Ruma 9:18 - Hanunuu

¹⁸ Nakan ngani pagkaawaan Diyus nu kay gustu niya kaawaan, ag pagpaganitun niya ti tagipusuun tawu nu kay gustu niya paganitun.

Ruma 9:18 Iomraidhean Croise

Pag-ighit 10:1

Magkun ti Panginuun sa kan Muysis, “Pag-ati kawu sa hari Ihiptu dahil pinaganit niku kay tagipusuun hanggan ti tagipusuun niya manga may kangaranan, hampay parargu niku maipakakit sa kanda kang manga makadululaw.

Pag-ighit 10:20

Dapat pinaganit di maan Panginuun kay tagipusuun hari Ihiptu, inampara di gid ti manga Israilita.

Pag-ighit 10:27

Dapat pinaganit di maan Panginuun kay tagipusuun hari Ihiptu, ag unman niya sida pinalakaw.

Pag-ighit 11:10

Binuwat nida ni Muysis ni Aarun inda pag manga makadululaw sa atubangan hari Ihiptu, dapat pinaganit Panginuun ti tagipusuun hari Ihiptu, ag balaw pinasnuan umighit ti manga Israilita ginan sa kay nasyun.

Pag-ighit 14:17

Paganitun niku ti tagipusuun manga Ihipsiyu hampay bukadun nida kamu. Dapat rurisun niku ti hari Ihiptu hanggan kay manga sundalu, manga manugkabayu ag manga kalisa. Sa panab-anan tunda, madayaw aku.

Pag-ighit 14:4

Paganitun niku kay tagipusuun ag bukadun niya kamu. Dapat rurisun niku siya hanggan kay manga sundalu. Sa panab-anan tunda madayaw aku, ag maalaman manga Ihipsiyu aku ti Panginuun.” Nakan binuwat inda manga Israilita.

Pag-ighit 4:21

Magkun ti Panginuun sa kan Muysis, “Nu kawu rumas-ug yi sa Ihiptu, buwata gid nimu sa atubangan hari Ihiptu ti tanan makadululaw pag-ipabuwat niku sa kanmu. Pinakan-an yi niku kawu kapangyarihan hampay bumuwat tunda. Dapat paganitun niku ti tagipusuun hari hampay balaw niya pahintulutan umighit ti manga Israilita.

Pag-ighit 7:13

Dapat maganit di gid kay tagipusuun hari Ihiptu, balaw siya naniwala sa kanda ni Muysis ag ni Aarun, parihu sa sinabi Panginuun.

Pag-ighit 7:3

Dapat paganitun niku ti tagipusuun hari Ihiptu. Una waya mamuwat aku mayamu makadululaw ag lilingutan pag manga bagay sa Ihiptu,

Pag-ighit 9:12

Dapat pinaganit di gid Panginuun kay tagipusuun hari Ihiptu, balaw siya naniwala sa kanda ni Muysis ag ni Aarun, parihu sa sinabi Panginuun sa kan Muysis.

Pag-ighit 9:7

Namadara ti hari Ihiptu manga tawu hampay alamun nu tutuu unman may namatay sa hayup manga Israilita. Dapat una naalaman niya tutuu inda, maganit di gid kay tagipusuun ag unman maan niya pinaighit ti manga Israilita.

Isayas 63:17

Panginuun, hayga kami kanmu pinahintulutan pumakarayu sa kanmu manga palakaw? Hayga pagpaganitun nimu kanmi tagipusuun imaw ti nagtiklud sa kanmi hampay balaw kami gumalang sa kanmu? Pagbalik duy kawu sa kanmi, dahil kami kanmu manugsirbi ag para lang sa kanmu.

Huwan 12:40

“Binuta Diyus kanda manga mata agud unman sida makakit. Pinaganit Diyus kanda tagipusuun agud unman sida makaintindi. Sinabi Diyus magkun, nakan katida kang binwat sa kanda hampay sida unman bumalik tag sa kangku. Dayu waydi paayadun niku sida.”

Ruma 11:25

Manga patar-ari, gustu niku maalaman niyu ti usa ka katutuuhanan udwaya maburayhawan, hampay balaw mag-isip kamu palabi-labi sa kanyu sadili. Ti kaganitan nasyun Israil balaw padayun-dayun, balaw hanggan aban. Inda magkadugay lang hanggan sa udwaya makapakarani sa Diyus ti tanan manga ginayak niya pag manga balaw Hudiyu.

Ipisu 1:6

Dayawun nita siya dahil sa makadululaw pag kaayadan kay ipinapalad niya sa kanta sa panab-anan niya pagmahalun pag Anak.

Diyuturunumiyu 2:30

Dapat ay unman nagpasnu si Hari Sihun taga Hisbun kuntay palawuyun kita dahil pinaganit Panginuun niyu Diyus kay tagipusuun hampay iayaw niya siya sa kanta manga kamang, parihu sa kay binuwat niya kainda.

Huswi 11:20

Dahil pinaganit Panginuun kanda tagipusuun hampay lumaban sida sa manga Israilita, hampay mapapas sida lubus ag matyun unman may awa, angay sa isinugu Panginuun sa kan Muysis.