginuun, ti Diyus nimi manga ginurang si Abraham, Isaak, ag Hakub, mana ipauli nimu pirmi inda sa tagipusuun nimu nasakupan, ag awati sida rumig-un sa kanmu.

Lukas 1:17

Umuna siya sa Panginuun parihu ga kan Ilyas diman dahil sa kapangyarihan Ispiritu Banal. Pabalikun niya ti naisipan manga gurangun sa ikaayad nida manga anak. Tudluan niya ti manga makasalanan agud sida madunung magtupad sa kagustuhan Diyus. Ialistu niya para sa Panginuun usa ka nasyun handa yi.”

Binwat 9:15

Magkun maan ti Panginuun sa kan Ananiyas, “Pag-ati duy kawu, dahil pinili ngap niku si Saulu hampay siya sumirbi sa kangku hampay ipakilala niya kang makamaskihan pag ngaran sa manga balaw Hudiyu, sa manga hari hanggan sa nasyun Israil.

Ruma 2:4

Aw ngatay barang udyi pagpahalgaan nimu ti Diyus dahil siya mayad gid ag maagwantahun ag matiniisun. Unman aw lugud alam nimu kay pagmahal Diyus sa kanmu tigpakaun rugar hampay umampu kawu sa kanmu kasalanan?

Ruma 8:29

Dahil ginan waya sa kabag-u daan di alam Diyus nu si unu pag manga tawu sa kanya. Tunda pag manga tawu hinanda niya hampay pumarihu sa kay Anak, hampay si Hisus, kay Anak Diyus, bilang ga panganay mayamu patar-ari.

Ruma 8:30

Kay manga pinili ginan waya sa kabag-u kay diman binutung. Ti manga binutung niya kay diman kinilala kuntay manga matadlung. Ag ti manga nakilala niya kuntay manga matadlung, naayawan diman waydi niya kadayawan.

Ipisu 1:18

Kang pag-idarangin kamu hampay marayawan kanyu naisipan hampay maalaman niyu kanta pag-asahan dahil sa kay pagbutung niya sa kanta. Kay ihinanda niya ti daka gid pag kaayadan sa tanan manga binanal,

Ipisu 2:10

Kita hinuman Diyus niusa sa kan Kiristu Hisus hampay itigana nita kanta buhi bilug sa buruwatun mayad, imaw kay ihinanda Diyus kaybi waya ginan hampay kanta ugaliun.

Ipisu 2:7

Binwat niya inda hampay sa pararas-ugun pag kaudasan maipakakit niya kay dayu makarkula pag abunda niya mayad nabubut-un sa kanta, sa manga niusa sa kan Kiristu Hisus.

Ipisu 3:16

Maghagad aku sa Diyus angay sa kay kayamanan hanggan kamaskihan hampay parig-unun ag pabisugun Ispiritu kanyu tagipusuun,

Ipisu 3:8

Sa tanan manga nasakup sa Diyus aku ti unman may kabuluhan. Dapat una katida nagustuhan diman niya ipakaun sa kangku inda pag buruwatun, hampay itudlu niku sa manga balaw Hudiyu ti Mayad pag Barita tungkul sa abunda ag dayi maaput naisipan pag papalad ginan sa kan Kiristu.

Kulusas 1:12

ag hampay kamu magbaya gid magpasalamat sa Diyus Ama, dahil binwat niya kamu kang-ud hampay may kahuray kamu sa kay kaharian hanggan karayawan, pinaminsan kamu sa manga nasakup sa kanya.

Kulusas 1:27

Kay gustu Diyus ipaalam sa kanda inda pag daka gid pag makadululaw pag katutuuhanan tungkul sa tanan nasyun tawu. Inda yi ngani ti madalum pag katutuuhanan, magkun, sa kanyu yi gid si Kiristu, nakan may pag-asa kamu miminsan sa Diyus ati sa kay kadayawan.

1 Tisalunika 5:9

Binutung kita Diyus balaw hampay parusahan, bagkus ngap hampay kita kay iribri nita Panginuun Hisu-Kiristu.

2 Timutiyu 2:21

Una si unu ti magpakarayu sa magbuwat kadautan pag-ipaparihu sa manga garamitun pagpahalagaan niya apu, manga sakup sa Diyus, ihinanda para gamitun niya Panginuun, pirmi alistu sa una hintay pag buruwatun mayad.